نداء إنساني ( واحشنا يا محمود )

[ام العيال]

يا خلود يا بنت حوا وادم بحذرك لاخر مرة جاوبى على الاسئلة بسرعة انا لا اقبل بتدخل احد دا تحقيق يا بنتى مش لعبة بعد دقائق ستكونى فى غرفة الحبس ومش هتطلعى الا بكفالة وهتكون كبيرة جدا لذا انصحك بالرد على الاسئلة فى التحقيق احسن لان كل ما الوقت يتأخر العقوبات بتزيد ومفيش محقق بينصح بس علشان العيش والملح اللى كلناه فى القطر.
وممكن يا استاذ / ناصر تكون جانبى لكتابة التحقيق .

انا مستعده اكتب التحقيق
دى خلود ياناس
ومفيش اكل يدخلها الزنزانه الا لما يتفتش
ثم ايه فراخ مشويه دى
لالالالالالالالالالالالالالالالالا
عيش ومش صعيدى كمان وبدوده
ههههههههههههههههههههههههههههههههههههه
اكمل المسيره ياريسنا ياهمام

[خلود]

[QUOTE=ام العيال;51084]انا مستعده اكتب التحقيق
دى خلود ياناس
ومفيش اكل يدخلها الزنزانه الا لما يتفتش
ثم ايه فراخ مشويه دى
لالالالالالالالالالالالالالالالالا
عيش ومش صعيدى كمان وبدوده
ههههههههههههههههههههههههههههههههههههه
اكمل المسيره ياريسنا ياهمام

كده ياام العيال متجيش الا منك انتى

وانا كنت مفكراكى اخت وصديقه وغاليه هى دى وقفه الاخت مع اختها فعلا فرحيهم فينا

ماشى ماشى

تتفقى مع المحقق على

على العموم متشكره اوى ياحاجه وانا مخصماكى بس

وان شاء الله مش هتفرحوا فى كتير وهطلع براءه من كل التهم الباطله بتاعتكم

معاى ناس واقفه جمبى الحاج جمال بحاله عمل قصيده مخصوص علشانى ومحامى الناس كلها تحلف بمهارته

على فكره ياام العيال انا مش عايزه المش بتاعك ده

انا مش بكل غير فراخ مشويه مش هتجيبوها لى هعمل اضراب عن الطعام واعرضكم للتحقيقات

[خلود]

لا مش هجاوب الا لما اعرف تهمتى بقى

اصلا بتحققوا ليه معاى اصلا اصلا

مش مفروض تعرفنى تهمتى وبعدين ارد

هههههههههههههه

يالهوووووووووى على

[AFIFI MOSTAFA]

يا بنتى دى اكتر من تهمة مش تهمه واحدة اكتبى عندك:
1- بما انك مشرفة القسم العام توجد بعض المهام الادارية التى اغفلتيها بصفتك لا بشخصك
2- تغيبتى بعض الايام عن المنتدى دون عذر مقبول
3- مشاغباتك الدائمة - تقاريرك ا لامنية داخل المنتدى- حوراتك مع الاعضاء- مواضيعك الجديدة . تحتاج الى التحقيق
كل هذة الاتهامات مجرد بداية تحقيق اما صلب التحقيق والتهمه الاساسية فيه هى:
موضوع قطر الموت والضحايا اللذين لحقوا حتفهم من القطر وانك المسئولة الوحيده والرئيسية على موتهم واحب ان اخبرك ان هذة الاتهامات فقط جزء من جملة اتهامات سوف تسرد فى حينها.

[fagrmasr01]

ايه اللى بيحصل دا
ايه اللى انا شايفه دا
يعنى حتى لما تعملوا تحقيق تقوموا تعملوه مع نجمة المنتدى الرائعة
واضح ان الموضوع فيه توصيات جاية من فووووق اوى ... من تالت دور او رابع دور مثلا ...

خدوا بالكوا ... انا هنا بصفتى رئيس برلمان المنتدى
ومن واجبى طبعاااااا انى اتطمن على سير التحقيقات واشوف ايه اللى بيحصل


متخافيش يا خلود ... انا هاعمل استجوابات وطلب احاطة واربعتاشر لجنة لتقصى الحقائق ... وهاقلب لك الدنيا ....
بس الاول عايزك تهدى خااالص ... انا هابعت توصية فورية بحفظ التحقيقات .. وطبعا هاتنتهى زى كل مرة... بتقديم الشكررر للحكومة وللبرلمان وللسادة النواب والسادة المتهمين والسادة الحضور .. والسادة الى محضروش

بس ياللا الاول قومى كلى لك لقمة معايا .. بالف هنا وشفا ...



لا لا لا ... لازم تاكلى دى كمان
بالف صحة وعافية