الشعب كان محتاج زعيم
الشعب ثار ايام يناير..
هب وصمد..
سوا الهوايل..
وقام بثوره ع الطغاه..
من غير ماحد يكون معاه..
لا كان فى قائد يلهمه..
ولازعيم يفهمه..
ربنا صانه وحماه..
يومها العدد كان ف الليمون..
من كل صنف وكل لون..
ولافيش بطل شد العيون..
وقت المحن كله يهون..
وجابولنا خاين خان يخون..
يستاهلوا عاصرين الليمون..
الشعب كان محتاج لرمز..
بطل يسد عين الشمس..
ويكون امل وشموخ وعز..
محتاج زعيم ياخد ايديه..
مش نصابين تحتال عليه..
علشان كده الناس فوضوك..
انت الزعيم اللى شافوك..
وبأرادتهم اختاروك..
بالملايين قاموا ينادوك..
بالغالى والروح افتدوك..
قوم نادى حى على الفلاح..
يامصرى دى ارادتك سلاح..
عايزين نضمد الجراح..
احنا انتهينا م اللى راح..
حتلاقى كل الشعب جنبك..
والرافضه دول حبة رعاع..
الشعب كان محتاج زعيم..
محتاج مثل ويكون عظيم..
يرجّع المجد القديم..
ويمسح الماضى الاليم..
بطل يطمن القلوب..
بنحبه والله العظيم
المفضلات