المنطقة السابعة قطاع ( ر ) رياض الصالحين

[samir fayed]

السلام عليكم ورحمة الله وبركاتة
احبابنا الكرام فى قطاع ر فى البداية نبارك لكل من استلم الارض و ندعو للاخرين بالتيسير
انا امل من الجميع انا نحاول التعارف للمساعدة فى موضوع البناء انا تحدثت الى م ايمن سالم صاحب القطعة 51 لمحاولة ان نعمل مجموعة لنساعد بعض فى البناء
انا سمير فايد قطعة 320

[zizo408]

ملاك قطع الاراضى بقطاع ( ر) ياريت تعرفونا فين هذا القطاع بالظبط وهل هو بجوار المقابر المفروض انتم استلمتوا على الورق لوسمحت الناس من عندهم معلومة مؤكدة يجاوبوا عليا وشكرا.
ويارب التوفيق للجميع

[ayman salim]

من فضلكم اقرِؤا هدا الكلام المفيد حتى النهاية

ياجماعة أى حد فى المنطقة السابعة قطاع ر أو أى قطاع مجاور يحاول يكلمنى صدقونى ياجماعة لما نبقى كلنا ايد واحدة هنعرف نساعد بعض كويس وكمان هنوفر على نفسنا جهد وفلوس كتير ... آنا بصراحة فى مجموعة من الناس كلمونى ومكنتش أعرفهم ولكن تم التعارف وكنت سعيد جدا بيهم .... أنا من وجهة نظرى اننا لما نكون يد واحدة ليها فوائد كتير ومن أهم هده الفوائد :
1- عند الحفر لما نتفق كلنا مع شخص واحد أكيد السعر هيختلف عن لما كل واحد يتفق لوحده
2- لما نشرى مواد البناء كلنا مع بعض هنجيب بسعر الجملة غير طبعا لما كل واحد يتفق لوحده وكمان أسعار النقل هتختلف
3- لما تفيض شيكارة أسمنت أو سيخ حديد عند واحد مننا زميلة اللى لسه مصبش يأخدها بدلا من انها تفسد عنده أو تتسرق منه عندما تظل فى مكانها أو ان هو يتحمل تكاليف نقلها تانى لغاية بيته وكدلك زميله برده لما تفيض عنه حاجة حد من زمايلنا يكون محتاجها يأخدها وبالتالى صدقونى هنوفر كتير
4- المفروض ان احنا نتفق مع بعضنا ونقسم بعضنا بحيث كل اثنين أو ثلاثة مننا مثلا يكونوا موجودين هناك يوم فى الأسبوع بحيث يراعوا مصالحهم ومصالح جميع زملائهم اللى موجودين معانا فى الرابطة فى هدا اليوم وكل يوم يبقى فى اثنين أو ثلاثة تانيين يراعو المصالح وبالتالى هنحس ان احنا كلنا هناك كل يوم ودة طبعا لأننا كلنا عندنا شغل ومش فاضيين فهنرتب مثلا كل واحد يكون هناك فى يوم أجازته مثلا وهكدا وبكده هنوفر على بعض مجهود كبير جدا
5- وأهم ما فى الموضوع ان احنا نتفق مع مقاول محترم موثوق منه ويكون مسلم شغل قبل كده وشغله مفهوش مخالفات ونكون عارفين أهله ونسبه بحيث لما يغلط نعرف نحاسبه ويكون سعره كويس وطبعا علشان نجيب مقاول بالمواصفات دى لازم نكون مجموعة مع بعض علشان يرضى يجيب خشبه فى المكان وأنا عندى استعداد اننى أتولى المهمة بتاعة المقاول دى لى ولكل زمايلى فى قطاع ر والقطاعات المجاورة لنا اللى هيكلمونى وهيكونوا معانا فى هده الربطة ان شاء الله تعالى لأن بصراحة يا اخوانى الوحد على ما يبنى بيكون صرف مصاريف كتيرة جدا وبالتالى احنا مش حمل واحد ييجى ينصب علينا أصل العملية مش ناقصة

بالتالى يا اخوانى أنا شرحت وجهة نظرى واللى عنده أى اختلاف معايا يكلمنى علشان يناقشنى والمتفق معايا فى الرأي يكلمنى علشان نبدأ نجمع الأسامى والتليفونات علشان نبدأ حفر وشغل كلنا مع بعض أو حتى نعمل اجتماع كلنا مع بعض قبل بداية العمل علشان نكون عيلة واحدة كلنا

أسف على الأطالة وأتمنى للجميع دوام التوفيق ويارب يكون بيت سعيد لينا كلنا وفى انتظار تليفوناتكم

أخوكم مهندس / أيمن سالم 0128374681 قطعة رقم 51 قطاع ر المنطقة السابعة

[ahmedh3m]

السلام عليكم
اخوكم
احمد حسني
محاضر كمبيوتر
بشركه يات لخدمات التدريب
قطاع ر قطعه 491
0104633993
[email protected]