اعترفات مديرة منتدى ...اتفضلى يا خلود

[خلود]

انا عند رأيك طبعا ان الواسطه شئ بنرفضه كلنا ومكروه جدا لانها بتضيع على ناس فرص هما اولى بيها

بالنسبه لعالم المنتديات بقى ياستى ومن خلال وجودى فى اكتر من موقع اللى شفته انهم بيكونوا مجموعه شباب ممكن يكونوا قرايب ويعملوا مع بعض موقع وبطبيعه الحال بيكون لسه مش معروف بيقولوا لقرايبهم واصحابهم تعالوا وقولوا لاصحابكم واعتقد اختيارهم لقرايبهم للاشراف علشان يكون فى تواصل اسرع واسهل للمتابعه لان فى اعضاء بعد ما يقوموا من على النت بيفصلوا علاقاتهم الشخصيه ومش بيحبوا يكون فى تواصل لذلك لو قرايب هيكون بالتليفون سهل يدخل ويعمل اللى لازم يتعمل فى الموقع

[وردة الايمان]

(الشــِلل)أو المجموعات

فى بعض المنتديات بنلاقى تقسيم بين الاعضاء بنظام الشلل او المجموعات

بمعنى ان مجموعة من الاعضاء سواء كانوا مشرفين او اعضاء عاديين لا يقومون بالرد الا على بعضهم البعض

مع التحذير من التدخل او التعامل مع المجموعة الاخرى

هو الموضوع يبان انه غريب شوية لكن للأسف بيحصل فى منتديات كتير

يا ترى خلود قابلت النوعية دى من نظام المجموعات ؟

وتفتكرى ايه اللى المفروض يعمله اى مدير منتدى فى الموقف ده ؟؟؟؟

[خلود]

[QUOTE=وردة الايمان;198677]

(الشــِلل)أو المجموعات

فى بعض المنتديات بنلاقى تقسيم بين الاعضاء بنظام الشلل او المجموعات

بمعنى ان مجموعة من الاعضاء سواء كانوا مشرفين او اعضاء عاديين لا يقومون بالرد الا على بعضهم البعض

مع التحذير من التدخل او التعامل مع المجموعة الاخرى

هو الموضوع يبان انه غريب شوية لكن للأسف بيحصل فى منتديات كتير

يا ترى خلود قابلت النوعية دى من نظام المجموعات ؟
ايوه ياورده انا قابلت النظام ده فى منتدى من فتره واتضايقت جدا لدرجه فى رد على موضوع قلت فيه المنتدى هنا نظام اصحاب وشلل مع بعض ومش بيردوا الا على بعض ودى حاجه مضايقانى جدا
وتفتكرى ايه اللى المفروض يعمله اى مدير منتدى فى الموقف ده ؟؟؟؟

فى الحاله دى اكيد لازم مدير المنتدى بيبتدى يبعت رسايل للاعضاء دى ينبه عليهم ان ياريت نرد على الكل وانه لاحظ ردودهم على ناس معينه وان ده مينفعش فى مكان بيجمعنا كلنا

عاجبانى اسئلتك بجد ياورده فيها حوار ومناقشه جميله