يوميات لازم يمشى

[lionking]

استاذ رومانسى حضرتك خايف أن البلد تنهار اخلاقيا واجتماعيا واقتصاديا!!!
البلد اصلا منهاره فى كل المجالات دى ومن سنين والثوره هى اللى هاتصلح ده انشاالله.
احب اطمن حضرتك تانى انا مصر بتتصلح وبتتغير وعصر الظلام اللى كنا عايشينه الى ....
مزبله التاريخ.

لازم يمشى
مع كامل احترامى وتقديرى للجميع هقولكم ليه لازم يمشى ومش هنجرب
---لأنه حكم بلدا يقبع55%منهم تحت خط الفقرحسب تقرير الامم المتحده للتنميه البشريه لسنة2007فى حين ان ثروته لسنة2001بلغت 10مليار دولار فى بنوك امريكيه وسويسريه وبريطانيه والان الثروه وصلت الى 15مليار دولار يعنى لو بتعرفوا تحسبوا حوالى 80مليار جنيه أغلبها عمولات فى صفقات سلاح وعقارات ومناطق استثمار سياحى فى الغردقه وشرم الشيخ وتتوزع بين مؤسسات بريستول أند ويست العقاريه ومعلوم انه هو رئيس شركة ميدانفست فى لندن وهى التى باعت ديون مصر واشتراها الابن الاكبر
--من حوالى سنتين وقبل كده فى كل برنامج انتخابى من بنوده الغاء قانون الطوارىء ولما يكتر الزن عليه يفرقع اى حاجه فى مصر عشان تبقا حجه ويمده سنتين
-- اصدار قرار بمنع حبس الصحفيين ولم ينفذ
--فتح باب الاستثمار (ووصل الدين العام حوالى 600مليار ودا حسب الجهاز المركزى للمحاسبات)
--بناء 1000مصنع وتشغيل 4مليون عامل ( وكان من نتيجته بيع القطاع العام كله للمستثمرين اللى عملوا المؤسسات الحكوميه عمارات تمليك للبيع واصبح فيه 40 مليون عاطل )
--مرتب نيرفانا ادريس مقدمة برنامج البيت بيتك 150الف جنيه ومرتب الكتور محمد سليم العوا 1500جنيه
--متر مدينتى ب1/2جنيه وكيلو الطماطم وصل 10جنيه
--وجود الريس خميس الفتره الجايه هو عباره عن اعادة نرتيب الاوراق ونبدأ نخبى اللى لازم يستخبا وندارى على شمعتنا والا هفترض سؤال اذا كان الريس مات لاقدر الله من شهر فى عدم وجود نايب ايه اللى كان هيحصل ساعتها طب اهو الحمد لله فيه نايب وهياخد نايب كمان ومدام هتمشى هتمشى ايه سبب التمسك اوى كده
--فى السابق اعلن انه مش هيرشح نفسه غير فتره واحده بعد موت السادات
فى زياره لقريته ومدرسته القديمه اعلن ان اخر فتره لولايته هى الفتره السابقه ورشح نفسه
-- لو شفت شهيد ادالمك بيتقسم جسمه بالسيف نصين وولد سنه 11 سنه بيضربوا عليه نار ذخيره حيه مش هتقولوا يمشى لا هتقولوا ------بلاش
--اقول لازم يمشى لانه قبل ذلك اعطى وعودا كاذبه

هما دول الرجالة الصح

ياريت بس نفتح مخنا شوية ونبص بلاش ع الجزيرة البعبع بتاع الحكومة اتفرج على قنوات النايل سات لما جالها الامر انها تتكلم بحرية واسمع اراء الناس

اظن الحقيقة بانت

وده طبعا بفضل الله ثم ثورة 25 يناير واللى مستمرة لغاية دلوقتى

وطبعا كلنا عارفين ما ضاع حق وراءه مطالب

ومن تجربتى السابقة مع وزير التربية والتعليم احب اقول ان هو ده الصح

حقك لازم تنتزعه من النظام الفاسد الطاغى الفاشل القاتل

لكن نظرية الاستسلام دى غلط

وياريت الناس كلها تحاول تتعب شوية وتقرا عن كل الثورات اللى فى التاريخ

وشوفوا بتتعمل ازاى وبيحصل فيها ايه ونتايجها ايه




سؤال لكل عضو معترض وبيقول ان اللى فى التحرير "عيال" وارجو طبعا سحب الكلمة دى لان دول ابطال وهيجيبولك حقك وانت قاعد ع النت او البيت

لو حد قريبك او صاحبك او معرفة استشهد فى الثورة دى .... هيكون رايك ايه ؟؟؟؟