الضيف الجديد(الطاوس الحزين)

[fagrmasr01]

هل هذا المرور الكريم من اختنا الطاووس
هل هو اعلان بعودة التفعيل الى الكرسى
ننتظر الرد على الأسئلة الثابتة
ليبدأ بعدها
سيل الأسئلة الى اختنا الطاووس
ومع ان الأسئلة الثابتة تعتبر كثير لكن
هى اول الغيث
وقالوا
أول الغيث قطرٌ... ثم يَنهَمِرُ

[fagrmasr01]

أختنا الطاووس
الاسئلة الثابتة هى البداية
ياللا سمى يسم الله الرحمن الرحيم
وادخلى برجلك اليمين
على بركة الله

[الطاوس الحزين]

السلام عليكم ورحمة الله وبركاته

بليس اهدوا خالص

اتفضلو عصير مثلج جميل عمايل ايدى



يلا نبدأ

بسم الله ....



الاسئلة الثابتة
1-الاسم؟
ليلى - ام ندى

2- السن؟

اممممم

41 سنة

3-احساسك ايه وانتى قاعده على الكرسى؟

مريح جدااا ...ههههه ... شغلى التكيف ... شمه ريحة مدفع

هو احنا فى رمضان...هههههه

4- مين اقرب انساااااااان او انسااااااانه ليكى؟

ماما الله يرحمهاااا
اللهم اغفر لها وارحمها وارفع درجاتها فى الجنة هى وجميع المسلمين ...آآآآآآمين

5-ايه احلامك؟

كتيييييير
1 - نفسى اكون سيف من سيوف الله فى الارض انصر الاسلام واعز اهله
2 - نفسى فى كنز اغمر به على جميع المسلمين فلا يوجد بينهم فقير او مسكين وازوج جميع الشباب واحصن
3 -نفسى فى فقة امنا عائشة رضى الله عنها

من الاخر نفسى فى مصباح علاء الدين

6-كام مره حسيتى انك ملكيش لزمه فى الحياه؟

مفتكرش ..
جايز لانى احب احاسب نفسى بشكل دائم .. ومحبش ابص ورايا


7- كااااااام مره مقدرتيش تكتمى دموعك؟

كتييييير

8-حلمتى حلم واتحقق؟؟
الحمد لله


كل ما اكتب الاجوبه تتحذف
امممم

لنا عودة

[الطاوس الحزين]

بسم اله الرحمن الرحيم


عملتلكم شاى انما ايه فى الخمسين

وشوية حلويات سريعة كدا

يارب يعجبكم عمايلى .... واياك حد يفتكر دى رشوة ابدااااااا

اختكم تسلك فى الحديد ... مش الحديد اوووى ....ههههه

بالهنا


يلا نكمل .... على بركة الله


بسم الله .....

9- ماذا تعني لكى الصداقة؟ ومين اقرب صديق ليكى في الحياة؟ ومين اقرب صديق ليك جوه المنتدى؟

الصداقة الحقيقية شىء ممتع .. بس لما تكون فى الله

وشروطها ... تقوى الله


- وجعلناكم شعوبا وقبائل لتعارفوا إن أكرمكم عند الله أتقاكم

- الاخلاء يومئذ بعضهم لبعض عدو الا المتقين


فى الحياة كانت امى رحمة الله عليها .... واختى

داخل المنتدى بصراحة انا بحب الجميع واكثر عضوة قريبه الى قلبى ليون

الأصدقاء الحقيقيون يصعب ايجادهم ويصعب تركهم ويستحيل نسيانهم

10-كل شخص مننا جواه نسبة حزن ياترى نسبة الحزن جواكى كام في المية؟

من يومين كانت 100 %

الان بحمد الله مفيش ... لانى احب ابص للامام وانسى الماضى وخاصة اذا كان مؤلم.... محبش احمل فى نفسى شىء لحد

كان فى صحابى اشار اليه الرسول صلى الله عليه وسلم انه من اهل الجنة فذهب اليه عبد الله فبات معه ثلاث ليال , فلم يره يقوم من الليل شيئًا،
غير أنه إذا تقلب على فراشه ذكر الله عز وجل، وكبّر حتى يؤذَن لصلاة الفجر.

قال عبد الله ... غير أني لم أسمعه يقول إلا خيرًا

فساله سمعت رسول الله يقول عليك يطلع عليكم الآن رجل من أهل الجنة .. وكنت انت ... فماذا تفعل ؟؟

قال له انى لا احمل لاحد فى نفسى شىء....الكلام فيما معنا وليس بنص الحديث

11- مين اقربلك وبتحسى انه فاهمك اكتر والدك والا والدتك ؟؟؟

امى الله يرحمهاااا ويغفر لهااااا ولجميع المسلمين

12- ايه الموضوع اللي اتكتب في المنتدى هنا واتمنيتى بينك وبين نفسك انك تكونى صاحبة الموضوع؟؟؟

بصراحة المواضيح كتييير

اتذكر مؤخرااا موضوع كتبه الباشا التلميذ عن حفظ القرءان... لان حفظ ومتابعة الحفاظ من الامور التى تشغلنى دائما

13- لو حبيتى شخص مش حاسس بيكى ياترى تعملى ايه ؟؟؟؟

هعترف له .... هكذا علمنا رسول الله صلى الله عليه وسلم

14- هاقولك كلمات توجهيها لاشخاص في منتدانا
- مواضيعك ممتازة
ياااااااه .... بصراحة الجميع مواضيعهم تحفة ....

- انت فين وغايب عننا ليه
اممممممممم
بصراحة انت يا مرمر
وجميع الاعضاء مش عشان هم غيبين لا بس
عشان انا كنت غير متواجده وهم وحشونى جداااا
بس لفت نظرى من لحظة دخولى
من ساعة ما دخلت مش شوفت ليون ... وبصراحة وحشاااانى جداااااااا

- المنتدى وحش من غيرك
جميع الاعضاء بصراحة بيعملوا سنفونية جميله مع بعضهم... ربنا يجمعنا على طاعته دائما

- رأيك بيعجبنى
ايه الاسئلة الغريبة دى...
عشان ارد هنا لازم يكون حصل موقف.. وبصراحة انا من فترة مدخلتش .. وبعيد عنك الثانويه عملت لى كالوا فى دماغى
قجر _الباشا - خلود - ام الاء - ليون .... كتير

- انت شخصية محبوبة جدا فى المنتدى

اممممم
اتمنى ده.... بس اقولك سر انا بحبهم كلهم
اعتقد ليون و قمر

- انت دمك خفيف اوى


يا ترى مين......... امممممممممم ........ انت كده بتحرجينى ... لانى متعملتش مع حد ....

- انت شخصية قوية تتحمل الصعاب؟
اميرة حبى انا

15-هل ظلمتى حد قبل كده؟؟؟ وعملتى ايه لما اتأكدتى انك ظلمتيه؟؟؟ وياترى سامحك والا لا؟؟؟

اكره الظلم ... ودايما اجى على نفسى

ولو حصل .... اعاقب نفسى عقاب شديد ... واحاول تعويض من ظلمته بكل ما املك من جهد

16- هل حد ظلمك لدرجة انك قلتى مش ممكن اسامح؟؟؟

حصل .. بس بحب اتسامح ... اشعر ان القوة فى التسامح

17- لو هتسافرى مكان ومطلوب منك تاخدى شخصين بس معاكى تختارى مين؟؟؟

امى الله يرحمهاااا وباباااا ربنا ويرزقه طول العمر وحسن الخاتمة

اذا كان من المنتدى

هيكون ليون وقمر

18- دموعك سهل حد يشوفها والا صعب؟؟؟ وياترى مين الشخص اللي ماتخجليش لو شاف دموعك في اى وقت؟؟؟
محبش ابكى ادام حد ... بس بينى وبينكم بيحصل...
و مخجلش ادام الناس اللى قريبين من قلبى.. لانى اعتبرهم نفسى

20- ايه البلد اللي تحبى تزوريها؟؟ ولو ماكونتيش مصريه كنتى تتمني تكونى من اى بلد؟؟؟

المدينة المنورة ... كنت اتمنى اكون من اهلها وسكانهاااا

ايه السؤال اللي كنتى تتمنى انى ماسألوش ؟؟؟

ولا سؤال يا فندم...... ها ماشية فى السليم

كله من كتاب الوزارة عشان محدش يتكلم

هههههههههههههههههههه

وطبعا دى الاسئلة الثابتة يعنى مش اسئلتى
انا لسه مسألتش

ربنا يستر ... واضح انى وقعت تحت ايد من لا يرحم




تنبيه ....

انا معرفش اعضاء المنتدى كويس غير القليل .. فياريتمحدش يزعل من صراحتى


اعتذر عن الخط

فى مشكله فى المنتدى حيث ان التنسيق لا يتفاعل



وانتظر اسئلتكم

[الطاوس الحزين]

فين الصور .....امممممممممممم