اخى الفاضل .. حبيبى
اولا شكرا على دخولك وقراءتك لهذا الموضوع
ولى ملاحظات ارجو قبولها
انا مثلا مش باحب النجاح - مش علشان انا فاشل زى ما هتتصور - طبعا لا
لكن لان الى بتقولوه ده صعب جدا ونظرى ومش ممكن حد يعمله والى هيحاول يعمله هيلاقى مديره واقف له بالشومة يكسر رجله
ومش بعيد يكسر راسه كمان

اولا لو انك فعلا مش بتحب النجاح كنت لم تدخل الى هذا الموضوع لكن دخولك معناه انك محب للنجاح

ثانيا: متابعتك بالرد معناه اهتمامك وانك مش كسلان

ثالثا وهو الأهم .. دى عادات لو كل واحد فهمها وحاول يغرسها فى نفسه ويتعود عليها سوف تجعل أدائه يتحسن وبالتالى نتائج عمله تتحسن فى عمله وفى حياته ومع بيته واولاده كمان

حتى لو مديرك او رئيسك غير مؤمن بالنجاح .. التحسين سوف يكون فى داخلك انت وانت المستفيد .. مديرك لن يدوم .. وقد يتغير او تتغير نظرته للحياة
او قد يرى ميرين غيره نتيجة نجاحك فينصفوك
او قد يتغير مكان عملك انت وبالتالى تكون مع مدير جديد .. ووقتها ان كنت ناجحا سيرحب بك ويهتم بك وتنجح اكثر واكثر

وبكل تأكيد سيرى الله عز وجل عملك ويعاونك على التغيير فان الله عز وجل لا يضيع اجر من أحسن عملا
نصيحتى ان تتابع الموضوع معنا وحاول تفه منه بعض النقاط الممكنة التغيير فى شخصيتك انت ,, فى داخلك انت .. فانت المستفيد من النجاح ومن اكتسابك لصفات طيبة يتمنى كل انسان انه تكون فى داخله

معلش انا كنت امس فى جراحة .. وباذن الله .. عندما ارتاح سوف اواصل العادة الثانية ان كان فى العمر بقية
وباذن الله أتمنى يكون الموضوع مفيد
شكرا جزيلا لك ولكل من يتابع الموضوع