اقامة معرض بدلاً من الباركينج الرئيسي للنادي !!!

**وليد عبد الحميد** · 11-03-2010, 10:04 AM

اليوم الساعة 8 م
وقفة احتجاجية لاعضاء النادي
ضد مشروع اقامة معرض مكان الباركينج الرئيسي للنادي
كونوا معنا

**وليد عبد الحميد** · 12-03-2010, 12:53 AM

فشل منقطع النظير للوقفة الاحتجاجية

**lionking** · 12-03-2010, 01:39 AM

انا شخصيا اول مرة اعرف ان فى وقفة احتجاجية

يمكن مكانش فى دعاية كويسة قبلها مع العلم انى بكون يوميا فى النادى عشان التمارين بس للاسف برده ما سمعتش حاجة خالص...

اولا انا عضوة فى نادى اكتوبر ونادى المعادى ونادى الشمس وعمرى ما شفت نادى محترم بيعمل سوق ومعرض بالمنظر ده

انا اصلا فكرة المعرض دى مش متقبلاها ... المعرض والمعروضات دون المستوى ... والخيمة نفسها شكلها غريب وعجيب....

تحس ان دى سويقة ولا يرتقى الى مستوى معرض

مع الاعتذار طبعا

ياريت بس استاذ وليد تحاول تكون متواجد فى النادى وتنشر الخبر ده ويكون تنظيم وقفة احتجاجية بطريقة منظمة اكتر

واكيد هتلاقى الاعضاء متواجدين

انا شخصيا كنت فى الوقفة اللى اتعملت عشان الارض ووقفنا فى الشمس لما تعبنا بصراحة

الناس بس عايزة حد يشجعها ويفهمها المشكلة كويس وان شاء الله هتلاقى الاستجابة المرجوة من الاعضاء

**وليد عبد الحميد** · 12-03-2010, 09:03 AM

حضرتك انا حاولت اعمل اللي عليا انا و المدام زوجتي
و جلسنا مع اعضاء النادي و عملنا شكوي و جمعنا توقيعات
و بلغنا الناس في حدود امكانياتنا
و مكنش ممكن نعمل اكتر من كده
المفروض يكون حتى على الناس دور و احساس بالمسئولية
حتى اللي عارفين مجوش !! نعمل ايه
و هناك فرق كبير بين وقفتنا الاحتجاجية و الوقفة الاخري بتاعة الارض
لان النادي حشد فيها كل امكاناته من دعايه و اعلان و اوراق موزعة و خلافه
دا حتى كانوا عاملين اغنية!!!
لكن احنا كنا على قدنا
و مع ان الناس عارفة اهمية الموضوع لكن لا عين رات و لا اذن سمعت
عموماً
الموضوع ما زال قائم و هنشوف مجلس الادارة هيعمل ايه و الاعضاء برده هيعملوا ايه
بس كما هو حال المصريين سينتظرون حتى تقع الكارثة ثم يتحركون