مأساة جيل....!

[lionking]

السلام عليكم

معلش انا عندى استفسار بسيييييييييط

نحاول نصلح ايه ومين؟؟؟؟

هل ينفع نصلح الجيل الحالى اللى فى الجامعات يعنى ( اللى بيعتبرونا سورى جيل متخلف ومش فاهم حاجة) ولا نصلح الجيل القادم؟


انا اعتقد ان المشكلة فى الاجيال اللى جاية ولادى وولادكم

انا لما بنتى (10 سنوات) بتعدى من ادام الجامعة وبتتفرج ع المناظر بترجع تسالنى مليووووووون سؤال

وبقت فكرة الجامعة عندها اننا هنخرج ونتمشى مع الشباب ونطلع رحلات وهبل وعبط من النوع ده

وطبعا انا مش عايزة اوضح هيا بتشوف ايه عندنا هنا فى اكتوبر ومش بس الاطفال احنا كمان بنشوف البلاوى دى


تفتكر يا استاذ \\ جمال

من هو الجيل المعنى بالاصلاح

الكبار اللى فى الجامعة؟ ولا اللى لسة بتتشكل افكارهم ومفاهيمهم؟

[fagrmasr01]

معك حق ان تستنكرى ما يحدث ..
وكلنا له مستنكرون
ولكن
هل الاستنكار داخل نفوسنا يفيد
ام انه واجب على كل منا فى حدود مقدرته
ان يحاول الاصلاح
لست مصلحاً ولو انه شرف لى ان احاول
فى حدود استطاعتى
لكن رأيى
انه
بدلاً من أن نلعن الظلام
حاول ان تضئ شمعة
قد لا تكون إضاءة الشمعة كافية لتنير الطريق
ولكنها أفضل من الظلام الدامس
انا شخصياً.. وهذه قناعتى الشخصية ..
أرى اننا يمكننا الاصلاح ولو بالقدر اليسير
أحيانا أذهب الى اى مدرسة من مدارس قريتنا
وأطلب الكلمة فى طابور الصباح
بصفتى من المعروف عنهم اهتمامهم بالتعليم
كمتطوع - وأتمنى على الله ان يكون تطوعى خالصاً لوجهه الكريم
ومن خلال مجهودات بسيطة
ومن بين مسابقات صغيرة ..
ومن خلال مشاركتهم فى حملة نظافة
أعتقد اننى ..
وغيرى كثيرين كلهم أفضل منى بمراحل
يمكننا ان نحاول الاصلاح
ليس مطلوباً من أحدنا اصلاح الكون كله ولكن
على كل منا ان يحاول قدر جهده
ويطلب من االله التوفيق
واجه المخطئ بالنصيحة الحانية
وليس بالشدة ..
حتى لو كنت غضباناً من حجم الخطأ
واجه المقصرين بالارشاد الهادئ وبمحاولة الإقناع ..
حتى لو كان تقصيره تجاهك انت شخصيا
اظهر لهم القدوة الحسنة والمثل الصادق
لست حالماً .. فتلك نصائح حبيبى سيدنا رسول الله صلوات الله وسلامه عليه وعلى آله وصحبه والتابعين
وهو الحبيب الداعى الى مكارم الاخلاق - صلوات الله وسلامه عليه - هو من خاطبه ربه فى محكم التنزيل (( وادع الى سبيل ربك بالحكمة والموعظة الحسنة )) صدق الله العظيم
ووجهه ربه جل وعلا (( ولو كنت فظاً غليظ القلب لأنفضوا من حولك)) صدق الله العظيم

واؤكد اننى هنا لست متحفزاً لرأيى .. ولا متباهياً بما أفعل - فأنا أعلم انه قليل جدا
ولكننى أسوق بعض ما قد يشجع غيرى الى تكرار المحاولة .. وقد يزيد
لا يكفى ان نلعن عيوب هذا الجيل ..
فلكل جيل عيوبه
وواجبنا محاولة الاصلاح بلا ملل
والله من وراء القصد
اخوكم جمال

[lionking]

السلام عليكم الاستاذ الفاضل \ جمال

سيدى الفاضل انا لا استنكر ما اراه بل اشعر بالعجز الشديد ازاء هذا الجيل

وقد حاولت مرارا وتكرارا ولكن لا اجد سوى الردود الباردة الجافة وساضرب لك مثلا ::::

فانا اسكن امام احدى جامعات اكتوبر واجد الشباب والبنات يجلسون فى مدخل العمارة التى اسكنها

ويتبادلون الضحكات والقهقهات بصوت عالى جداااا والاكل طبعا وترك بقايا الاكل على المدخل


وقفت فى مرة من المرات وتحدثت مع (انسة)يعنى اد ولادى عنها 18 سنة يعنى اكبر من بنتى بــــــ 8 سنوات بس

قلتلها بالنص

لو سمحتى يا حبيبتى بعد ما تخلصوا اكل ابقوا شيلوا الحاجة متسيبوهاش كده عشان بس المدخل والذباب اوكى يا حبيبتى

كان ردها فى منتهى قلة الادب

ده الرد بتاعها بالنص

(هو انا هنضفلكم العمارة ولا ايه) وللعلم كان معاها شاب وللاسف هو اتكسف من طريقة ردها وقالى حاضر يا مدام حضرتك بتتكلمى صح


ايه رايك بقى وطبعا ده مش الموقف الوحيد اللى حصل

بس فعلا الجيل ده مش بيحترم الاكبر منه ومع ذلك انا لا اياس وساظل احاول يمكن تحصل المعجزة

بس انا بشوف ان الاصغر هما الاولى بكل شىء هما اللى لسة بيتشكلوا

وطبعا وجهة نظرك تحترم جدااا وياريت كلنا نعمل زى ما حضرتك بتعمل

وجزاك الله خيراااااا ويارب يجعله فى ميزان حسناتك

[fagrmasr01]

مع حضرتك حق فى الاحباط .. وكلنا نعانى من هذا الاحباط
ولكن
انا أشعر من داخل نفسى انها مسئوليتنا جميعاً أن نستمر فى محاولات الاصلاح
وكثيرا ما تقابلنى هذه النوعيات خصوصا فى المدارس الثانوى بحكم انى متطوع فى خدمة التعليم الى بيسموها مجالس الأمناء ولجان تطوير التعليم ( تطوعاً وليس وظيفة )
وأقابل من الشباب نماذج بائسة يائسة كثيرا
ولكن يشهد الله ان كثيرين منهم يتم تغيير سلوكياتهم بالنصيحة
ومنهم طبعا من لا يستجيب
شكرا لتواصل حضرتك وردودك الصادقة
وأملى ان نستمر جميعاً فى ماوىت الاصلاح
على الأقل نبقى عملنا الى علينا أمام الله ورسوله
والله ولى التوفيق والإصلاح وهو عز وجل القادر عليه سبحانه

[صلاح الشريف]

دي مئسات الجيل
كلة