الان ف رائين عن الرئيس المخلوع حسنى مبارك انت مع ايه ؟

[محمود التهامي]

انا رأيي أموال عائلته كلها تتأمم
وبكدا نبقا خلصنا من حكاية المحاكمات والكلام الفارغ ده
لان سكك المحاكم طويييييييييييييلة
اما عن انه يتحاكم ويتحبس فأنا ضد الرأي ده لان حبسه ولا هيقدم ولا هيأخر
إللا التهم المتعلقة بالدم فدي بقا مافيهاش مسامحة
لكن التربح او استغلال المناصب ممكن نسامح فيها طالما حق البلد هيرجع
ونسيبنا بقا من اللي فات ونفق للي جاي
وكفاية عليه وعليهم السمعة الهباب والخروج بخفي حنين

[AFIFI MOSTAFA]

موضوع جميل ياعم عفيفى
و سامحنى سؤالى بسؤال
لكن فيه اجابة
هو احنا انا و انت وهو و هى
فى الحكاوى العادية هايسبونا فى المستشفى
او زى ماقالت خلود المنتجع السياحى ال100 نجمة
خليه مستشفى ياسيدى هايسبونا
الاجابة
لا
يبقى
لا
هو مو ش احسن منك و لا منى و لا من اى حد
العدل هو الاساس كل واحد ياخد حقه
بما يرضى الله
من غير مانظلمه
ولا نظلم نفسنا

سلام عليكم يا استاذى العزيز
طبعا انا معاك وع خلود الكل سواء امام القانون لكن هو شخص مش عادى بمعنى ان حبسة من عدم حبسة هيأثر مثلا على البورصة ولا لاء وكدا يعنى الموضوع لازم يتشاف من كل جوانبة

[AFIFI MOSTAFA]

وانا مع راي خلود وايضاح الشاعر الجميل فريد
مبدأ الثواب والعقاب ع الجميع
وبعدين دا المفروض حسابة يبقي كبير
عملا بقول
كلكم راع وكلكم مسئؤل عن رعيتة
هو برضوا مكنش راع عن الشعب

صباح الخير استاذ اسامة
تسعدنى جدا مشاركتك واكيد وصح كلامك وكفاية ان له حسابين الدنيا والاخرة

[AFIFI MOSTAFA]

انا شايفه ان لازم يتعاقب بصرف النظر عن سنه او مرضه
هو مرحمش حد لا صغير ولا كبير
من لا يرحم لا يرحم
موضوعك جميل ياعفيفى

صباح الخير يا امورة
متشكر جدا على اطراءك الجميل وانا شايف اللى حصل له وبيحصل لعيالة اكتر من السجن ولحد دلوقتى هو بريئ فالمتهم بريئ حتى تثبت ادانتة

[AFIFI MOSTAFA]

شوف استاذ عفيفي
انا شخصيا مع عدم محاكمة الرئيس وليس لشيء غير انه قد ابتلاه الله بشعب مثل شعبنا
وابتلاه بنعمة وهى خيرات مصر الكثيرة فلم ينجح في هذا الاختبار الصعب
نحن مهما بلغ بنا العلم والحكمة والعدل لن نستطيع ان نجزم اذا كان ظالم ام مظلوم فالحك لله عز وجل
كل ما اتمناه ان يشفيه الله

السلام عليكم ايتها الشاعرة الكبيرة
كلامك فى محلة تماما وانا شخصيا متفق مع الرأى بتاعك (فمن كان منكم بلا خطيئة فليرمها بحجر )