ما موقفك لو صارحتك البنت باعجابها بك ؟!!!

[fagrmasr01]

عندما طلبت ستنا خديجة الزواج من الحبيب المصطفى صلى الله عليه وعل آله وسلم
طلبته بحياء وأدب
وكانت واستمرت حتى بعد وفاتها الحب الكبير فى قلب سيد المرسلين حتى ان ستنا عائشة كانت تغار منها برغم أن ستنا عائشة كانت أصغر امهات المؤمنين عليهم جميعا رضوان الله


مش عيب انها تقول لى او يعنى تقول للى تحبه لكن مع الحياء والادب
فالحياء شعبة من شعب الايمان
اما الى بيحصل دلوقتى ..
لن اقول الا انه
يحتاج
الى
الحياء

واظن واضح

[اميرة حبى انا]

يعنى يااستاذ جمال لسه والله فى ناس محترمة وعندها حياء
وبتحب برضو
شكرا على رايك

[alsalhy]

حلو الموضوع يا أميرة تسلم إيدك
وأنا فعلاً وللأسف حصل معايا موقف شبه كده بالظبط
لكن للأسف هي مكنتش تعرف إني يوم ما قالتلي أنا كنت هخطب بعدها بيومين
وطبعا ً ده كان شيء بالنسبالي صعب عليا أوي لدرجتي إني مكنتش بعرف أرد عليها
لا موبايل ولما كنت أشوفها كنت بحاول أخليها متشوفنيش عشان مجرحهاش أكتر
بس الحمد لله إتشجعت وقولتلها إنك زي أختي وأنا هخطب خلاص ضحكت وعنيها مليانة بالدموع
وقالتلي ربنا يوفقك وياريت متنسانيش وتبقي تعزمني وصدقني لو فين هجيلك
هل تعتقدوا إن قلبي جاحد أو إني ظلمتها ....... بس والله هي زي أختي فعلاً

[اميرة حبى انا]

لأ ظلمتها ليه ماهى قالتلك
بس انت كنت مع غيرها
احنا بنتكلم فى المبدأ نفسه
يعنى لو مكنتش هتخطب وتعرف واحدة تانية
كنت هتقبل كلامها
ولا عشان هى اللى قالت هتبقى وحشة فى نظرك
مشكور على المرور والرد

[alsalhy]

أشكرك يا أميرة علي الرد الكريم
وبالنسبة للمبداً
أحب أقولك إنه غير محبب للبنت أبدا ً إنها تعمل حاجة زي كده
وغير مقبول بالمرة لإنه لو حتي كان فيه نصيبي ممكن ييجي في يوم من الأيام
لما يحصل بينهم حاجة زي مشاكل أو زعل ممكن يقولها إنتي نسيتي إنك إنتي اللي قولتيلي إنك بتحبيني
وده بيبقي فيه تقليل من شخصيتها وشيء مش كويس في حقها وبالنسباله برضه لأنها بالوضع ده
بتبقي إنسانة (( خفيفة )) أو مش رزينة لكن لو تركت الأمور تسير كما هي وإنتظر كل منا نصيبه
هتبقي الحياة أحلي وفي الأول والأخر كل شيء نصيب