ثورة الجياع

[fagrmasr01]

لا والله .. هى مجرد كلمات اداعبكم بها .. هى كلماتى وانا كتبت اسمى ومن بشتيل كمان

[محمود التهامي]

يا جماعة والله باين علينا كلنا ناس تانيين ومش عارفين

يا إما بقا والله أعلم

هما اللي تانيين واحنا اللي اولانيين

هههههههههههه

[اميرة حبى انا]

اهو اعترف يامحمود
انت اجبرته على الاعتراف
حرام عليك

[fagrmasr01]

والله ايوه باعترف ** انى بحبك يابلد
وانى لحبك محترف ** واضحى بالمال والولد
لو زلزلوا منى الجسد
لو بهدلوا منى الكبد
ها عيش احبك يابلد

لو قطعوا جسمى انتقام
وان ضيعوا حروف الكلام
ولو خلوا كل حلال حرام
برضه بحبك يابلد

انا مش معارض ليك يا باشه
وموافق انك تاكل بغاشه
لكن عظامى م الهشاشة
بتستغيث بالله .. مدد

نفسى يكون ليا سند
وعلاج لعينى من الرمد
وافوق من ذل الى فوق
شكاوينا ملهاش عدد
وبرضه .. بحبك يابلد
معلش انتوا الى بتسحبوا منى الكلام والله بتشجيعكم الحلو وتعليقاتكم الجميلة
اخوكم جمال جابر من بشتيل

[fagrmasr01]

أستأذنكم احطها ف موضوع لوحديها عشان احاول اكملها لان الخواطر ف الموضوع ده بتيجى لوحديها
أرجو ان ما اكونش عامل ازعاج .. .. اخوكم جمال جابر من قرية بشتيل