كرسى الطفوله

[lionking]

يلا يا محمود

انت فين

تعالى بسرعة عايزين نعرف طفولتك كانت ازااااااااى

[خلود]

انت فين يامحمود

كله مستنى يشفو ايه اخبارك واهرامك وطفولتك كانت عامله ازاى

[since1990]

السلام عليكم
ايه المفاجـأت الحلوه دى يا خلود
بدون مقدمات ولا تحذيرات.
وشكر خاص للاعضاء الاجمل
والاحلى اللى رحبوا بيا

لما اروح احل الاسئله بقى
سلام

[since1990]

1/ هل كنت مشآآآآكس أوكنت على
نياتك وهادئ~~>أتوقع الكل مشأكس؟؟

كنت هاااادئ جدا بس قدام الناس,
واول مابروح البيت بأتحول




2/ كنت طفل مميّز
عند شخص ما؟؟

عند جدتى لدرجه كنت باقولها يا ماما




3/موقف حصلّك وأنت صغير ولغايه دلوقتى
مأثر فيك؟؟
مش قادر افتكر بصراحه

4/ أكبر عيديّة آخذتها ..كم كآنت ..
ومنْ من ؟؟؟ وايه كان شعورك وقتها؟؟

100جنيه
كان عندى 9 سنوات
من خالى
ومكنتش عارف اعمل بيها ايه!!!



5/ من أقرب طفلـ/ـة من الجماعة
كانت أقربلك؟؟ يعني مكنتش يضربك آو تضربك
ولا تضايقك ولا يضايقك؟؟

كان جارى واسمه ايهاب
بلعب معاه من سن 5 سنين
وعمره مازعلنى



6/ مين كان اقرب لك بابا ولا ماما ؟؟؟
امى

7/ زميل لك كان خانقك قولنا مين هو ؟؟؟؟
فعلا كان فيه عيل غتت اوى اسمه احمد,
الغريب بقى انه كان اخو ايهاب اللى حكيت عنه من شويه



8/ ايه اكثرحاجه حلوها كنت تحبهاا في
طفوولتك الرائعه ؟؟

الايس كريم


9/ ماهوطولك "

180سم
مرتفع / متوسط / سموول " ؟
مرتفع؟؟؟؟
ناقص تقوليلى مربع ولا مستطيل ولا مثلث
ههههههه

10/ ايه ترتيبك بين اخوانك ؟ وهل
هذآ الشئ اثر في مسيرتك الطفوليه ؟؟

الاول
اه أثر جدا لانى كنت متدلع على الاخر



11/ ايه اكثر مكان كنت تحب تروح له ؟"
ملاهي . حديقه ... الخ

نادى نقابه المهندسين فى ش ابو الفدا
قضيت فيه ايام جميله
كل يوم جمعه لسنوات عديده

12/ ايه اكثر لعبه كنت تحب تلعب فيهاا؟؟
الكوره

13/ هل كنت تضرب والا تنضرب
والا>> لاتهش ولاتنش ؟؟

ماليش فى الخناق خالص
يعنى كنت مسالم على الاخر


14/ هل كنت تبكي كثير ؟؟
اه طبعا لما اكون عايز حاجه ومش راضيين يجيبوهالى

15/ ايه اكثر فيلم كرتوون كنت تحب
تشووفه ؟؟

اليس فى بلاد العجائب
وبابار الفيل

16/ من اكثر واحد من اخواانك كان قريب
منك ؟؟ يعني اللي تحب تلعب معاه ؟؟
اختى الصغيره



17/ موقف حصل لك ولحد دلوقتى اذا ذكرته
يضحكك ؟؟



18/ كنت تحب الحليب والا تشربه
بالغصب؟

للاسف مكنتش بطيق اللبن


19/كنت شاطر بالمدرسة ولا ؟؟

كنت مجتهد


20/ كيف كانت طفولتك بأيامـ رمضان ؟
كنت >>
تصوم قدام اهلك ومن وراهم تفطر؟؟

يمكن عملتها مره


21/استايلك وانت صغير..كيف كآن؟

كنت مهتم بمظهرى


22/كلمه دائما على لسآنكـ!!
ماليش دعوه

23/هل هناك شخص كنت دايم تتبلى عليه
يعني تعمل المصيبة وهو ينضرب ؟
اختى الصغرى



24/جريمة او مصيبة لـ هذا اليوم تذكرها و
مستحيل تنساهاا ؟؟
كنت فى اولى اعدادى وفى احد الشهور جبت نتيجه وحشه فى الشهاده
وكان لازم ولى الامر يمضى عليها,فأشارعلى احد ممن يطلق عليهم اصدقاء السؤ
انى اققلد امضاء والدى فعملت كده فعلا.
المشكله ان والدتى اصلا مدرسه فى نفس المدرسه
واكتشفت الموضوع ده لما راحت تسأل على درجاتى.
طبعا عايزين تعرفوا ايه اللى حصلى:

علقه مووووووت

25/ما هو اقوى عقاب في حياتك ؟؟

بلاش فضايح


26/نشيد كنت تحبه أيام الطفوله ؟؟

أغنيه الكابتن ماجد


27/ماهي الموآقف اللي عرضت فيه
اهلك للاحراج؟؟
بصراحه مره زماااان مش هانسى الموقف ده ابدا,
كنت انا الوحيد اللى صاحى فى البيت ومش لاقى حاجه اعملها
قمت داخل المطبخ وقررت استخدم السكينه
فى تقطيع اى حاجه, فتحت الثلاجه لقيت كانتلوب فقلت اجرب,
المهم قسمت الكانتلوبايه المسكينه نصين,ولانى مكنتش بحب اكله خالص
فقررت التخلص منها علشان ماتكشفش قمت واخدها ورميتها من البلكونه
وكنا ساكنين فى الدور السابع,المهم من سوء حظى وقع احد النصين على دماغ
واحد معدى فى الشارع.
المهم الراجل عرف انه من الشقه عندنا ازاى معرفش,طلع بقى وكانت ليله منيله..


* بحكم طفوله ان الواحد يكون برئ
وحبيت اسال عن

28/اكثر موقف صدمك يوم انت صغير
شوفت والده واحد صاحبى بتضربه وكان بيعيط ومش عارف اعمله حاجه

29/كيف كان اول يوم مدرسه لك بكيت

ولا لا ..؟
بداياتى مع المدرسه
كانت تتلخص فى حاجتين هما اللى كانوا مصبرنى على المدرسه,
انتظار الباص واللعب فى الشارع لحد ما يجى,والرجوع فى الباص لانه
كان بيبقى وقت كله لعب وضحك


30/ ضعت في مكان؟ .. سوق او


حديقه او كورنيش.. اذا كان حصل قولنا كل اللى حصل كله ..؟

محصلش


31/وايه اجمل هديهـ خذتها في
طفولتك...ومانسيتها ابد...؟!
العجله



32/بصراحهـ من كنت تحب بطفولتك
اكثر امك ولا ابوكـ....؟!

امى


33/في انسان معين تحس انك كرهتهـ
في طفولتك ...؟!

لاه ابدا


34/متى هي المرة من المرات اللي
حقدت فيها على اهلك وانت صغير
\يعني...
قالوا على صفه فيك بتكرهها قدام احد وانقهرت بقوة ؟؟
ماافتكرش انه حصل
/لحقت تتابع/ين سبيستون ؟؟ ولا

لاه
انا اخرى كان ماما نجوى وبقلظ
وما يطلبه الاطفال
36/هـل كنت تغلط في نطق الحروف..؟
لاه



37/موقف عملته ..ولغايه دلوقتى محدش عرفه بس هتقوله هنا ويانا ؟؟؟؟
لاه هايفضل سر


38/مين اعز صديق طفولة و الى الان

متواصل معه>><؟
شريف,مصطفى

39/ اذا عندكـ صوره لكـ وانت طفل
عندك جرأه تحطها لنا هنا ؟؟؟؟؟
~~~>الصوره مهمه ..هههههههههههههااااااي
للاسف مفيش على الجهاز

حد من اصحابك قال عليك دمك تقيل وزعلت منه اوووى ؟؟؟؟؟
مقلب اتعمل فيك اتضايقت بسببه من زميلك

مافتكرش


باى باى

[ahmedabdelziem]

اسف سينس
انا مكنتش بدخل بقالى يومين
بس انت عضو مميز
وتستحق الشكر على كل شئ