هما كدا الرجاله

[nogafoda]

ههههههههههههههه
هو كله نكد نكد
مفيش شتيمه ولا ايه

[فريد]

ههههههههههههههه
هو كله نكد نكد
مفيش شتيمه ولا ايه

لا احنا منتشتمش
نكد اه شتمية
نكسر الدنيا
ولا ايه

[محمد خاطر2020]

طيب دى الرجاله ياخلود
تعرفى بقى عن الستات ولا تحبى اقولك اانا ؟؟؟؟؟؟؟؟؟؟

الستات يا اخواننا انواع

زى ما قالوا اجدادنا صحيح

انواع حره وانواع قشره

وانواع تلمع بس صفيح

واللى لسانها ينقط سكر

واللى لسانها طويل وقبيح

واللى وديعه وزى القطه

لو قربت تشوف تجريح

وانا حا اتكلم عن انواعهم

عن غلاستهم ويّا دلعهم

واللى حا اقوله ياريت يا اخواننا

تاخدتم بالكم منه صحيح .

اول نوع دى الست العاقله

ودا ما ظهرش بقاله زمان

حطه راجلها جوه عيونها

حبها كده معجون بحنان

تمسح عنه هموم الدنيا

كل مرادها يعيش ف امان

يدخل بيته يشوف البسمه

لو ما اكلش يبات شبعان

النوع ده ما بقاش موجود

دوّر عنه مالوهش وجود

والموجود دلوقتى بدالها

ست صحيح لكن { تايوان }

اما النوع التانى يغور

حلو الكلمه معاه معدومه

جاى من شغلك تفتح بابك

تلقى خدودها الجوز ملطومه

تسمع وصلة نوح وعياط

لحن وكلمه كمان منغومه

وتقول حظى الاسود انت

عمرى بطوله معاك محرومه

محسوب راجل بس عليّه

سبع ياخويا ومالى عنيّه

دى نكديه واصل نكدها

اخدت فيه ييجى ميت دبلومه

نوعنا التالت جاى الدنيا

لجل تغيظ وتعاند جوزها

رايحه وجايه تشقلب حاله

بقميص كاشف كل كنوزها

واما تحس ياعينى صاحبنا

فصين عينه زايده بروزها

وخلاص حاسه بقلبه الشايط

جوه ضلوعه قوام حا يعوزها

تيجى تقول له انا عايزه وعايزه

زى ما جابت اختك فايزه

واما يقول ربك يفرجها

تجرى بسرعه وتلوى ف بوزها

اما النوع الرابع راخر

تلقاه بوفره ونوع بطال

دى ما تصدق ييجى عدلها

تربط جوزها بفصل عيال

فاكره بجهلها كده مالكاه

يعنى هروبه منها محال

تهمل نفسها شكلها يبقى

زى خضار محطوط ف شوال

تلقى راجلها كده قرفان

طول اليوم م البيت هربان

يلعن حظه ويلعن يومه

يوم ما قالوله دى بنت حلال

آدى الستات وآدى انواعها

لسه كمان انواع بالكوم

اللى تجيب لك ضغط ف ثانيه

واللى تجيب لك ذبحه ف يوم

واللى عشان القرش تسيبك

واللى عشانها ياعيب الشوم

تسرق تنهب لجل خاطرها

تبقى حياتك دين وهموم

واللى تقطع جوزها بفاس

وتعبيه فى تلات تكياس

واللى تشوفها تجيلك سرعه

بومه ونايمه ف اوضة النوم

الست زي عربية الإسعاف ..لما تفتح السارينة لازم توسّع لها .
:: الست زي شاحن الموبايل..معظم الوقت مالوش لازمة، بس في لحظة بيبقى كل حاجة .
:: الست زي التليفزيون .. من النادر إنه يعرض الحاجه المناسبة في الوقت المناسب .
:: الست زي العيد.. الاتنين ماينفعوش من غير وقفة.
:: الست زي الحكومة .. دايماً محتاج معجزة علشان تعرف تغيّرها .
:: الست زي كتب الفلسفة .. كل ما تيجي تدوّر على إجابة تتورط فى أسئلة جديدة .
::الست زى المسمار ..الاتنين مايجوش غير بالدق .
:: الست زى جهاز الكمبيوتر ..ماحدش يعرف هي بتشتغل إزاى غير اللي عملها .
:: الفرق بين الست زمان والست دلوقتى .. زى الفرق بين الجنيه زمان والجنيه دلوقتى .
:: عندما تعجب امرأة برجل ما ( بتبتدى تتكلم معاه)، ولكن عندما يعجب الرجل بامرأة ما ( بيبتدى يسكت معاها ).

[خلود]

ههههههههههههه

ازيك يامحمد

منور المنتدى بجد

وحلوه اوى كلماتك دى وخاصه الحته دى

اول نوع دى الست العاقله

ودا ما ظهرش بقاله زمان

حطه راجلها جوه عيونها

حبها كده معجون بحنان

تمسح عنه هموم الدنيا

كل مرادها يعيش ف امان

يدخل بيته يشوف البسمه

لو ما اكلش يبات شبعان

تحس بتتكلم عنى بالظبط

منور يامحمد ولو انك برضو جيت على الست اووووووووى وربنا يسامحك بقى انت كمان ياادم

[محمد خاطر2020]

بنورك خوخه المنتدى منور بيكم
بس صدقنى عمرنا ماجينا على الستات
وللاسف عمرنا مانعرف نعيش من غيرهم سواء كانو نكدين او كويسين
بس فيه ستات عاوزين يترسوا فى ميدان عام ويتعدموا