قطر الموت اوعى القطر

[محمود التهامي]

ايه اكتر حاجة بتحبها في مصر ؟؟؟؟؟

هجاوبك بحاجه كتبتها لمصر
ودي اول مرة احطها في اي موقع على النت
بس طبعا دا مش اي موقع او منتدى
امنية حياتي دلوقتي انها تتلحن وتتغنى
ويارب تعجبكم وتحسوها زي ما حسيتها وانا بكتبها

[محمود التهامي]

بتحبها
عايش سنين بين أهلها
حابب تكون مخلص لها
شايف فحلمك حلمها
مصر اللي قلبك حبها
واللي فغناك صوت فرحها
روح قول لها
واوصف ودوب جوا القلوب
واعزف بقلبك نبضها
حاول تكون
حاول تعيش
غني لها واضحك لها
وافتح لها بايدك طريق كون الصديق
نوّر بعمرك شمعها
وارسم لها في الكون وجود وانسى الحدود
سجل تاريخها وعزها
وارجع لها واحضن بدمعك رملها
واحلم لها بنهار جديد وبألف عيد
واكتب بدمك اسمها
رد الندا كون الفدا
واحمي سماها وأرضها
هتكون كدة من أهلها
وتكون شموسها وزرعها
في الوقت دا تبقى استاهلت
نقول عليك ابنهااااا

[محمود التهامي]

اه

نسيت

3

[خلود]

بتحبها
عايش سنين بين أهلها
حابب تكون مخلص لها
شايف فحلمك حلمها
مصر اللي قلبك حبها
واللي فغناك صوت فرحها
روح قول لها
واوصف ودوب جوا القلوب
واعزف بقلبك نبضها
حاول تكون
حاول تعيش
غني لها واضحك لها
وافتح لها بايدك طريق كون الصديق
نوّر بعمرك شمعها
وارسم لها في الكون وجود وانسى الحدود
سجل تاريخها وعزها
وارجع لها واحضن بدمعك رملها
واحلم لها بنهار جديد وبألف عيد
واكتب بدمك اسمها
رد الندا كون الفدا
واحمي سماها وأرضها
هتكون كدة من أهلها
وتكون شموسها وزرعها
في الوقت دا تبقى استاهلت
نقول عليك ابنهااااا

الله الله يامديرنا
انا نزلتها تانى لان الخط صغير جدا
بس بجد كلمات جميله جدا جدا
واضح ان لسه فيه مواهب مدفونه بنكتشفها فى مديرنا
بجد كلماتها جميله جدا واحسن وصف لحب البلد
والله ينور عليك يامديرنا وحقيقى انا سعيده جدا ان اول اشعار لمديرنا الغالى تكون فى موضوع من مواضيعى ومش هنتنازل عن الاشعار تانى طالما الموهبه موجوده كده
اشكرك جدا

[afifi mustafa]

السلام عليكم ورحمة الله وبركاته:\
السادة الاعضاء المحترمين
الاخت ليون المحترمة


بداية انا والله لسة جالس امام الكمبيوتر وشايف كلامك اللى زى العسل ومعلش انا اسف انا اتخدت منكم شوية لاننى بجهز نفسى للنزول الى مصر الاسبوع القادم وتحديدا فى طائرة الساعة الخامسة عصرا وهذا خبر هام جدا يجب ان ينشر فى قسم الاخبار الدولية بالمنتدى حيث اننى ان شاء الله سوف ارى الغالية مصر بعد غياب دام اكثر من عام ( شكلى طولت شوية فى المقدمة )
على العموم سؤالك جميل جدا للاسباب الاتية :
1- انا بكتب الشعر من سن 16 سنة وكلامى واشعارى من تلك الفترة وحتى الان كان محبوس ومخنوق فى اجندتى لا يراه احد
ولا حى يسمعة احد حتى جمعتنى الصدفة الجميلة بكم واصبحت كلماتى تخرج الى النور وتفرج بترديدكم اياها.
2- بالنسبة لبدايتى مع الشعر كانت شوية غريبة ولية غريبة حاضر هقول لكم باختصار شديد انا كنت فى اولى سنوى وجهاز
التليفزيون عندنا عطل وحبيت اعمل فيها مهندس وحاولت اصلاحة وعند وضعى للفيش الكهربائى لاشعالة احترق وتصاعد
منه الدخان وتمت معاقبتى فى هذا اليوم وتم ارسال الجهاز لشخص اسمة شمس لاصلاحة وياللاسف ظل الجهاز معة
مدة زادت عن الشهرين وشكلى كان وحش قوى فى البيت فقررت اكتب شعر فى التليفزيزن وكان اول اشعارى وقلت :

طول غيابك قوى يا تليفزيونا يا امير وحشنى صوتك قوى وصورتك ومفاتيح التشغيل

ورحت عند الشمس والشمس كانت ليل

3- ودى كانت البداية اصحابى فى الفصل عرفوا انى بكتب شعر فكنت بكتب لهم الخطابات الغرامية ولكن بحسى انا وابتديت اكتب
4- بالنسبة لتنمية الموهبة انا سمعت من احد الشعراء مقولة جميلة جدا وهى ان اردت ان تكتب شعرا فحفظ الف بيت شعر
وانساهم وكما يقولون الشعر تعبير جميل عن تجربة صادقة وكلما قراءت لشعراء احبهم امثال فاروق جويدة.نزار قبانى .صلاح جاهين .فؤاد حداد . جمال فجر مصر .الاخت ليون .وردة الايمان وغيرهم ينادينى قلمى وتتحرك يدى واكتب فقط ما فى اعماق قلبى .
عذرا على الاطالة لكنى سعيد جدا بكم واللى محتاج اى طلب من السعودية يقول انا والله تحت امرة

اخوكم / عفيفى