نصيحه

[محمود التهامي]

وعلى فكرة
انا ولا ليا ارض في ابني بيتك
ولا ليا في السمسرة
ومقيم في اكتوبر من سنة 1991
ومقدمتش في ابني بيتك
ومش هقدم لو اتفتح تاني
الا عشان ابيع الارض لأي حد شايفها لقطة

ابني بيتك مشروع فاشل فاشل فاشل
زي اسكان مبارك وتوشكى وغيره وغيره

اللي معاه عربية ومستعد يعيش في صحراء ابني بيتك 5 سنين ع الاقل لحد ما تعمر هو حر
بس طلعت وللا نزلت اهي ستين وللا سبعين متر زي السادس والاتناشر
ولما يبقا عندك بنت وولد ابقا شوف بقا هتنيمهم فين وازاي

واللي بيبيع يبقا كسب وقت ومجهود وراحة بال

[محمود التهامي]

اقل سعر متر فى اكتوبر فى الحى السادس لانه المنطقه الشعبيه فى اكتوبر وسعر المتر يبدا من 2000 جنيه

تصحيح للمعلومة
الحي السادس المساحات به تبدأ من 63 وسعرها يبدأ من 70 ألف
فين بقا المتر أبو 2000 جنيه ده


دا بالنسبة للمباني
أما لو تقصد سعر الأرض
فالمتر في غرب سوميد 1500
ومستحيل نقارن ابني بيتك بسوميد

وأعلى سعر سمعته في أكتوبر كان في الاراضي اللي نازلة مؤخرا في قرعه بنك الاسكان
وسعرها 2500 متر لكنها قطع مميزة جدا فيللات وعمارات

[مجاهد الشاذلى]

الأخ حسني سامحنى انى أكتب اسمك باللغة العربية فأنا لاأجيد الانجليزية وأعيش فى طنطا وأعمل معلم أول رياضيات


واسمح لى بتوضيح بعض النقاط مع انى كنت أفضل عدم الرد لما فى أسلوبك من بعض العبارات :

• بالنسبة لموضوع المظهرة الاعلامية فأنا لم أذكرها فى أى من العبارات ولست بأقل منك فى حب السيد الرئيس /محمد حسنى مبارك ولكننى قلت انها منحة حكومية لمن والأصل فيها لمن لايمتلك منزلا خاصا به ومن الواضح أن كل من تقدم لها كان له نصيب فيها وعددهم 13500 وهذا معناه أننى لم أتقدم لها وهو اجابة سؤالك الأو ل .
• الحمد لله أنك ذكرت أن المنحة كانت قبل الانتخابات بعدة شهور وليس بعدة سنين وهذا تدعيما لكلامى السابق مع ان الفكرة موجودة من زمان من أيام فيلم كراكون فى الشارع للفنان عادل امام وأكيد سيادتك عارف الفيلم وحكايته .
• بالنسبة الى انى أقدر أدفع ثمن المتر فأطمئن سيادتك أننى بفضل الله أقدر أدفع الكثير من الأمتار مع أنى شخصيا لست محتاج للأرض ولكن أهميتها بالنسبة لى هى لأولادى الذى يرغبون فى تكملة الدراسة بالقاهرة .
• أما بالنسبة لفكرة مترو الأنفاق فأنا أقتنع برأى سيادتك ولكن أنت متأكد أنه حتى سنة 2025 ولا5022 وربنا يدينا ويديلك طول العمر.
• أما بالنسبة لابنى بيتك 2 ان شاء الله سوف تكون قريبا قبل الانتخابات بكام شهر وسوف أقدم فيها مش علشان محتاج الأرض ولكن علشان أتعرف بناس محترمين زى حضرتك ويمكن بعد 5 سنين تكون هناك منافسة على السعر وناس تتعرف ببعضهامع انى واثق ان ساعتها لن تجد من يشترى .
• والله يااستاذ محسن احنا شعب غلبان وطيب فكرة ابنى بيتك هذه رأيتها فى الكويت ومطبقة هناك من قديم الأزل والفرق ان الحكومة هناك امكانياتها المادية قوية جدا كما يعلم الجميع فتقوم ببناء المنطقة بالكامل بجميع مرفقاتها وتسليم المواطن المنزل على المفتاح مقابل قسط بسيييييييييط جدا ومع أول مناسبة لأمير البلاد يعفى المواطن من جميع الأقساط الباقية علما بأن مساحة المنزل كبيرة جدا وليست 63 متر زى عندنا .
• وياريت أسمع تعليقك على الرد السابق للأستاذ محمود التهامى مع انى لاأعرفه شخصيا .

تقبل اعتذارى اذاكنت أخطأت فى حق أى من الأخوة والله الموفق

[mmhossny]

السلام عليكم
اشكر على الرد يااستاذ مجاهد ولكنى اوضح لحضرتك ان المشروع مش من ليس له منزل خاص بيه ولكن الفكرة جاءت من اجل التوسع بدل من الزحام المستمر وايضا لحياه فى مكان افضل .. معنى كلامى انه مش علشان من لايملك منزل لانهم ايضا عندهم شقة وعايشين فيها والحمد لله اذا كان ايجار او تمليك ... اى مش عايشين فى الشارع ... وعلى ما اعتقد ان معظم المتقدمين للمشروع مؤهلات وحتى الغير مؤهلات برضة مؤهلين ومتنساش يااستاذ مجاهد ان الزمن بيتغير وزمان غير دلوقتى غير بكرة .. والا حضرتك مش معيا ... كل ما هناك ان الفرد بيسعى وربك هو الرزاق .. مش كدا والا ايه
بس ليا سئول ... حضرتك معترض ليه على المشروع وبتقول انه وانه وانه ..... حضرتك ناسى لانه لمحدودى الدخل اى اللى ناس اللى عايشة هنا فى مصر وعلى قد حالها وبتسعى لحياه ومكان افضل ... حضرتك سافرت واتغربت وتعبت على حسب مافهمت من كلامك وبسم الله ماشاء الله (( انا مش بحسد )) وبكلامك انه تقدر تدفع ثمن الكثير من الامتار ... طب ياستاذ عاوز تاخد حاجة مش بتمنها ليه والا حضرتك عاوز ابو جنية بكرة تاخدة بقرش النهاردة ... اسف .. ناصحة يعنى ... وثم المشروع اصلا مش عاجب سيادتك .. داخل على المنتدى بتاع ياهو والا هذا الجروب ليه ؟ مدام المشروع حضرتك مش مقتنع بيه ... طب حضرتك مش مقتنع بالمشروع بتهبط من عزيمة الناس ليه ؟ وعاوز تشترى من الناس بثمن رخيص بحجة انه لامرافق ولا موصلات ولا اى حاجة ليه ؟ حضرتك سئلت على ثمن مدفن 12 متر بكام ... على فكرة المدفن برضة لامرافق ولاموصلات زى ماحضرتك شبهت ... وعاوز تسكن علشان خاطر الاولاد ربنا يخلهم لحضرتك ويطرح البركة فيهم فى فى القاهرة طيب بتختار العشوائيات ليه ؟
انا معاك انه يمكن يكون فيه بعض العشوئيات ودا لاختلاف الثقافات والعادات اللى متجمعه فى مكان واحد وكل واحد على حسب ذوقة لكن المفروض انهم فى مستوى اجتماعى واحد ... وزى ماحضرتك عارف فى اى حتة العمارات بتختلف فى الشكل والمساحات والاسعار وفى الشارع الواحد فما بال حضرتك فى مساحات واحد ورسم واحد ...
اما بخصوص ردى على الاستاذ محمود التهامى اللى حضرتك عاوز تسمعة ... فهو رد واحد وارجو انه ميزعلش منى
عينى فيه واقول اخيييييييييييي ....
وافتكر فى اسئلة بلون مختلف بسئله له ايضا
وياريت لو ابنى بيتك 2 نزل ميقدمش علشان ياخد حاجة مش محتاجها علشان يمكن تكون واحد تانى محتاجها يقوم ياخدها هو طمعا او يقول الحق الفته .. او ياخد علشان يستمثر ... ومينساش ان ربنا بيعطى كل واحد على قد نيته
واسف على الاطالة وبتحفظ على قول حضرتك ان فى حديثى بعض العبارات اعتقد انها لاتخدش الحياء والا هى قلة ذوق
ومع كامل تقديرى الكامل لحضرتك بصرف النظر عن مهنة حضرتك المحترمة ... وياريت لو فى خبر او فكرة او اى شئ نافع للناس جميعا تعلن عنها لمنفعة للناس جميعا لكن هجوم حضرتك على الناس والتريقة على احلامهم وطموحاتهم ... فاسمحلى واعتقد ان حضرتك لم تقصد ... ومش هدفك .. لكن ساعد بقدر المسطتاع ... دى الكلمة الطيبة صدقة ... كما لو حضرتك ليك قطعة ارض او الاستاذ محمود التهامى يكون ليه قطعة ارض اكيد .. اكيد التفكير هيختلف وكنت قولت اللى انا قولته هذه المرة او المرة السابقة وكنت طلبت اكثر لان حضرتك مش تملك قطعة الارض مش عاوز تشترى .... وعلى فكرة المصرين كلهم كدا عاوز الحاجة ببلاش ويبيع بعدد كبيييير من الاصفار ...
وشكرا

[مجاهد الشاذلى]

استاذ حسنى لك الشكر والتقدير وأنا لم أقصد أى اهانة لسيادتك أو لغيرك وأنا سعيد جدا لأن النقاش طيب ويوضح نقاط للغير لم يكونو يعرفونها سواء منى أو منسيادتك أو غيرنا من لديهم تعليق وكل واحد عقله فى رأسه يعرف خلاصه ,انا أدعو أى شخص له قطعة أرض فى ابنى بيتك أو غيره ألا يفكر فى البيع مالم يكن محتاجا اليها أما اذا أخذ قرار بالبيع وكان محتاج فعلا للبيع أن ينزل لأرض الواقع ويسأل عن الأسعار المناسبة فى أرض الواقع والعملية كلها كما ذكرت سالفا عرض وطلب وهو قانون السوق .
للجميع شكرى وتقديرى والكلام فى هذا الوضوع أكثر من ذلك لن يفيد أحد فكل منا ذكر رأيه ووجهة نظره وكل واحد حر فى ماله على رأى المثل من حكم فى ماله ماظلم .
أرجو المعذرة أذا كنت أسأت الى أى شخص فى المنتدى . والله الموفق