نصيحه

[علاء عثمان عقل]

الاستاذ الفاضل/ مجاهد الشاذلي

الموضوع السابع: بالنسبة لموضوع عدم معرفة الحاجز لموقع ارضه:
فهذه معلومة خالية من الصحة تماما
لإن كل واحد فينا عارف أرضه فين
وأغلب الحاجزين بنوا القطع بتاعتهم
وتقدر حضرتك تشوف الكلام ده علي أرض الواقع.
يا استاذنا والله أنا رحت الموقع بتاعي أول ما استلمت في شهر 12/2009
وكل اسبوعين اروح اشوف قطع اتبنت لحد الاعمدة لحد السقف
دلوقتي اغلب المنطقة السابعة اتبنت وفي اللي بني 3 ادوار
الشغل هناك علي ودنه
قطعتي أنا ، كل اللي حواليه والله بنوا لسه أنا وجار ليه والكلام ده من شهر وعشرة ايام
يعني الدنيا اتغيرت أكيد

[علاء عثمان عقل]

الاستاذ الفاضل/ مجاهد الشاذلي

الموضوع التاسع: بالنسبة لموضوع طرح ابني بيتك مرة أخري:
اعتقد والله اعلم ، أنه من غير المتاح اراضي لهذا المشروع بمدينة 6 اكتوبر
لإن اغلب الظهير الجنوبي للمنطقة السكانية للمدينة تم تخصيصها كمشاريع سواء خاصة أو ابني بيتك
ولو افترضنا حصول ذلك مرة اخري ، فحضرتك عارف إن بلدنا السوق الوحيد اللي مبيرخص فيها حاجة خالص هو سوق العقارات
تفضل الشقة صغيرة الحجم في المدن الجديدة بالالوف المألفة.

[علاء عثمان عقل]

الاستاذ الفاضل/ مجاهد الشاذلي

الموضوع العاشر: بالنسبة لموضوع ما يقال عن ابني بيتك في الجروب كعشوائيات:
فخلي كلامنا موضوعي شوية
أولا : لم يحدث مطلقا ، ولا يتصور عقلا ، إن مشروع منظم ومحدد من قبل الدولة
إزاي عشوائيات في مشروع منظم شوارع ونواصي وميادين وردود وخدمات .....
يعني كلام بعيد عن الصحة تماما
وبعدين كلنا فاهمين ماذا تعني كلمة عشوائيات في بلدنا
يعني شارع 2متر مش 9 ، 20 متر يعني مرافق بالسرقة ..... الخ

فالموضوع مش عشوائي ومتروك للاذواق زي محضرتك قلت
وعموما كلمة عشوائيات لما ذكرت في الجروب يا استاذنا
كان المقصد منها الخامات المستخدمة في ألوان البيوت ليس إلا
وردنا وقتها وقلنا إن ده أمر مؤقت
وإن السبب راجع لضيق ذات اليد
فالاخ الذي قام بالبناء يجد نفسه عند مرحلة التشطيب قد صرف كل غالي ونفيس
ولم يتبقي معه إي فلوس
وعايز يشطب علشان ياخد الدعم
فالطبع لازم يشطب بالرخيص فتطلع الالوان في بعض الاماكن غير مرضية
وبعدين طيب ما كان في العكس
بيوت ما شاء الله عليها تفرح القلب
وتم نشر صورها علي الجروب
وعلق كثير من الاخوة عليها بعنوان حتي لو كانت عشوائيات
لن نتنازل عنها أو نبيعها بالرخيص

[علاء عثمان عقل]

الاستاذ الفاضل/ مجاهد الشاذلي

الموضوع الحادي عشر: بالنسبة لموضوع الطبقة الاجتماعية للحاجزين بالمشروع:
فالحمد لله ، لا يستطيع أن ينكر أحد أن أغلب الحاجزين في المشروع من الطبقة المتوسطة اصحاب المؤهلات العالية وهم بالطبع ما يصفون بمحدودي الدخل
لأنهم شباب من مقتبل العمل
منهم المهندس ، المحامي ، الدكتور ، المحاسب ، والمدرس ، موظفي الحكومة ..الخ
والله جيراني دكاتره وموظفين محترمين بوزارة الخارجية

ولم أجد أحد من طبقة الكادحة أوي من معدومي الدخل حتي الان
مع احترامي وتقدير لهم بالطبع
والمسألة في الاول والاخر مسألة تربية واخلاق زي محضرتك عارف
يعني بنشوف وكيل نيابة وظابط وقاضي مش ولا ......
وبنشوف ناس منهم في قمة الاحترام
وكله في كده وكده.

[علاء عثمان عقل]

الاستاذ الفاضل/ مجاهد الشاذلي

الموضوع الثاني عشر: بالنسبة لموضوع مترو الانفاق:
يا استاذنا
مش عارف بقه في الحته دي أقول إية
كون إن حضرتك لم تقرأ العديد من الجرائد التي تحدثت عن تصريح الوزير
بدخول مترو الانفاق لمناطق ابني بيتك
يبقي العيب مش عندنا
وملناش ذنب
لو حضرتك طيب لم تقرأ الجرائد
كمان لم تشاهد هذا الموضوع علي المنتديات
وعلي الجروب علي الياهوو كمان