بحث عن مدارس فى 6 اكتوبر

[mamet jana]

في مدرسة القاهرة للغات جنب خير زمان انا روحتها هي المباني مش حلوة بس اولياء الأمور بيشكروا فيها

[Mohamed Elsayed Barakat]

متشكرة جدا مامت جنى انا المدام وكنت عايزة اخد رايكم فى المدرسة الصينية وياريت الى اولادهم فى القومية يكلمونا اكتر عن نظام المدرسة

[دعا]

ارجو منكم ممن لديه معلومات عن مدارس اسلاميه فى 6 اكتوبر او مدارس عربى ولغات وايه رايكم فى مدرسة رياض الصالحين لانى معرفش الا مدارس قليلة فى 6 أكتوبر وهل فيه مدارس كويسة تانية

تيجر وبدر فى الحى الخامس

[setokm_h]

السلام عليكم ورحمة الله وركاتة
اخيرا قدمت لبنتى فى مدرسة 6أكتوبر القومية بعد ما روحت مدرسة الرضوى ومعاد التقديم فيها يبداء من اول شهر 6 ومصاريف kg1 هناك 2900 بس قالولى ممكن يزيد السنة دى كمان 10% يعنى تقريبا 3000والباص لحد الحى الثالث 800 واليوني فورم فى حدود 300
وقابلت بعض الامهات هناك وشكروا فى المدرسة وقالوا انها احسن الوحشين اللى فى اكتوبر وانهم مسمعوش عن مدرسة 6 اكتوبر القومية علشان لسه دى تانى سنه ليها ونصحونى بمدرسة الشيخ ذايد التجريبى واننها مدرسة
ممتازه بس مشكلتها معايا السن لانها ما بتاخدش اقل من 5 سنوات
وبعدين روحت مدرسة 6أكتوبر القومية عجبتى جدا لانها جديده ونظيفه واتفرجت على الفصول وشوفت الاولاد هناك زى الفل خصوصا بعد ما شكرا فى مستوها التعليمى بعض اولياء الامور
ومصرفها 3700 جنية ل kg1 وان الزياده كل سنه بتزيد تقريبا بنسبة 10 %
والباص حسب المنطقة السكنية وانا فى الحى الثالث فكان الباص ب 1200
و اليونى فورم تقريبا ب 400
وعرفت من ادارة المدرسة ان فى اقبال كبير على ال kg
وفعلا شوفت ناس كتير مسجلين اسمهم
والحمد الله خلصت من قصة البحث عن مدرسة عقبال كل اللى بيدور
فى ام اعرفها شكرت فى مدرسة مانر هاوس قرب الشيخ ذايد وان مستوى الاولاد هناك ممتاز
بس دى مصارفها تقريبا 6700 ومعرفش بالباص ولا من غير
يارب اكون افدتكم

[قمارا]

ازيكم يا جماعه
والله انا اولادي في مدرسة جيل الفين وبدور انئلهم اليومين دول علشان المدرسه حصل فيها شوية امور كده مش تمام من استف الاداره
ولسه بدور ومحتاسه خالص
على فكره ولادي في ابتدائي