السؤال الثالث
من موضوع المدرسة :
مدرس لازال فى ذاكرتك ولماذا ؟
أستاذ محمود مأمون مدرس اللغة العربية بمدرسة 6 أكتوبر الثانوية العامة
سنة 98 تقريبا لو كنت مش ناسي انا كنت فيها امتى
أعتقد هو دلوقتي مراجع لغوي لجريدة أخبار أكتوبر
لو عرف اني لسة فاكره
هو هيعرف ليه فاكره هو تحديدا
بس عايز أقوله مطلعش زي ما حضرتك قولت يا مستر
هههههههههههههه
مواد دراسية تحبها كثيرا ؟
الرياضيات وخصوصا الهندسة
مواد دراسية تكرها كثيرا ؟
العربي ههههههه والتاريخ والجغرافيا
والحاجات اللي كلها رغي وحشو ع الفاضي
م الاخر يعني بحب الدراسات المنطقية والتحليلية
حدد بالظبط موقع جلوسك فى الفصل ؟
كنت دايما بقعد قدام لاني كنت شاطر
بس بعد كدا بقيت اقعد ورا شوية
لاني زهقت من المدرسين
اللي كل عايزين يعملوها
يطلبوها من اللي قدامهم
ما هى احب المراحل الدراسية الى
نفسك ؟
ثانوي طبعا وأكيد ما بعده
وكان معهد لإن مجموعي مكنش يدخلني كلية عدلة
واستحرمت بابا يصرفلي على تعليم خاص
لاني اساسا مش مقتنع بالتعليم في مصر
فقولت نوفر اسهل
والحمد لله شايف اني افضل من زمايل ليا كتير
معاهم بكالوريوسات وليسانسات من جامعات كبيرة او خاصة
ما هو ابرز عقاب مر
عليك طوال فترة الدراسة وبأى سنة ؟
مرة مدرس العربي سأل سؤال
كل الفصل وقف ومعرفش يجاوب
وانا كمان
كانت معنى كلمه في كراسة الخط العربي
وطبعا مكانتش تبع اي منهم انه يسألنا عن معناها
كانت "سراج سابح"
بعد ما كله وقف جه المعنى في بالي فقولتهوله
فصمم وراسه وألف معنى انه يعرف انا عرفتها ازاي وجبتها منين
ومصمم إني خدتها في الدرس
ومصمم يعرف باخد عند مين
وانا عمري ما خدت اي دروس اللا في اولى ابتدائي
عشان مكتش بروح المدرسة لأسباب مرضية
وساعتها ضربني اكتر وأقوى من الفصل كله
ربنا يسامحه بقا
بس عمري ما هنساها
رغم اني مش عارف كنت في سنة ايه
ولا فاكر اسمه
احسن برضه
هل حصلت على شهادات تميز
خاصة وبأى سنة ؟
اه كتير الحمد لله
ودايما كانو الموجهين بيفرحو بيا جدا
وفي مرة موجه الرياضيات كتب مسألة زي لغز كدا
المدرس باين أو المدرسة اتخض لما سافه عالصبورة
بس الموجه قالله لأ انا بلعب معاهم بس
لكن لاقاني حليته
وساعتها كتب كلام جميل جدا في حقي وقدمه لإدارة المدرسة
واتكرمت في الطابور
واعتقد كنت ساعتها في ابتدائي
واعتقد لو كنت خدت فرصه تعليم كويسة
خصوصا في مجال الهندسية والرياضيات
كان ممكن اكون حاجه مفيدة جدا لبلدي
مش غرور والله بس فعلا بعشق العلوم دي جدا
واعتقد اني مميز فيها بعض الشيء
سنة دراسية تعد هى الاجمل فى
حياتك ؟
ثانوي كله كان مميز جدا
موقف محرج حدث لك فى المدرسة ؟
مش فاكر بصراحه
اه افتكرت
مرة اتكرمت على اني من الأوائل
في إعدادي
وللأسف كانت غلطة
وكنت محرج جدا
لإن واحد صاحبي كان فاكر اني جبت مجموع اكبر من مجموعي الفعلي
وهو اللي قال للمستر اللي كان بيطلع الأوائل
وفضلت أقولهم لما ندهو اسمي لأ فيه حاجه غلط
بس كانو مصممين يكملو التكريم وبعدين نبقا نسوف فيه ايه
ولما اتأكدو
اتبسطو مني جدا وادوني الجايزة اللي هي مش من حقي
لكن اديهالي لصراحتي
تعبت بقااااااااااااااااا كفاية كدا النهاردة
السؤال الرابع
من موضوع المنتدى :
عضو تعلمت منه الكثير ؟
هههههه
صعبة شوية دي
بس فيه ناس كتير جدا فعلا بيعجبني اسلوبهم جدا جدا
زي فريد وأسامة ووردة وخلود وليون وغيرهم كتير طبعا
وردودي في مواضيعهم
رغم اني مقل جدا في المواضيع او الردود
هي اللي توضح ده
عضو لا تتمنى ان يغيب ابدا ؟
كل الناس الكويسة المتسامحة المتحابة في الله
عضو مشاغب ؟
ههههههههههههه أسامة وحودة حبيبي وانا طبعا
عضو يعتبر مميز فى نظرك ؟
كتير جد ومش هعرف اختار حد محدد
عضو يثير اهتمامك ؟
وردة الإيمان
عضو تعرفه خارج المنتدى ؟
خلود
اميرة
محمد طبعا
ابراهيم البشبيشي
عضو تهديه باقة ورد ؟
ياااااااه
دا انا كدا عايز يجي خمس فدادين ورد
عضو تحس انه مريض نفسيا ؟
هههههههههههههههه
بلاش طيب
عضو تكونت لك علاقة معه عن طريق المنتدى ؟
خلود
واميرة رغم انها بنت خالتي
لكن علاقتنا بقت اقوى كتير جدا بعد دخولها المنتدى
عضو اكتشفت مؤخرا انك لم تعامله باهمام ؟
لأ مش عارف بصراحه
بس فيه ناس كتير كنت احب جدا اني اتعرف عليهم اكتر
بس للأسف مجتليش الفرصة
ويمكن بنسبة كبيرة عشان مش اجتماعي
تصدقو مبعرفش ولا بحب اتكلم في التليفون
ومبردش على ارقام معرفهاش
يعني اللي عايز يتصل يبعت رساله الأول
ههههههههههه
عضو ترى ان لديه امكانيات كبيرة ولم يقدمها حتى الان ؟
دعاء الكروان لسة ما استعادتش نشاطها
ووردة الايمان تتقدم حثيثا
وستايلو
اكوا كيتي
مش هذكر الرجال بقا عشان عارف ان الشغل بياخدهم
لكن الانسات والسيدات اعتقد عندهم وقت اكتر
واهو على الاقل يوفرو فواتير التليفونات
ههههههههههههه
عضو مفقود ؟
مصطفى عفيفي
الباشا
دي ام ار
نوجا
انسانة
انتهى الامتحان والله ولى التوفيق 
رد: إمتحانــ أخر العامــ لكلــ الاعضاء....
رد مع اقتباس
.gif "50 (18)")
المفضلات