عضو جديد بنادي 6 أكتوبر

[محمد كمال]

اشكرك يا استاذ / صبري

على ترحيبك بي كعضو جديد في النادي

وان شاء الله يسعدنا التعرف على حضرتك

ونتمنى للنادي وللمدينة بشكل عام مزيد من التطور والرقي

[محمد كمال]

الموضوع يحتاج الى دعوى امام مجلس الدولة

[eng_elm]

الساده الاعضاء الافاضل كنت عاوز اعرف اشتراك النادي كام و ايه شروطه ؟؟؟؟؟؟؟؟؟؟؟؟؟؟؟

[وليد عبد الحميد]

اشتراك النادي الان ب 45000 جنيه للمؤهل العالي و سوف يكون 60000 العام القادم
و مفيش شروط على ما اعتقد
حضرتك بتشتري استمارة و تملاها و تدفع يا باشا
و فيه تقسيط لو تحب

[بسكوتة بالعسل]

السلام عليكم و رحمة الله
انا عضوة جديدة في النادي من شهر يناير تقريبا
النادي ظريف مش وحش علما باني مشتركة في نادي الزمالك و بالمقارنة فنادي 6 اكتوبر يعتبر جيد جدا
يمكن عشان انا جديدة أكون مش فاهمة حاجة ؟؟؟؟
بس انا حاسة انك يا استاذ وليد متحامل شوية ع النادي
انا و جوزي بندخل النادي بعربيتنا الفخمة و محدش بيفتح الباب على مصراعيه زي ما قلت بالعكس
لازم نستنى لما نطلع الكارنيه كمان اولادي 5 و7 سنين بيسألوا عن كارنيهتهم
و خاصة لما بندخل البسين
الامن في كل مكان في النادي و ده بيخليني مطمنة على ولادي مش عشان خايفة يتوهوا ولا حاجة لا عشان امانهم الشخصي
ولادي مشتركين في السباحة و الكباتن معاهم كويسيين و بيراعوا ربنا في التدريب
يعني انا حاسة اني مش عايزة حاجة اكتر من مكان نضيف و كويس ولادي يقدروا يلعبوا فيه فالبتالي شايفة انه كويس
الحاجة اللي مضيقاني شوية انه فيه مستويات تحت الطبقة المتوسطة بلاقيهم هناك فالبتالي باقول يا ريتني
كنت اشتركت في نادي دريم أحسن لأنه تقريبا بنفس السعر بس لما رحت دريم حسيت ان الناس متكلفة زيادة عن اللزوم
لدرجة انها هتفرقع من كتر التكلف و انا مش عاوزة ولادي يحتكوا بالمستوى ده
و اخيراانا حاسة ان النادي ظريف لاني عارفة انا عايزة ايه من النادي و بالتالي باحصل عليه
اما الحفلات -( فالحمد لله _شفينا من هذا المرض ) -و الجوايز و الذي منه فمش بيهموني في شئ