مبروك قطر لكن ليه الاعتراف باسرائيل!!!

[فريد]

عارفة يا فريد انك مش مختلف معايا كليا

طب الناس اللى فاهمة بئه دى

ايه دورها ؟؟

بنعمل ايه بالعلم او المفهومية بتاعتنا؟؟؟

ولا حاجة

والله والله والله انا مش من النوع المتشائم خالص بالعكس تماما لكنى اتعامل فى الموضوع بمنتهى الواقعية

عشان حلم الوحدة العربية يتحقق خلينا نبدا مثلا على سبيل المثال لا الحصر

زى الاتحاد الاوروبى كده نوحد العملة

ينفع ؟؟؟

تفتكر انو شيخ من شيوخ العرب ولا الفراعين ولا المغرب العربى الشقيق مين هيوافق ؟؟؟

بلاش دى

تعالى نجرب نفتح الحدود برده زى اوروبا ونعدى ونروح من غير تاشيرات ؟؟
ها

هينفع

!!!!!!!!!!!!!!!!!!!!!!

كلامك صح ياليون صح
انا عارف ان فكرهم اتغير
وحتى احنا فكرنا اتغير
صح صح صح
كله الا قلتيه مش هايحصل
لا عملة موحدة و لا الغاء حدود و تاشيرات
لكن دعينا لا نغلق باب الامل
الله الامل يلها من كلمة
نسيناها الامل
هاكتب بيها خاطرة

[fagrmasr01]

وهل يجوز ان نلوم على قطر
ونحن اول من اعترف باسرائيل
ورفعنا علمها هنا ع النيل
وفلسطين نفسها معترفة بيها

معلش مع احترامى الكامل لكل الآراء
خللوا حد غيرنا يلومها

[fagrmasr01]

مفيش داعى نطلب من قطر تكون عربية اكتر مننا او من فلسطين
مصر وفلسطين معترفين باسرائيل ومش مجرد تواجد وبس

[lionking]

يعنى يا جمال انت مش معترض على اسلوب قطر

[fagrmasr01]

يعنى يا جمال انت مش معترض على اسلوب قطر

انا طبعا موافق على اللى عملته قطر
واحنا نفسنا بنتعاون معها هنا علنى .. عينى عينك .. فى وضح النهار

ولو أردنا الاعتراض ..
فمن باب اولى ان نعترض على اعتراف مصر وفلسطين والأردن
احنا اول دولة عربية يا ناس اعترفت باسرائيل

ازاى نلوم غيرنا على نفس الفعل اللى احنا اصحابه
ثم ان اعترافنا او عدم اعترافنا بيهم ... هل يعنى هايلغى اسرائيل من الوجود ؟؟؟؟
خلينا واقعيين .. بلاش العاطفة تخلينا زى ما قال لنا الشاعر
لا تنه عن فعلِ وتأتِ بمثله
عارٌ عليكَ إن فعلتَ عظيم

شبعنا من الهتافات والتنديد والشجب والاستنكار ... ومش بنعمل اى فعل .. حتى كمان رد الفعل اصبح عندنا ميت
اسرائيل موجودة يا سادة يا كرام واغلب العالم معترف بيها .. وبلدنا كمان معترفة
غيروا اعتراف بلدكم او اقفوا حتى تعاملات بلدنا معها قبل ان نتستنكر تعامل غيرنا معها