اسامة 22 الضيف الجديد

[اميرة حبى انا]

الاسئلة الثابتة
1-الاسم؟
2- السن؟
3-احساسك ايه وانت قاعد على الكرسى؟
4- مين اقرب انساااااااان او انسااااااانه ليك؟
5-ايه احلامك؟
6-كام مره حسيت انك ملكش لزمه فى الحياه؟
7- كااااااام مره مقدرتش تكتم دموعك؟
8-حلمت حلم واتحقق؟؟

9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟
10-كل شخص مننا جواه نسبة حزن ياترى نسبة الحزن جواك كام في المية؟

11- مين اقربلك وبتحس انه فاهمك اكتر والدك والا والدتك ؟؟؟

12- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
13- لو حبيت شخص مش حاسس بيك ياترى تعمل ايه ؟؟؟؟
14- هاقولك كلمات توجهها لاشخاص في منتدانا
- مواضيعك ممتازة
- انت فين وغايب عننا ليه
- المنتدى وحش من غيرك
- رأيك بيعجبنى
- انت شخصية محبوبة جدا فى المنتدى
- انت دمك خفيف اوى
- انت شخصية قوية تتحمل الصعاب
15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟

16- هل حد ظلمك لدرجة انك قلت مش ممكن اسامح؟؟؟
17- لو هتسافر مكان ومطلوب منك تاخد شخصين بس معاك تختار مين؟؟؟

18- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
20- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟

ايه السؤال اللي كنت تتمنى انى ماسألوش ؟؟؟

وطبعا دى الاسئلة الثابتة زى ماقلت قبل كده يعنى مش اسئلتى
انا لسه مسألتش

[lionking]

ايه ده ايه ده

طلعت كل الناس بتحبك يا اسامة اهو

مبسوط يا سيدى
ع العموم انا كنت برخم وبس فى موضوع الكرسى

وطبعا الناس هتثبت حبها ليك فى الاسئلة اللى زى العسل

بس وحياتك عايزة طبق بيض الله يكرمك عشان اعشى الولاد




اوعى تجيبلى من المكسر


ربنا معاك يا افندم

[خلود]

ههههههههه

ربنا يكرمك يااسامه متخلصش البيض كله
ابعت لى كرتونه انت عارف بقى سندويتشات كل يوم للمدرسه وكمان بحب اعمل كيك بس قبل ما يفقس متنساش
ياسلام بقى لو كان بيض بلدى
مش مشكله اهو برضو يقضى بالغرض
منور والله يااسامه ده الفارس واضح بيعزك جداااااااااااااااا
واميره كمان اختارت لك كرسى مغذى جداااااا
ياجماعه عايزين لعب بغباء
لا تأخذكم رحمه ولا شفقه
والله المستعان بقى

[lionking]

السلام عليكم

ازيك يا مغترب ؟؟

مش عارفة حاسة ان فيه طبق بيض هيقع خلاص

وحياتك الحقنى بالعشا بسرعة وآدى الطاسة اهى

يالا بسرعة عشان الولاد جاعوا جدااا

المهم بقى وانت بتعملنا البيض رد بقى على شوية الاسئلة الصغننه دى بس منغير مجاملات ولا دبلوماسية

يعنى اخبط الرد وملكش دعوة

اتفقنا

1:: هل انت رياضى؟؟ بتلعب ايه تحديدااا؟؟

2:: انت منتمى لاى حزب او فكر عندنا فى مصر المحروقة؟؟

3:: بقالك كتير مغترب؟؟

4:: ايه محاسن ومساوىء الغربة؟؟

5:: تفضل تكمل عمرك المديد مغترب ولا ترجع لحضن الوطن؟؟

6:: معاك تذكرتين سفر لمدة اسبوع لهاواى ولازم تاخد واحد بس مش من العيلة الكريمة !!! هتاخد مين؟؟

7:: لو معاك سيف ووردة ومسدس وحصان هتعمل بيهم ايه؟؟

8:: وانت ماشى لقيت حتة سبيكة ذهب ومحدش شافك هتتصرف ازاى؟؟؟

9:: انت عندك بطاقة انتخابية؟؟ ليه؟؟

10:: لو بايدك انك تقفل وزارة وتلغيها خالص هتكون انهى واحدة فى المليون وزارة اللى عندنا؟؟

11:: مصر بتوحشك وانت فى الغربة مش كده؟؟ طب ولمابتيجى اجازة برده بتوحشك ولا بتبقى عايز تهرب منها؟

12:: ايه اللى نفسك لما تنزل الاجازة الجاية تلاقيه اتحقق فى مصر؟؟

13:: تفضل سفر الجو ولا البحر؟؟

14::لو عرضت عليك الجنسية الالمانية هتوافق ولا هتعمل بطل؟؟

15:: تقول لمين الجمل الاتية

بعيد عنك حياتى عذاب

طمنى عليك

خلص الدمع من عيونى

وحشنى اوى

خاين وغدار

انا عند وعدى

مكانش العشم

مش ندمان انى بعدت عنك

زرونى كل سنة مرة

الله على حبك انت

آسف

يا محاسن الصدف

حل عنى بقى

16:: لو خيروك بين جيمى وعز يطبق على نفسنا تختار ميييييييييين؟؟

17: قول كلمة للشعب المصرى؟؟

18: هل حبيت قبل الزواج؟؟

19:: ايه اكتر موقف محرج مر عليك؟؟

20:: ايه اصعب موقف ومقدرتش تحوش دموعك؟؟

21:: امتى ضحكت من قلبك لدرجة ان عنيك دمعت؟؟

22:: ايه اكتر شىء ياثر فيك دمعة طفل ولا دمعة رجل؟؟

23:: ايه ومين اللى مش عايز تشوفه الاجازة الجاية؟؟

24:: ايه قيمة الانسان المصرى من وجهة نظرك؟؟

25:: الضمير العربى راح فين؟؟

26:: مين اكتر واحد تصفق له؟؟

وجه نقد صريح لكل مما ياتى

ليـــــــــــــون

خلــــــــــــود

اســــــــــامة 22

محمد خليفة

فجر مصر

ام الاء

اميرة

الباشا تلميذ

الفارس

27:: المواصلات عندنا طبعا آدمية بس لو هتلغى حاجة هتكون ايه؟؟

28:: لما بنتك انشاء الله توصل سن ال15 ولقيتها جاية تقولك يايا انا بحب فلان!!!!! هتعمل ايه بالامانة؟؟

29:: ايه رايك فى الجنيه المصرى؟؟

تقول ايه للاسماء الجاية دى

احمد زويل

جيمى

نظيف

منى الشاذلى

عادل امام

عمرو اديب

ايناس الدغيدى

يسرا


محمد صبحى

30:: ايه البرنامج المفضل؟؟

31:: من هو مطربك \مطربتك المفضل؟؟

32:: هل انت مع فكرة ان المقاطعة دى جزء من حل ؟؟

33:: بتروح ماكدونالد ولا .. مقاطع؟؟

34:: شرحت الفكرة دى لاولادك؟؟

35:: لو هتقول حرام كفاية تقولها لمين؟؟

36::هل انت رومانسى؟؟

37:: ايه اكتر شىء بيسيطر عليك العاطفة ام العقل؟؟

38:: اختيارك لزوجتك مبنى على ؟؟

39:: ايه رايك فى جواز الصالونات ؟؟

40:: هل عمرك حبيت عن طريق النت؟؟

41:: ايه ازمة منتصف العمر من وجهة نظرك؟؟

42:: ايه رايك فى الراجل اللى بيصبغ شعره؟؟

43:: ايه اجمل توقيع فى المنتدى؟؟

44:: ايه الموضوع اللى كنت تتمنى انك تكون كاتبه؟؟

45:: ايه الموضوع اللى نفسك تناقشه هنا فى المنتدى؟؟

46::ايه الحلم اللى حلمته واتحقق؟؟

47:: ايه اكتر كابوس بيزعجك؟؟
48:ايه رايك فى ماما سوزان؟؟

49:: العشا خلص ولا لسة؟؟

انا شخصيا تعبت من كتر الاسئلة

هاخد العشا واسيبك لكل الاخوة الاشاكيف الحنينين الطيبين يكملوا عليك

[اسامة22]

احلوت احلوت اقوي
البيضة بجنيه
ماشي ياليون
ماشي ياخلود
البيض احلو دلوقتي ربنا علي المفتري
مش عاوزين بسطرمة كمان جمال افندي حبيبي
جاب لي او كان بيتمني بسطرمة
ماشي يابشر والله لاادخل الكرسي بعد كدا وهتشوفو
ياعالم الرحمة انا لسة مش عارف الم الكتاكيت
وانا بقول خلود هي الي هتنقذني هي وليون
انا سحبت الالقاب منكم
ياساحرة المنتدي و
وسندرلا المنتدي
بقي تيجي منكم انتو
حسبي اللة
ههههههههههههههههه
ههههههههههههه
ههههههههه
الحقني ياجمال افندي نداء عاجل تاني الله يكرمك
ماانا قولت للمشرفة عاوزبيض بلدي