محكمة القلوب(خلى بالك)

[اميرة حبى انا]

وتواصل المحكمة محاكمة اسرة مدينة 6 اكتوبر
ولما نحاكم اسرة
يبقى لازم نحاكم رب الاسرة

*
*
*
*
*
*
*
نصــــ الهوىــــــــل

هنصحيه ونجيبه من بيته عشان يتحاكم

افترا

ارفع ايدك اليمين وقول
والله العظيم اقول الحق
والله على ما اقول شهيد

[محمود التهامي]

السلام عليكم ورحمة الله وبركاتهاستميح المحكمة عذراً أن تعفيني من القسم حتى لا نُدخل اسم الله في ما ربما
يعتبره البعض لهواً

ولكني اتعهد أمام الجميع أن أقول الحق ولا شيء غير الحق

أولا وقبل كل شيء اسمحولي اسجل اعجابي وانبهاري بالمقدمة الرائعة والتيكنت اتمنى ان تكون الاسئلة على نفس مستواها وان تتغلغل اكثر في النفوسوالقلوب حتى تقدم لنا اجمل الخبرات في اروع ما خلق الله على الارض وهو الحب


1- صف حبك .. في كلمة واحدة ؟
كلمة واحدة مستحيل توفي الكلمة دي حقها
لكن لو لازم كلمة واحده تبقا ( المستحيل )
مع اني شايف ان كاظم الساهر لما قال
حـاء ٌ حريقٌ وبـاءٌ بِت ُ في نار
ممكن يكون كدا صور الحب عند ناس كتير
لكني دايما شايف الحب زي ما قال نزار
الحب في الأرض بعض من تخيلنا لو لم نجده عليها لاخترعناه


2- هل يُمكن أن يكون الحب من أول نظرة ؟
ممكن طبعا وايه المانع يعني
ممكن من اول نظرة وممكن من اول كلمة او همسة وممكن من مقابلة في الشارعصدفة او حتى خناقة او اي حاجه او حتى مكالمة تليفون من نمرة غلط
من الآخر يعني الطريقة اللي يبتدي بيها مش مهم لانها بتكون قدر من الله عز وجل ومهما تعددت الطرق فالنتيجه واحده


3- متى أحببت لأول مرة ؟ ( سؤال جوابه اجباري ) ..

ممكن تعتبروا
اجابتي دي هروب لكني معتقدش أبداً إن الإجابة ممكن تكون غير كدا لإن إجابتي هي إن كل مرة حبيت فيها كانت بالنسبالي أول مرة أحب
لكن لو عايزين تواريخ يعني يبقا أول مرة كنت في رابعة إبتدائي وتاني مرةكنت في الإعدادية والثالثة في ثانوي وساعتها كنت بحب الثلاثة في وقت واحديعني كل واحدة كام يوم كدا هههههههههه
وللأسف كلهم طبعاً حب من طرف واحد
غير بقا مرة كمان في الجامعة وكالمعتاد من طرف واحد
ومرة كمان بعدها بس
ومرتين تلاتة اعجاب وللا حاجه
وبعدين بقا مراتي
وكانت أول واحدة يبقا عندها نظر وتخلي عندها شوية بتاع من الأحمر دا وتحبني
هههههههههههههه
باين كدا صعبت عليها



4- مالذي جذبك لـ حبيبك / حبيبتك وكان سببا لتعلقك واختيارك له / ــها ؟
تقصدي انهي واحده فيهم طيب
هههههههههههههههههههههههههه
صدقوني نفسي أعرف إجابة للسؤال دا
لكن بالنسبة للمرة الأولى والخامسة فغير صفاتهم الجميلة ورقتهم المتناهية فكمان كانوا بجد بنتين حلوين قوي قوي
ويمكن تكون عينيا بس هي اللي شافتهم كدا
غير كدا فاكتر حاجه كانت بتشدني لأي بنت الهدوء والإنطلاق والرقةوالإستقلالية طبعاً كل دي صفات متناقضة لكن ممكن يكون السبب إني من مواليدبرج الجوزاء

5- مالذي عناه الحب لك في ايام الثانوي ؟
ياااااااااااااااااااااااه
كل حاجه طبعا
هو انا كان ورايا حاجه غير اني احب على نفسي
بقولك كنت بحب تلاتة في وقت واحد
بس والله كانت أحلى أيام حياتي

6- متى يمكن أن يكون الحب أدراج الرياح لسبب غير الخيانه من وجة نظرك ؟
الحب عمره ما ينتهي لكن ممكن ظروف كتير تنغص عليه وتدفنه بالحيا
واعرف قصص كتير بالشكل دا
لكن الحاجه الوحيده اللي تقتل الحب هي الخيانة
وطبعاً مقصدش الخيانة الجنسية
- لإني معتقدش أبداً انه فيه واحده ممكن تخون راجل - وحطو خطين تلاته تحت كلمة راجل دي -
لكن الخيانة بكل أنواعها سواء الحسية والنفسية
أو الإجتماعية


7- ماالشعور الذي يرافقك طوال وجودك بالقرب من حبيبك / حبيبتك ؟
غير ضربات القلب المضطربة والرعشة والقشعريره وارتفاع الحرارة واحساس الرهبة بتاع الامتحانات يعني ؟ ههههههههههههههه
بس تصدقوا رغم ان الاحاسيس دي كلها تعتبر اعراض مرضية لكنها لما بتجتمع مع بعض وفي وجود الحبيب بيكون لها تأثير أكثر من رائع
العلماء فسروا دا بالإندورفينات اللي الجسم بينتجها ويفرزها في حالة الحبوالمماثلة تماما لما ينتجه عند النشوة الجنسية أو الحسية بمختلف أنواعهاوزي كمان نشوة المخدرات


8- هل تفضل ( أو يعجبك ) أن يكون / تكون حبيبتك / حبيبتك هو شريكـ / ـة حياتك ؟

ومين يقول لأ
مع إنه للأسف الحب بيفقد الكثير من بريقه بالزواج
أو بمعنى أدق معاني ومشاعر وأحساسي كتير قوي بتتغير وبيتغير معناها بعد الزواج
ودا للأسف اللي بيحط الكثير من الزيجات في مشكلات كبيرة قوي نتيجه لعدمفهم الطرفين للتغيرات التي تطرأ على العلاقة نتيجه تحولها من علاقه حب إلىعلاقة زوجيه لها شروط وقواعد والتزامات


9- ما الكلمة الي تستخدمها لـ تنادي حبيبك / حبيبتك ؟
مبحبش نظام تغيير الأسامي دا
أناديها باسمها أو بـ حبيبتي


10- مارأيك في مقولة ( الحب عذاب ) ؟
مع اني مبحبش ام كلثوم لكن كان عندها حق لما قالت
ياللي ظلمتوا الحب وقلتوا وعدتوا عليه
العيب فيكم يا في حبايبكم
أما الحب يا عيني عليه



11- أي من هذه الطرق يمكن أن تؤمن بها ولو 1% أكثر من غيرها
- صدفة ؟
- اتصال عن طريق الخطأ ؟
- عن طريق الأنترنت ؟
- عن طريق شخص تعرفه ؟

اعتقد اني جاوبت السؤال دا ضمنيا قبل كدا
لكن الحاجه الغريبة اللي مش فاهمها ان عم جمال اختار الانترنت !!
ومعنى كدا زي ما السؤال بيقول انه يؤمن بالحب عن طريق الانترنت اكتر منالعلاقات الشخصية او الصدفة ودا شيء غريب مش قادر افهمه وياريات الاقي منحضرته تفسير ودا مش معناه اني ضد الحب على او من خلال الانترنت لأ بالعكسأنا معاه جداً لكني لا اعتقد انه الطريقة الأولى أو المثلى للحب
المهم هرجع لاجابتي
فالبنسبالي مش مهم أبداً الطريقة
هم مش بيقولوا برضه الغاية تبرر الوسيلة
بس ياريت محدش يفهمني غلط ويمسك الدليل وينزل معاكسات لحد ما يلاقي واحده ويقول حبيتها وانتوا يا بنات خدوا بالكوا
مع اني عندي قناعه تامة انه مفيش واحد يقدر يضحك على واحده إللا لو كانت هي اللي سمحتله بكدا - وزي ما ربنا قال " إن كيدهن عظيم" -


12- هل يمكن أن تسمي ( ابنك / إبنتك ) على أسم ( حبيبك / حبيبتك )
كنت اتمنى لكن هتصادفني مشكلتين
الأولى ان مراتي عارفة كل قصصي القديمة ودا طبعاً لاني زي ما لاحظتم ما بيتبلش في بقي فولة خصوصا في المواضيع دي ههههههههههه
الثانية ان اول طفل يجيلي كان ولد هههههههههههه بس لو كان بنت كان يمكن يكون فيه كلام تاني
وفيه مشكلة تالته كمان
اسميها طيب على اسم انهي واحده فيهم
هههههههههههههههههههههههههههههههههههههههه
عارفين مرة كنت بفكر في كدا واخترت لبنتي اسم يجمع اسم بنتين حبيتهم بس رجعت قولت طيب الباقيين اوديهم فين
هههههههههههههههههههه

التي عشقت حد الجنون وفقدته / تـيه لأي سبب ؟
مش فاهم السؤال لكن لو قصدك سبب فقدي لاكتر واحده حبيتها
فالاجابة هي عدة اسباب
اولا فرق السن طبعا هتفهموني غلط وتفتكروا انه كان فيه فرق كبير بيننا لأ العكس
المشكلة انه مكنش فيه فرق والبنات كلها دلوقتي بتحب ترتبط بواحد اكبر منهاعلى اساس انه هيكون فاهم اكتر يعني ميعرفوش ان اللي عمره نص عمرهم عارفالدنيا اكتر منهم
طبعا كدا البنات هتزعل مني لكن صدقوني عندي مبرراتي
ثانيا قلة جرئتي وهدوئي اللي ممكن يوصل للانطوائية في بعض الاوقات ويمكن مكونش وسيم كفاية يعني مش عارف
واكيد لاني مش روش هههههههه ولا ستايل و أميل اكتر للكلاسيكيات والرزانة والبنات اللي عرفتهم وحبيتهم مينفعهمش حد بالصفات دي
لكن كان لازم الاقي واحده اكبر مني بعشرة خمستاشر سنة عشان ترضى بصفاتي دي
لكن ساعتها مكانتش هترضى بيا انا هههههههههههه
ثالثا طبعا زي كل شباب مصر الفلووووووس
فيه حاجه كمان كنت بلاحظها ومش فاهمها او يمكن يكون سببها اي حاجه من اللي فاتت دي
وهي ان اغلب البنات اللي قابلتهم في حياتي كانوا بيعجبوا بيا واعجاب شديد كمان
لكن عمره ما اتطور لحب ومفيش ولا واحده فيهم حطتني في مكان الحبيب او زوج المستقبل
لكن كنت دايما الشاب المحترم ابن الناس اللي اخلاقه عاليه
لكن برضه كل دا مكنش كافي لأي واحده عشان تنطس في نظرها وتحبني او حتى تطور اعجابها بيا لحب
هههههههههههههههههههههههههههههههههههههه


13- من واقع ماعشت أو جربتهل تدوم أول علاقة للشخص وتستمر .. أو حتى تتطور إلى زواج ؟

كل شيء ممكن لو كانت الظروف مهيئة لكدا
لكن عشان اول علاقة تستمر دا هيحتاج لشروط ومواصفات قياسية في الطرفين
واعتقد ان وجودها دلوقتي اقرب للمستحيل

14- أي من الأسباب تجعلك تخون .. وتتجرد بسببها من خصلة ( الإخلاص ) ؟
لطيفة بتقول استحالة
مش شكر في نفسي لكني اترفع عن حاجه زي كدا
مع اني يمكن اكون من اكتر الناس تهيئاً لكدا لاني ساعات كتير غصب عني بخون
مش الخيانة المعروفة المحرمة
لكن مجرد اني اتخيل او اشتاق لبنت حبيتها في يوم من الأيام
بعتبرها خيانه لزوجتي ولمن كنت احبها
ومع اني برجع بعدها وبجلد نفسي واحاكمها بكل عنف الا اني شايف دايما اني معرض لدا اكتر من اي حد


15- من مِن أعضاء / عضوات المنتدى لاحظتـ / ـي من ردودهـ / ـا .. أسلوبـه / ـا ومواضيعه / ـها أنه قريب / ـيبة من الشخصيه المرسومه عن شريك / شريكةحياتك ؟

للأسف لم تتاح ليا الفرصة إني اقرب من أي عضوة بالمنتدى للدرجه اللي تخليني اعرفها كويس للدرجه دي
خصوصا كمان ان المواضيع الحوارية اللي بتبين شخصياتنا الحقيقية مش كتير
لكن اتمنى بعد المحاكمة دي - اللى كنت اتمنى ان اسئلتها تكون اعمق شويةمع اني حاولت اعوض دا باجاباتي - اني اكون بقيت معروف وواضح ومقروء نفسيالأي عضوة ربما تضع اسمي كرد على هذا السؤال ...

وأخيرا
شكرا اميرة على استضافتك ومحاكمتك اللي طلعت من جوايا حاجات كتير قوي وفكرتني بحاجات أجمل اتمنى الا انساها ما حييت
وشكرا ليكم كلكم على سعة صدركم
واسف لأي حد ممكن تكون وجهة نظري لا ترضيه
شكرا جزيلا واشوفكم على خير

[fagrmasr01]

سؤال 11- كان :
أي من هذه الطرق يمكن أن تؤمن بها ولو 1% أكثر من غيرها
- صدفة ؟
- اتصال عن طريق الخطأ ؟
- عن طريق الأنترنت ؟
- عن طريق شخص تعرفه ؟
وكانت رأيى :
الانترنت بشرط الصدق الكامل

1 - لان لن انتظر الصدفة ولا الخطأ .. لانهم ربما لن يحدثا .. ولأنهم مش تحت تصرفى ولا اختيارى .. وبالتالى لو انتظرتهم ممكن انتظر كتيررررر .. ومحبش الصدفة والاخطاء تحدد لى نبض قلبى
2 - لو عن طريق صديق.. فالزمن دا .. مش زمن الخاطبة .. ولو انى عايش من زمان اوى .. يمكن من قبل زمن الخاطبة بكام سنة
لكن مش مقتنع بالطريقة دى
لكن ف النت .. ومع الصدق الكامل ممكن يكون الاختيار موفق اكتر ودا رأيى ومع الصدق

هو مجرد توضيح لسؤال أستاذنا نصل الهوى
أتمنى اكون وضحت وجهة نظرى

[اميرة حبى انا]

نصل الهوى
احتارت هيئة المحكمة امام اجاباتك الصادقة والرائعة والمليئة بأحاسيس مش عارفة اوصفها
والبراءة قليلة عليك
شكرا يا محمود
بجد اجاباتك روعة
واوعدك بجزء تانى للمحكمة مع اجابات اعمق من دى بكتير
وانا اللى بشكرك لانى بجد استمتعت جدا جدا جدا
وضحكت من قلبى كمان
استمتعت باجاباتك واحاسيسك
وضحكت على خفة دمك
شكرا يا محمود
وبراءة طبعا

[اميرة حبى انا]

فاصل
و
نواصل