لم نعد اغبياء

[الرومنسى]

تحيتى لك يا فريد على موضوعك
وأسف استحملنى
لغط كبير موجود على شبكات التلفزة والامن المصرى
بسبب التفجير ومحدش فكر مين اللى نفسوا يعمل الفتنة فى مصر
نركن الكلام دة
بابا الفاتيكان خرج وقال لازم نحمى مسيحى الشرق من الاضطهاد الاسلامى
طيب أسف على كلامى
ليه ما وقفتش ضد اسرائيل اللى بتهدم الكنايس فى فلسطين وبتقتل فى المسيحيين مع المسلمين
واللى الناس بتاع فلسطين مسيحيين من كوب أخر
كل الكلام دة مش معقولة يكون بالصدفة
فيه حاجة تانية
احنا ساعدنا على كدة كتر من المسلمين والمسيحيين بسبب الاحداث فى الفترات السابقة
لا يوجد داخل احد من الطرفين صفاء للآخر بسبب السمع اللى عمال على بطال يتنقل من فلان لفلان
طيب محدش بيحقق واللى دة كلام منزل مفهش خطأ
حاجة كمان وجود برامج فى التليفزيون تشجع على العنصرية بين المسلمين والمسيحيين
وعندما نأتى بشيح وقس وفى مواجهة فى برنامج كى يزيد الشحن
كى يكون الموضوع به اثارة وتزيد الاعلانات
يا ريت نفكر شويه
شكرا
وأسف

[محمود التهامي]

من الاخر كدا
الناس دي مش هترتاح الا لما ينفذوا المخطط
وهو اقامة دولة مسيحية
تبقي دولتين
بس خلاص

"تلاته يا ماما"
على رأي زيزي في فيلم عائلة زيزي
هههههههههههههههه

المتابعين للتطورات في المنطقة وخصوصا الفكر الصهيوني
هيعرفو ان الكيان الصهيوني يهدف ويخطط إلى تقسيم مصر إلى 3 دويلات

دولة للمسلمين في شمال مصر ومنطقة الدلتا

دولة للأقباط في منطقة الصعيد وجزء من الصحراء الغربية

دولة للأمازيج
(من يقال عنهم البربر أو أهل النوبة)
جنوبا وأقصى الغرب ارتباطا مع قبائلهم في ليبيا وتونس والمغرب

عملاً بأسلوب
فرّق تسُد

ودا اللي بقالي شهر بشرح فيه ومحدش راضي يسمعلي
بس متهيألي كل شوية وجهة نظري بتوضح أكتر
والموضوع بيتأكد أكتر وأكتر

وقريبا جدا
انا متأكد انه هيكون فيه مشكلة مع اهل النوبة
وخصوصا منطقة شلاتين
وحلايب المتنازع عليها مع السودان
وخصوصا بعد اتمام تقسيم السودان
الذي يسانده الكيان الصهيوني
وتباركه أميريكا

وتوتة توتة فرغت الحدوتة
حلوة وللا ملتوتة