رابطه المرحله الثامنه المنطقه السابعه قطاع ن

[gangana]

شاكر جدا ليك يا استاذ احمد
بس نفسنا نبقي متابعين علي الطبيعه --فعلا ربنا يطمنك شكل قطاع ن بعيد مش ملاصق للمقابر علي الخريطه
ان شاء الله نباركلك وانت ساكن باذن الله

[adham62]

الى جنجانا
اولا مرسيه ليك على ذوقك والتواصل
هايل ان زوج اختك مهندس وعلشان كده ازف اليك البشرى انا اخى مقاول وكل تنفيذ أعماله بالقاهره الجديده وهو منتظر استلامى القطعه لكى يقوم بتنفيذها
لان تلك الاعمال بالنسبه له تعتبر صغيره ومش جايبه همها لذلك علشان خاطر اخوه سوف يقوم بتفيذ القطعه ومن يريد من الملاصقين لى فقط
على فكره القطعه رقم 250 قطاع ن باسم المدام
نرجو التواصل بينى و بينك وبين زوج اختك للتنسيق وعمل الافضل واللازم
مصطفى فؤاد

[adham62]

اى اخ او اخت لديها معلومات عن قطاع ن المنطقه السابعه من حيث الموقع هل هو مميز ماهى حدوده الخ فلا يبخل علينا
وشكرا

[gangana]

يا جماعه الخطابات اتبعت انتظروها ان شاء الله

[السعدوني]

السلام عليكم ورحمة الله وبركاته
أخوكم / إبراهيم السعدوني المحامي ----- قطعة 705
مبارك عليكم جميعاً وربنا يتم لكم بناؤها بخير
أما بالنسبة للموقع فهو إن شاء الله طيب
كما أنه بعيد عن المقابر لأن أ ، ب ، ج بجوار المقابر ولو هو في اتجاه اليمين الغربي من المنطقة لكان أفضل موقع إن شاء الله لإني شفته على جوجل
أما بالنسبة للبناء والاتفاقات فأنصحكم ألا تتفقوا على أي شيء عند الجهاز لأن المقاولين هناك مستغلين سواء في أسعار الحفر أو البناء
الحفر بيقولوا عليه 3000 جنيه لكن ممكن يخلص عند الأرض ب1200 وممكن أقل
بالنسبة للمقاولون يستحسن ألا تتفقوا مونة وأجرة ولكن اشتري أنت المون
المقاولات هناك تتراوح بين 12000 - 15000 جنيه على الدور الأرضي مصنعية خرسانة فقط ( نجار + حداد + خلاطة ) ويستحسن تتعمل القواعد والسملات باسمنت سويتر وتتعزل
من أهم المشاكل هي قيام الأعراب بقطع المياه عن المنطقة والإستيلاء على غربان المياه حتى يتم بيعها بالعربية - ودي فيها سرقة لأن العربية ممكن تشتريها فارغة بأكثر من 100 جنيه لكن ممكن تشتري البرميل ب5 جنيه ويتخرب بيتك في فلوس الميه في كل مرحلة بس أرحم من شراء العربية
الحل الثاني أن تقدم على المياه وتعمل عداد فرز حتى تمام البناء وانصحك ألا تتهور وتعملها لأنك مش هتلاقي ميه علشان الأعراب قفلنها من المنبع وتبقى دفعت مرتين
وأحسن حاجة نضغط على الجهاز عن طريق وسائل الإعلام يفتح لنا الميه بس ده طبعاً عاوز ضغطة جامدة لأن البعض بالجهاز بيساعدوا الأعراب مقابل انتفاع مالي وأمام الإعلام يقولوا أن القطع تجري من تحتها الأنهار
بعد كده في مراحل السور والتشطيب الخارجي ودي ليس لها علاقة بالمقاولة السابقة بل لها حساب آخر وعامة أفضل حاجة تتفق عند الأرض لإن العروض أكثر والأسعار أفضل
ملحوظة: ممكن أشارك مع مهندس على مقاولات البناء أنا عندي خشب شغال في الشيخ زايد وممكن أجيب خشب بالمنطقة ونخفض أسعار مقاولات البناء
وتليفوناتي - إذا وافقت إدارة المنتدى - هي 0105254012 -- 44758316 وجزاكم الله عنا خيراً والسلام عليكم