مغامرات الطبخ العالميههههههههه

[خلود]

اكيد الفكره لذيذه اوى يادى دى وطبعا الذكريات كتيره

افتكر مره ماما اتصلت على التليفون وانا حاطه لحمه بسويها وفى بدايه المكالمه قلت لها

فكرينى ياماما انى فيه حاجات على النار

قوم ياستى قعدنا نحكى فى موضوع وصل تلاته ارباع ساعه والبوتاجاز عالى مفتكرتش الا

لما شميت الريحه وكانت النتيجه اننا اغدينا تونه فى اليوم ده

[DMR]

ههههههههههههههههههههه
حكاية حلوة اوي يا خلود شكرا لمشاركتك في موضوعي و منتظرة بقيت الاعضاء

[DMR]

انا حصل معايا مغامرة فظيعة من يومين

كنت بنظف لماما المطبخ و هي مش موجودة
و كان في زجاجة تمر هندي حمضتت فطلعت غازات و الزجاجة خلاص هتنفجر و هي مغلقة
و كنت لسة مخلصة المطبخ و بيبرق على الاخر

فاخذت زجاجة التمر و كنت هرمي التمر في الحوض و بفتحها براحة علشان متنفجرش بس على مين بقى انفجرت و طلعت للسقف و الحيطة و المطبخ اعد يمطر تمر هندي و انا اتبهدلت و اختي جت و اعدة تضحك رحت مهزأها و رجعت تاني من حيث اتت و هي ساكتة ههههههه
و طبعا المطبخ كله بقى ملزق فاعدت امسح الحيطة و غسلت كل حاجة تاني كانت موجودة و نظيفة و ماما رجعت و حكيتلها اللي حصل اعدت تضحك
و بس


منتظرة مشاركتكم كلكم

[اميرة حبى انا]

حلو اوعى الموضوع يا دى دى
وحلوة اوى مشاركات الناس العسل
مبدأيا ولحد ما أفتكر اكتر
وبمناسبة رمضان
مرة كنت عايزة احط قطعة قمر الدين فى ميه عشان تدوب واعملها
بدل ما اخد ازازة ميه اخدت ازازة الخل
وماخدتش بالى الا لما دلقت الازازة كلها على القمر الدين
ومرة يا ستى كنت عاملة صينية فى الفرن مش فاكرة ايه اصلها بتحصل كتير والله
المهم حطتها على التربيزة فى المطبخ
وابتديت اخرج الاكل برة عشان نتغدى
ونسيت ومسكت الصينية اللى لسه طالعة من الفرن بايدى
وكملوا هما تحضير الاكل

[lionking]

حلوة اوى الفكرة يا دى دى

اقولك على موقف بس ده حصل زمان وانا فى الجامعة وكنت عمرى ما دخلت المطبخ وكنا فى الشتا

ماما كانت بتعمل شوربة عدس
قالتلى ادخلى يا حبيبتى صفى العدس

ان ان ان آآآآآآآآآآآآآآآآآآآآآآن

ودخلت انا وطبعا بما انى جاهلة جدا وبمنتهى الثقة جبت المصفى وحطيتها على الحوض وابتدبت اصفى العدس

واذا بالعدس بيجرى فى الحوض وفجاة بححح مفيش عدس

فضلت واقفة ابص لأ وجاتلى حالة وانا شايفة اللى بيحصل وبكمل تصفية مش عارفة اوقف المهزلة

وجت ماما طبعا بعد ما سمعتنى بصرخ

وبصت ع العدس والحوض والمصفى وبمنتهى الاندهاش والتحكم فى النفس

اطلعى بررررررررررررررررررررررررررررررررررررررررررررررررر رررة

ومن يومها يا امى وانا بكره شوربة العدس لغاية يومنا ده

وما افتكرش انى عملتها من يوم جوازى لغاية يومنا ده
الا 3 مرات