*مكان الميلاد أين كان؟
الحمد لله
الف حمد وشكر
الكــــويــــت
*حياة الطفوله من كان المؤثر الأول بها؟
الاب
*موقف من الطفوله مازال عالق في ذهنكـ؟
لحد دلوقتى مش قادرة انسى الرحلات اللى كنا بنروحا مع اقاربى الى البر وكنا بنشوى وبنلعب كل الالعاب
*هل كان يوجد معامله مختلفه كونكـ بنت عن باقي اخواتكـ الولاد؟
اكيييييييييييييييييييييييييييييييييد
ولغاية دلوقتى وحياتك يا غالية
نفسى افهم ليه
*اليوم الدراسي الأول هل تتذكرى حالكـ فيه؟
اكييد
كنت فرحانة جداا وخايفة ومرعوبة وبترعش وعندى مغص قاتل
*مرحلة الطفوله كيف تصفيها في بضع كلمات؟
مرح .. انطلاق.. براءة...حب ..
حنان..
*أصدقاء الطفوله هل مازلوا على تواصل؟
اكيد لألأ
*من هى صديقة المراهقه التى لا تستطيعى التخلي عنها ؟
ما خلاص ماتت الله يرحمها
بنت خالتى
*كم كان مصروفك اليومي بسن المراهقه ؟
كان نص دينار عشان كنا فى الكويت
احسبوها انتوا بقى
*مرحلة المراهقه كيف كان تعامل الأهل فيها؟
هههههههههههههههههههه
عادى جدا زى اى بيت
كل حاجة لأ وغلط وميصحش ومينفعش وكخ وبخ
*غالباً مايكون الحب الأول في مرحلة المراهقه فكيف تصفيه إن وجـــد؟
كان احساس جديد جدا وحلو طبعا ومحدش كان فاهم حاجة خالص
*إلى ماذا كنتى تطمحى وهل وصلتى لطموحكـ؟
طبعا لأ
كان نفسى اكون مهندسة
بس الحمد لله مدرسة الرياضة عملت معايا احلى واجب
*مرحلة المراهقه مالذي تبقى منها اليوم في ذاكـرتكـ؟
بـــــــــــح ولا حاجة
*كيف هي نظرتكـ للحياة اليوم؟
بفكر كتير وعلطول عندى صداع
*كيف هي حياتكـ بعد الزواج اذا متزوجة ^^
الحمد لله
رزقنى الله بزوج صالح وطيب وذرية جميلة
وتحقيق حلم الامومة؟
اجمل حلم حلمته فى حياتى واحلى احساس واجمل شعور
*هل وجدت حلاوة المسؤليه من خلال واجباتكـ العائليه؟
طبعا
حلاوة ما بعدها حلاوة
وانا سعيده بيها جدا برغم كل مشاكلها لكنها ممتعة جداا
*هل ستربي أبنائكـ بنفس أسلوب تربية والديكـى لكـ؟
لالالالالالالالالا
هربى بنفس الاسلوب فى تعلم الدين الاسلامى
صلة الرحم
التعاملات فى الاسلام
لكن بعد كده
لالالالالا
ده انا كنت هطق اقوم اعمل كده تانى
*ماأكثر مايشغلـ تفكيركـ في ظل مرحلة النضج؟
المستقبل ولو انى اعلم انه مفيش حاجة بادينا وكل بعلم الله
لكنى دائمة التفكير فى مستقبل زوجى واولادى حفظهم الله
*الرجل ماذا يعني وجودها في حياتكـ اليوم؟
طبعا تقصدى الزوج
زوجى.. حبيبى..دنيتى كلها ..
*من هو الرجل الذى تــودى أن يكون قدوة لكل رجال الأرض؟
بعد سيد الخلق سيدنا محمد صلى الله عليه وسلم
يبقى مفيش ادامهم غير الاقتداء بوالدى
ربنا يخليهولنا
رمز من رموز الحب والعطاء والحنان وقمة العقلانية والرومانسية
بجد
جمييييييييييييل جداااا
*بعد الأخلاق الحسنة ماأكثر مايلفت انتباهكـ في الرجل شكلا؟
اهاااااااااااااااااااا
دى حاجات مهمة عندى اوى بقى
هما حاجتين بعد الاخلاق والدين
الساعة
الحذاء
دول مهمين عندى اوى جدا خالص
*مارأيكـ بالرجل الذىيشاركـ المرأة مسئولية الاهتمام بالبيت والاولاد؟
هو لو موجود يبقى كتر خيره ويشكر على كده
لكن هو فين؟؟
الطلبية دى لسة منزلتش عندنا
متعطلة فى الجمارك
* كيف ستتعاملى مع زوجك وابنائك عند الخلاف؟
مع زوجى::
انسحب فى هدوء وقت الخلاف الى ان تهدا الامور ثم اعاود النقاش فى محاولة للوصول لحل وسط حتى لو على حساب نفسى
اولاى::
طبعا بما اننا من الجيل المعقد
انا بسيبهم يخرجوا كل اللى جواهم من انفعال وغضب ويعبروا عن حالتهم تماما
وبعد كده بنقعد ونشرح الغلط والاعتذار ده شىء اساسى
منى او منهم
*خانكـ ادم فأصبحتى مابين المنصدم والمنتقم كيف ستكون ردة فعلكـ؟
ليه كده بقى
انا وحشة جدا فى الحاجات دى
انا هكون من المنتقمات
*بيت شعر تهديه لادم؟
مش بيت شعر
بس اقوله
اتقى شر الحليم اذا غضب
*كلمة توجهيها لادم سواء كان الاب او الزوج او الاخ
والدى ::
جمال الليل بنظرة عيونك ونور البدر مرسوم بجفونك وكل الكون ما يسوى بدونك
زوجى::
إذا شئت أن تلقى المحاسن كلها ففـــــــي وجـه مـن تـهـوى جـمـيـع الـمـحـاســـــــــن
....
ياريت اكون كنت ضيفة خفيفة عليكم
وتكون اجاباتى عجبتكم
وبالمناسبة دى احب اطلب احلى واجمل
وارق
فــــــــراشــــــــــــــــــــــة
ياريت تشرفنا
رد: حواء هل تسمحيلى باقتحام عالمك
رد مع اقتباس
رد: حواء هل تسمحيلى باقتحام عالمك
المشاركة الأصلية كتبت بواسطة اميرة حبى انا
المفضلات