نصيحه

[مجاهد الشاذلى]

خالأخ عادل مشكووووووووووووور ويسعدنى أن أقدم لك المقالة بجريدة الجمهورية بتاريخ 12/6/2010 يمكن تغير رأيك وهى على الرابط التالى
http://www.algomhuria.net.eg/algomhuria/today/fpage/detail07.asp
وعلشان ماتتعبشى نفسك وتدور عليها أهى ياسيدى :

شباب "ابني بيتك" ينحتون الصخر .. و"التعثر" يغتال أحلامهم

رئيس جهاز 6 أكتوبر: 13 ألف مستفيد يصرفون دعم الدولة خلال أيام .. والمرافق في كل المناطق نهاية العام

كتب أحمد رمضان:
بعد رحلة طويلة من المعاناة والعذاب والنحت في صخر صحراء مدينة 6 أكتوبر .. وبعد ان تعرض بعضهم إلي النصب والاستغلال من المقاولين .. وذاق غالبيتهم الأمرين في بناء منازلهم في ظل ارتفاع تكاليف واسعار مواد البناء .. عادت المخاوف والمشاكل من جديد لتطحن مستفيدي مشروع "ابني بيتك" رغم انه أحد الانجازات الكبري للبرنامج الانتخابي للرئيس مبارك.
فبعد أكثر من عامين منذ بدء المشروع وبصفة خاصة في قلب صحراء أكتوبر اشتدت معاناة محدوديپالدخل الذين يبنون مساكنهم في أصعب الظروف بسبب ارتفاع أسعار مواد البناء وعراقيل هيئة المجتمعات العمرانية التي قررت أخيراًپزيادة رسوم التراخيص لترتفع إلي أكثر من 1200 جنيه بدلاً من 360 جنيهاًپ.. بالإضافة إلي ندرة المياه وشرائها بأسعار مبالغ فيها .. وتأخر صرف الدعم للمستحقين.
ومن أهم المشكلات غياب المرافق والخدمات وفرض الأعراب والبدو الاتاوات علي المستفيدين .. والأخطر انتشار السرقات لتصبح ظاهرة خاصة في مناطق 1و2و3 التي انتهي معظم المستفيدين فيها من البناء.. وهي المشكلة التي يؤكد أشرف مصطفي صاحب المنزل رقم 14 د بالمنطقة الثالثة أنها أصبحت ظاهرة تؤرق الجميع.
نفس المشكلة يثيرها يوسف زهير "مقاول محارة" سرق منه العروق والألواح الخشبية وهي بمثابة رأس ماله الذيپيعمل به ويفتح بتشغيلها أبواب الرزق لأكثر من 12 عاملاً يعملون معه .. ويطالب بتكثيف الحملات والدوريات الأمنية في المنطقة الثانية في القطاع "ب".
ويواجه كثير من المستفيدين مشكلة خطيرة تهدد بضياع حلمهم الذي تكبدوا من أجله كل غال ونفيس .. وهي كارثة سحب الأراضي وإلغاء التراخيص للذين تعثروا ولم يكملوا البناء في المواعيد المحددة. يقول حسام حسن أحد مستفيدي المنطقة السادسة: تخيلوا انسان استدان وباع ما وراءه لكي يحقق حلم حياته في بناء مسكن لأسرته ولأنه لم يستكمل أعمال التشطيبات الخارجية "محارة ودهان" تسحب الحكومة الارض وما عليها .
حملنا كل هذه المشكلات وهموم محدودي الدخول من مستفيدي ابني بيتك للمهندس محمد نبيه رئيس جهاز مدينة 6 أكتوبر .. وفي البداية أكد ان سحب الأرض سيكون في حالة انتهاء المهلة المحددة للبناء ممن لم يثبت جدية في البناء وليس كما يتخوف البعض ممن تعثروا في التشطيبات الخارجية .. وبمعني صريح سيتم سحب الأرض ممن يقومون بتسقيع الأراضي بهدف المتاجرة فيها.
أما بالنسبة لمشكلة تأخر الدعم فيقول المهندس نبيه بأنه تم التغلب عليها بزيادة عدد لجان المعاينات .. وخلال أيام قليلة سيتم صرف الدعم لما يقرب من 13 ألف مستفيد. ويؤكد رئيس الجهاز فيما يتعلق بالمرافق انه مع نهاية هذا الشهر ستكون شبكات مياه الشرب والصرف الصحي قد وصلت إلي منطقة ابني بيتك بحي حدائق أكتوبر وتوصيلها إلي منازل المستفيدين .. وانه مع نهاية العام ستصل المرافق إلي كل مناطق المشروع في الوقت الذي بدأت فيه بالفعل أعمال رصف الطرق بالمنطقة الثانية وتم اسناد أعمال الطرق الرئيسية لشركات كبري لسرعة الانجاز. يضيف انه يجريپحالياً تنفيذ محطة مياه عملاقة لتغذية المدينة بمليون و600 ألف متر مكعب وإنشاء محطتي معالجة لمياه الصرف .. باختصار كما يقول المهندس محمد نبيه ان المدينة تنفذ خطة قيمتها 5.2 مليار جنيه في السنة وقد تزيد هذا العام

ولعل وعسى تعرف ايه هو مشروع ابنى بيتك أو بمعنى آخر المنحة الحكومية وهى من امته الحكومة بتدى المواطن شىء كويس
ولازلت أقول ان العملية كلها عرض وطلب وأرجو ال تزعل من كلامى . ولك منى الشكر والتقدير مجاهد الشاذلى

[علاء عثمان عقل]

يا أخ/ مجاهد
لن يفهم من مشاركتك إلا إنك سمسار
كل همه إن اسعار البيع في ابني بيتك تبقي برخص التراب
حتي لو كنت مشتري زي ماقلت ليه في أحد المشاركات
فده معناه إنك بتخدم علي مصلحتك علشان تفضل الاسعار رخيصة

ما نشر في الجريد يا استاذنا
ليس له إي علاقة بسعر المتر العادل في مشروع ابني بيتك

ومحاولتك دي لن تجدي مع المستفيدين المضطرين للبيع

لإن الظروف اتغيرت دلوقتي ولاحظ كان السعر من سنتين كام
ودلوقتي بقي كام
وشوف بكرة إن شاء الله هيكون كام
عارف إن شاء يبقي سعر المتر في ابني بيتك زي باقي اراضي مدينة 6 اكتوبر
يعني احنا مش عايزين إلا السعر العادل في المدينة دون أن يبخسنا احد
وطبعا كلامي عن السماسرة اللي حددوا سعر القطعة من بداية المشروع حسب هواهم وتحكمهم في السوق
لكن الامر اختلف دلوقتي وبدء الاخوة المستفدين يعرفوا قيمة ما يمتلكوا ومعظمهم لن يفرط في الغالي بالرخيص

[mmhossny]

السلام عليكم
ياستاذ علاء ... ياريت متعبش نفسك مع حد .. الكل فى المركب لكن اهم حاجة فى اللى اتنشر على لسان السيد رئيس الجهاز وياريت بجد الجمعية اللى بتتكلم باسمنا تدعمة ومع كل المستفدين هو :
وفي البداية أكد ان سحب الأرض سيكون في حالة انتهاء المهلة المحددة للبناء ممن لم يثبت جدية في البناء وليس كما يتخوف البعض ممن تعثروا في التشطيبات الخارجية .. وبمعني صريح سيتم سحب الأرض ممن يقومون بتسقيع الأراضي بهدف المتاجرة فيها.
بس وبكدا يبقى السعر ارتفع بقوة فى ارض لاننا مش داخلين المشروع للمتاجرة والنية لله وايضا صرفنا كل اللى معنا يبقى مش مضطرين للمناهدة مع احد .. وافتكر ان انا وانت اتناقشنا فى الكلام دا ... وعلى فكرة الناس كلها عينها على كل اللى استلمو لانهم ببساطة من الناس اللى بتصتنصح لما تشوف الغير بيعمل ايه المشروع احلو فى عينهم وعلشان كدا مستكترين علينا .... على مااعتقد كدا ومش فاكر بصراحة قصة زمان كان الثعلب مش عارف ياكل العنب من على الشجر وكل ماتسقط عنبة يجرى وياكلها ولما بعض الحيونات قالت انت واقف كدا ليه علشان العنب قال لا دا عنب حصروم .... ومعذرة على انى لم اعرف معنى حصروم بالضبط لكن فيما معناه انه عنب بايظ او شديد الملوحة او مالوش طعم
هم دول الناس اللى زى الثعلب
وشكرا

[مجاهد الشاذلى]

الأخ الفاضل / الأستاذ علاء
تحية طيبة وبعد
أشكر حضرتك على الرد وعلى فكرة أنا مش زعلان من اتهامك لى بأننى سمسار وكل همى ان الأراضى تكون بسعر التراب وعلى فكرة بالرغم
من انى أكدت لك انى مش سمسار وأننى معلم رياضيات الا ان مهنة السمسرة ليست بالعيب ولا الحرام واحترامى وتقديرى لجميع المهن

الحرة المحترمة الشريفة ( مع انى مش سمسار ) وعلى فكرة أنا لست أول من تتهمه سيادتك بالسمسرة والوقوف أمام مصلحة الناس ويبدو أن كل من يعرض سيادتك فى الرأى تتهمه بذلك ولنكن واقعيين وننزل الى أرض الواقع :

• أرض مشروع ابنى بيتك هى منحة حكومية لكل من لايمتلك مسكن وكلنا نعرف أنها جاءت فى فترة انتخابات الرئاسة الماضية وظروفها اللى كلنا عارفينها ومن ضمن الشروط ألا يتم بيعها للغير أو التنازل عنها وفى حالة عدم استكمال مراحل البناء كما هو فى العقد المتفق عليه يتم سحب الآرض .
• الأرض فعلا فى قلب صحراء أكتوبر ولايوجد بها أية مرافق أو مواصلات ويمكن المشترى لايعرف مكان أرضه الا بالخريطة الخاصة بالمنطقة .
• فكرة المترو هى فكرة وهمية لاأساس لها من الصحة حتى الآن وقد تكون حقيقة وقد تكون أشاعة ولكن لم نقرأ عنها حتى تاريخة .
• من المؤكد أنه سوف تجدد فكرة مشروع ابنى بيتك 2 مع قرب انتخابات الرئاسة ومع التغيير المتوقع حدوثه والذى يعرفه الجميع أن تتضاعف كمية الأراضى وأن يستفيد منها كل من سيتقدم لها وفى هذه الحالة لن تجد أى مشترى لقطعتين الأرض بتوعك اللى عامل قلق فى المنتدى بسببهم.
• لو سيادتك بتدخل على جروب ابنى بيتك على الياهو حتعرف ماذا يقال عن هذا المشروع ومن ضمن الأقاويل أنها عشوائيات .
• حيث أن الأراضى لاتخضع لجمعية اسكان تابعة لنقابة معينة ومهنة معينة فسوف تجد في أرض الواقع اختلاف فى الأذواق والمهن والبيئات الاجتماعية وقد تصل الى حد أن تكون شبيهة بالمناطق العشوائية .
• فيه اعلانات كثيرة جدا على المنتدى وقطع أسعارها بين 25000 و 30000 ولم تعلق عليها وتنصح أصحابها ولآأجد نصائحك الا للأسعار العالية جدا ياترى ايه السبب .

أ رجو من سيادتك ألا تزعل من كلامى فاختلاف الرأى لايفسد للود قضية ومن الواضح أن سيادتك ذو أخلاق عالية ولكن الديمقراطية ماهى الا الرأى والرأى الآخر فى حدود الأدب والاتزام الأخلاقى وهم موجودين بالفعل عند سيادتك .

أما بخصوصى أنا فقد أرشدنى أحد الأخوة الى جمعية اسكان المعلمين وهى قريبة جدا من مشروع ابنى بيتك ومخصصة للمعلمين فقط وسعر المتر بها معقول جدا فى حدود 250 جنيها ونسأل الله التوفيق.
أما بخصوص الأ خ mmhosni فأسلوبة غير لائق وأفضل عدم الرد عليه ولعل ماسبق يكون فيه الاجابة .
ماعلش ياأخ علاء أنا بحب أناغشك مع انى لاأعرفك شخصيا ولكن يبدو أن ربك بيحبك لأنه بيحبب فيك الناس والله الموفق

[mmhossny]

انا بعتذر اذا كان فى اسلوبى ضايق حضرتك .. لكن انا مش فاهم انت زعلان من ايه بالضبط ... لكن احب ان استفسر من حضرتك على بعض النقاط يااستاذ مجاهد ..
قبل اى شئ أرجو من سيادتك ألا تزعل من كلامى فاختلاف الرأى لايفسد للود قضية ومن الواضح أن سيادتك ذو أخلاق عالية ولكن الديمقراطية ماهى الا الرأى والرأى الآخر فى حدود الأدب والاتزام الأخلاقى وهم موجودين بالفعل عند سيادتك ... وهذا كلام حضرتك وانا معاك
اولا: احب اوضح لحضرتك ان فكرة المنحة الحكومية كانت قبل الانتخابات مع انا على يقين انها مرتبطة بها ومع حضرتك ... ولكن جاءت قبل الانتخابات بعدة اشهر وفى اعلان متوسط وليس كما فى وقت الانتخابات صفحات وصفحات ... وكانت محددة بـ 20 الف قطعة فقط ... ولكن اثناء والا بعد الانتخابات اعلن ان كل واحد يستحق ياخذ وقد كان .. يعنى مش منظرة اعلامية والا حاجة لان الرئيس مش محتاج وحضرتك عارف طبعا ...

س : حضرتك حكمت ليه انها منظرة اعلامية او شو دعائى ؟

ثانيا: كل اللى قدم فى المشروع كان عارف انها هتكون فى الصحراء لان لو كنت حضرتك متابع قبل كدا ذلك وعايش فى هذه البلد كنت اكيد هتعرف ان الزحمة كتير فى كل المدن وخصوصا فى القاهرة وان اى توسعات لاستعاب السكان فى العالم تتم رأسى او عرضي .. رأسي اى زيادة تعلية مبانى وعالية اكثر مما كانت علية او عرضي من خلال استغلال المساحات الاراضي الواسعة اذا كانت موجودة .... بالتالى مش غريبة شوية ان حضرتك تقول انها فى قلب الصحراء لان حضرتك عارف ان مفيش متر واحد فاضي ولو لقيت مش هيكون معاك ثمن هذا المتر لان اكيد صاحب المتر هيطلب كام تفتكر بما ان حضرتك عارف ان المشروع لمحدودى الدخل والا ايه ، وافتكر رد رئيس الجهاز اللى هو نابع من فكر الحكومة موجود فى المقال ياريت تقرا وعلشان ماتتعبشى نفسك وتدور عليها أهى ياسيدى

حملنا كل هذه المشكلات وهموم محدودي الدخول من مستفيدي ابني بيتك للمهندس محمد نبيه رئيس جهاز مدينة 6 أكتوبر .. وفي البداية أكد ان سحب الأرض سيكون في حالة انتهاء المهلة المحددة للبناء ممن لم يثبت جدية في البناء وليس كما يتخوف البعض ممن تعثروا في التشطيبات الخارجية .. وبمعني صريح سيتم سحب الأرض ممن يقومون بتسقيع الأراضي بهدف المتاجرة فيها.

واحب افكر حضرتك ان 6 اكتوبر كلها كانت صحراء اى لامرافق والا موصلات ولا كات على الخريطة على ما اعتقد ، لكن دولقتى فى مناطق بها موصلات ومرافق

س: حضرتك قدمت فى المشروع وكنت متوقع هيطلع نصيب حضرتك هيكون اين ؟
لو كنت اصلا قدمت ارجو الاجابة ... انما لو مقدمتش وعاوز تشترى ارجو ايضا الاجابة ... وعلى فكرة السئول دا اختاري

ثالثا : فكرة المترو ليس وهمية لان مقترحة من عام 2002 والمشروع يضم ربط المدن الصناعية الجديدة بعضها ببعض وربنا يعطيك ويعطينا العمر من المقرر الانتهاء من المشروع عام 2025 والبدء حسب خطة موضوعة واسئل عليها فى وزارة التخطيط وبالتالى هناك اولوية فى عمليات البدء والانتهاء وطبعا حضرتك سامع عن مترو المطار اللى بدايتة من امبابة هتقول مطار ايه دا اخرة العباسية اقول لحضرتك لا ... لانها مراحل وبالتالى يبدا فى المناطق المزدحمة لتحريك ازمة الموصلات وبالتالى مرحلة اخرى

س : ما مصدر حضرتك لاصدار حكمك على انه مشروع مترو وهمى ؟ وما مدى شكوك حضرتك فى تنفيذ هذا المشروع ؟

رابعا : مشروع ابنى بيتك 2 احتمال ان يتم وذلك مش علشان انتخابات لا علشان التوسعات اللى قولت لحضرتك عليهم وحتى لو كانت انتخابات ما فائدة للكل اى لابناء حضرتك وابناء اخواتك وابناء جارك ... وابقى حضرتك تشوف كام مواطن هيتقدم للمشروع رغم الصعوبات والاهوال اللى الناس عاشوها وكل ما كتب عن المشروع ، ابقى شوف حضرتك سعر المتر هيبقى بكام فى عشوائيات ابنى بيتك اللى احنا فيه ... ولا تعليق على رد حضرتك للاستاذ علاء بقول سيادتك له

وفى هذه الحالة لن تجد أى مشترى لقطعتين الأرض بتوعك اللى عامل قلق فى المنتدى بسببهم.

الرد للاستاذ علاء اذا كان عاوز يرد ....
ياسيد/ مجاهد حضرتك المعطيات بتعطى براهين
واسف جدا على الاطالة وعلى اسلوبى اذا كان غير لائق فى الحوار .... مع انى كنت افضل عدم الرد
وشكرا