ابني بيستهبل على فكره

[lionking]

على فكره موضوعك مهم جدا وناس كتير بتعانى من الاولاد فى سن اللى مابين 12 ولحد 15

بيبقوا صعب اوى فى تفكيرهم و تصميمهم على اللى فى دماغهم

اقترح تسايريه طبعا فى حدود الممكن والمتاح مع التنبيه ان ليس فى الامكان ابدع مما كان وان فى حاجات ينفع تتنفذ وحاجات لا

ربنا يخليه لك الاخت ليو ن و تشوفيه زى ما بتتمنيه

كلامك صح يا قمورة السن ده اوووووووووووووف متعب جداااا

ربنا معايا ومع الناس كلها اللى عندهم العيال العصبية دول

ويرزق خلود بالولد بأه

[مصطفى مامون]

ليون الواد ده انا عندى الحل بتاعه
اولا تعملى انك اتسرق منك حاجه من البيت مثلا البوك بتاعك وانتى راجعه من السوق وشايله الاوطه على دماغك وتتهميه فى السرقه دى كده وكده وتروحى عملاله محضر فى القسم يجى الظابط ياخده بس تكونى متفقه مع الظابط انها لعبه وياخده على البوكس وهو طالع البوكس لازم زمايله فى الشارع يشوفوه بس ما تفهمهمش انه عمل حاجه مع الصويت اللى هتعمليه وهو طالع وفى اللحظه المناسبه تنقضى على الظابط وتترجيه انه يسيبه ساعتها الولد هيحس انه غلط ومش هيتشاقى تانى ايه ركيك فى النصيحه

[nogafoda]

مين الي بيقول عايز الواد العصبي ده
طيب يجرب وييجي ياخد الثلاثه ولو حد قاله لا يبقي يعمل الي هو عايزه
انا خلاص تعبت وجالي ضغط وقاولون
وعلي فكره ولادي سنهم لسه صغير 2و7و9
مش عارفه لما يوصلو 15 هاعمل ايه
ده طبعا لو انا كنت لسه موجوده