الضيف الجديد(الطاوس الحزين)

[خلود]

حقيقى انتى شخصيه ظريفه جدا واجاباتك جميله جدا

يلا كملى اسئله جمال علشان نكمل عليكى اقصد نكمل احنا اسئلتنا ههههههههههههه

نورتى يااختى الفاضله وربنا معاكى بقى فى الباقى

جايلك متستعجليش بس واحد واحد علشان مش تتخضى

انتى طلبتى كده وانتى غاليه علينا

[fagrmasr01]

اختنا الطاووس
هو انتى سايبة الشاى يبرد ليه

يالا يا ست الكل اتفضلى وكملى
ومن فضلك تزودى لنا الجاتوهات

ولو اسئلتى كتيرة او فيها سؤال كده واللا كده .. انا مسامحك وممكن تمسحى اى سؤال براحتك اوى

[الطاوس الحزين]

احم احم

انا جيت

اعتذر عن التاخير الاولاد صمموا يروحوا عند جدهم

اجازة بقى

المهم يلا نكمل لانكم انتو كمان وحشتونى

بسم الله الرحمن الرحيم

كيفك اخى الكريم جمال .. لعلك تكون بخير

نبدأ على بركة الله

هل تقرأى الجرائد - ما هى جريدتك المفضلة

اى نعم اقرأها _ وجريدتى المفضله الاهرام

هل تشاهدى الفضائيات - ما هى قناتك وبرنامجك المفضل

مين الكاتب المفضل

نعم اشاهد _ قناة الناس - الرحمة - الرسالة - والقنوات الاخبارية

انا من محبى الشيخ محمد العريفى وله كتاب لذيذ جدااا

وهو

استمتع بالحياة ..فعلا كتاب تحفة....

والشيخ عائض القرنى

وعجبنى ليه كتابه لاتحزن وابتسم

موقع النت المفضل... غير اكتوبر طبعا

امممممممم

موقع حفاظ الوحيين

وموقع طالبات علم للنساء فقط

وموقع المحيط الاخبارى

وموقع مسكيات للنساء فقط

وموقع الشيخ يحى الغوثانى

وطبعا جوجل صديقى العزيز

هل بتحبى الشعر ..

احب الشعر ...

احب الشاعر فاروق جودة جدااا .. واحب كتاباته فى الاهرام

لكن للاسف بدأت اتخلى عن قرأة الشعر

للاية الكريمة.. قال الله سبحانه وتعالى

( والشعراء يتبعهم الغاوون )

صحيح فى استثناء ... بس انا مشيت على مبدأ الحيطة والحذر

من هو شاعرك المفضل

فاروق جودة .. شخصية محترمه جداااا

الكاتب اللى بتحبى تقريى له ( فى الادب - فى السياسة - فى الدين )

غالبا فى الدين..

إن حدث يوماً وجلستى مع الشخصيات التالية.. هاتقولى ايه

كده يا استاذ جمال ده انا بقول عليك طيب تعمل فيا كده

سامحه يارب ده طيب مش يقصد يديقنى

بس احب اقولك انا احب اقعد مع ناس بحبها بس ... خلى بالك من كلمة بس مليون خط تحتهااا

بص يا ريس
عمرو خالد ... كنت احبه جدااا وله فضل فى تنشأة اولادى معى

موضوعاته حلوة للشباب بس محتاج يجدد فى طريقة عرضة للمواضيع

وزير الاوقاف ( زقزوق )

اقوله

اتقى الله ... نقاب ايه اللى عاوز النساء تخلعه

قال الله سبحانه وتعالى : (من يتقى الله يجعل له مخرجا ويرزقه من حيث لا يحتسب )

مفتى الديار( على جمعة)

اتق الله...

شيخ الازهر ( طنطاوى)

لا حول ولا قوة الا بالله... ملقتش غير دول اقعد معاهم

ربنا يسمحك ياللى فى بالى ...امممممممم

طبعا اللى فى بالى صاحب الاسئلة .....ههههههه...

وزير الصحة ( الجبلى )

اشكره على التصريح الاخير الخاص بالعمرة والحج .. وان كان لى عليه بعض الانتقادات فى مواضيع اخرى

فنحن امة مسلمة نتوكل علي الله والتوكل من اعمال القلوب ولكن امرنا الله ان ناخذ بلاسباب ولانعتمد عليها ولايعلم الغيب الا الله قل لن يصيبنا الا ماكتب الله لنا في رواية عن عمر بن الخطاب رضي الله عنه عندما كان طاعون عاموس وسئل لماذا يدخل البلاد التي فيها الطاعون قال فررت من قدر الله الي قدر الله

وزير المالية ( بطرس غالى )

الراجل ده مش بطيقه .. ازاى اقعد معاه .. وكمان اتكلم

لا مش لاعبه ... هات واحد غيره ...لا بصراحة انا اتخنقت من ذكر اسمه بس فما بالك لو اتكلم....... الرحمة حلوة يا استاذ جمال

مش كده ولا ايه ... على راى فؤاد المهندس ...ههههه

وزير التربية والتعليم

ارحموا من فى الارض يرحمكم من فى السماء

ارحم المدرسين وابناءنا واولياء الامور من الضغط العصبى

وزير التعليم العالى

لا حرام اعصابى بجد بدأت تتعب من الناس دى

يا استاذ جمال انا لسه خرجة من امتحانات الثانوية العامة وعوزة انسى

من كتر ما اتعقدت من الناس دى لاغيت امتحانى هذا العام... بجد بجد اعصابى تعبت ...

فاصل ونواصل

[الطاوس الحزين]

بصراحة اجاباتك كلها جميلة

ومكنتش اعرف ان دمك خفيف اوى كده
امتعتينى بجد وانا بتابع اجاباتك
ومافيش حاجة بالشيكولاتة لاختك الغلبانة
ومتخافيش من الاسئلة
بس خلى بالك من نفسك
هههههههههههههههه
يلا اسيبك مع اسئلة جمال

بجد دمى خفيف ..... يا كسوفى


ليه كده يا مرمر بنكسف يا بنتى



وعشان خاطر كلامك الحلو ده احلى دونتس بالشيكولاته





بالهنا يا عسوله

[الطاوس الحزين]

من فضلك .. قدمى لنا نقد و نصيحة
( النقد لوحده والنصيحة لوحدها .. لو سمحتى )

ايه ده ... كله ضرب ضرب .... مفيش ....هههههههههه

ليه كده ياعم ...امممم ... هتوقعنا مع الناس الحلوة دى

ماما بتسلم عليك وبتقولك ممكن تغير لى السؤال

او ادينى اختيارات ولا اقولك اتصل بصديق ... اى حاجة المهم مش عوزين نزعل حد

امرى لله ... هقول ورزقى على الله

الى كل من :

أميرة

واول واحده اميره ...اممممم..... ده انت مش طيقنى عشان كدا عاوز يحذفوا عضويتى

بص يا ريس اميرة

اميره دى اول واحده حبيتها فى المنتدى ... بس للاسف الشديد هى خافت منى ... رغم انى نسمة ...هههه... بيقولى على كدا

هى شديدة شوية .... واحنا داخلين هنا نفرفش ... اتمنى لو تبقى ريلاكس شويه

خلود

اممممم ... خلود مجتهده جداااا ... بس احب اقولها ان ربنا خلقه للكون فى 6 ايام لحكمة .. رغم انه قادر يخلقه فى لحظة

لانه اذا قال للشىء كن فيكون... فهونى على نفسك

بحس دايما انها مشدودة او حد بيجرى وراها ...ههههههه.... حطى خط تحت كلمة بحس

ليون

حبيبة قلبى ....بجد انسانه خفيفة الظل .... خلى بالك من نفسك

ام الاء..

من كتابتها انها شخصية جادة ومحترمة ... ربنا يبارك لها

الباشا

ابنى البكرى .... ربنا يجعله سيف من سيوف الله فى الارض

انا فخورة بيه ... واقله استمر على هذا الدرب

انسانة

اعتذر .. معرفهاش ... بجد بجد اسفة جدا... بس من اسمها اكيد

انها انسانه تكتمل فيها معانى جميلة

الفراشة

امممممممم... ليه كدا استاذ جمال ... ما انت عارف اكتر من شهر وانا مش ادخل ...امممم... والزهيمر وكدا ...هههه...

اتمنى تكونى زى اسمك

دعاء الكروان

اهلا دودو ... بصراحة مديقنى الاسبنش بتاعك ... يا فتاتى ليس هذا هو الحجاب

فليقولوا عن حجابى .... انه يفنى شبابى

وليغالوا فى عتابى ...... ان للدين انتسابى

لا وربى لن ابالى......... همتى مثل الجبال

اى معنى للجمال ....... ان غدا سهل المنال

لن ينالوا من إبائى ..... اننى رمز النقاء

انشودة صغنن كده .. ايه رايك صوتى حلو ...هههههههههههههه...._صبعا بهزر معاك _ على فكر اسلوب لذيذ.... وبيعجبنى جدااا

قمر

بنوتى الذيذة اخر العنقود .. زى ما بيقولوا سكر معقود

خليك زى ما انت وحاولى مش تتغيرى

كتكوتة

اممممم... وبعدين ....

ابو تريكة

شخصية لذيذة .... ومحترمه .. ربنا يوفقه

ابراهيم البشبيشى

فينك يا ريس ... مش باين على الخريطة ... لعل غيابك خير

انسان بسيط ولذيذ ... ربنا يبارك له

نصل الهوى

استاذ جمال ... ما بلاش ... خلاص مش تزق هقول

يارب سلم ..

يااااه... ده جاد جدااا .... فكها شويه .... الحظة اللى بتعدى مش

فاصل ونواصل