مطعم سياحي بـ 6 أكتوبر يستحق الزيارة

[حور الجنة]

وجبات السحور بمطعم قصر الشوق





عرض مطعم قصر الشوق الحالي
تمتع بخصم 20% من الآن وحتى 15 رمضان على وجبات السحور
سجل اسمك ورقم موبايلك وسيصلك كود احتفظ به لحين الدفع - يستحسن تسجيل الاسم باللغة الأنجليزية

http://mooled.com/register/

المصدر صفحة مطعم قصر الشوق - الفيس بوك

[haytham69]

لسة راجع من المطعم. فطرت هناك النهاردة و خلوني اشرك بتجربتي.

المكان و الديكور حلوين و العمال و 2 بنات كان لبسهم شيك و نظيف. الاكل بقى. شوفوا انا طلبت ايه:

1 مشاوي مشكلة
2 ممبار (مقبلات)
1-سلطة بلدي
1-بابا غنوج
1-شوربة عدس
1-مياه معدنية صغيرة.

الأكل نظيف و اول مرة اكل سلطة في مطعم و احس ان الطماطم مش حامضة. اكثر شيء عجبني الممبار. طعمه زي عمايل جدتي الله يرحمها.
المشويات كان طعمها عادي و الكميات بسيطة جدا بالنسبة ل 90 جنيه.

الحساب...214 جنيه و حاولت احسبها على اني باكل اكلة في الامارات و لكن بردك حتكون غالية جدا.

نصيحتي يقللوا الاسعار دي شوية لأن انا واحد من الناس مش ناوي ارجع تاني.

[khaled2010]

تجربتك كده بتأكد كلامى ان الاسعار مبالغ فيها تماما.
نفسى ان الناس لما تلاقى حاجة مبالغ فى مكسبها الناس تقاطعها فورا عشان صاحبها يتأدب ويفهم ان اللى بيعمله حرام
اتقوا الله يا اصحاب المطعم