إستشارة هااااااامة للغاية ومصيرية من فضل السادة المحامين هنا

[sasa toto]

سيدتى الفاضلة انا تحت امرك فى اى وقت وتليفونى مذكور سابقا واسمى عصمت واتمنى من الله ان اكون قد ساعدت بما يكون فيه الخير لكى وانافى انتظار تواصلك للرد على اى استفسار تريدى معرفته لانى رايت امام عينى بيع قطعة بمساحة حوالى 2 فدان لنادى قضاة دسوق والله يوفقك

[نور الجنان]

2 فدان لنادي قضاة دسوق فين بالظبط ياريت يا استاذ عصمت ربنا يوفقك يارب تحدد لي المنطقة بالظبط يعني هل هي المنطقة الي على المحور من ناحية اليمين من اسلاك الضغط العالي واللا المنطقة اللي خلف دريم لاند مباشرة في ظهرها خلف منطقة الجولف ؟؟

وانا باسألك لأن نادي قضاة دسوق اخد خلف دريم مباشرة اول قطع له ودي اللي من 2001 لكنه توسع واخد في المنطقة اللي على اليسار من اسلاك الضغط واللي جيرية شوية ودي جزء جديد مضاف لقطعهم .
لكن اللي اعرفه ورحت شفته بنفسي واللي خللاني مستغربة وقلقانة بعد كلام حضرتك ان المنطقة اللي قطعتي داخلها وهي الاولى خلف دريم مباشرة مبني حولها سور يحدد القطعة وهناك لوحات باسمائنا جميعا اصحابالقطع وبندفع رسوم حراسة على المنطقة حاليا ...

فهل كلامك ده عن بيع 2 فدان حديث وتم هذه الفترة خلال هذا العام يعني واللا ايه ؟؟
وانا بقول لحضرتك كده لأني مسافرة خارج مصر حاليا ومش عارفة ايه اللي بيحصل غير ماذكرته للاخ كمال ؟؟؟
فياريت توضح لي أكتر ... لاني سألتهم تاني في مقرهم الجديد نائب رئيس النادي واكد لي اننا بعيد عن القلق اللي حدث بخصوص ارض قضاة اسكندرية وقضاة 6 اكتوبر ؟؟؟
وانه قام احد المهندسين من كام اسبوع بأخذ خرائط القطع لمكتب هندسب لاعتمادها في الحي فهل هذا فعلا يحدث ام انهم يلعبون بنا ؟؟؟

ياريت حضرتك ترد علي ضرووووووووووري لاني قلقانة جدا لأنها كل ما املك والله يا استاذ عصمت .
وانا اتصلت على رقم حضرتك لكن بيعطيني مغلق دايما مش عارفة ليه ؟؟

انتظر ردك ضرووووري

[sasa toto]

لو حضرتك ركزتى فى رد الاول الى فيه الوصف بان الارض اتجاه الحاجر القبلى رقم 1 والحاجر ده يعن المحجر الموجود بالمنطقة الجيرية خلف دريم لاند و2فدان المباعة لنادى قضاه دسوق الكلام ده كان تحديدا فى شهر 5/2008 بموجب توكيلات محررة بنفس اليوم من البائع الذى يحمل اخر عقد مسجل من سنة 1998 وباع بتوكيل لسيدة وهى الوسيطةالتى قامت وبنفس اليوم وبنفس الشهر العقارى بالبيع لنادى قضاة دسوق وبسعر اعلى من ما دفعته بنسبة 120%تقريبا والمنطقة دى لغاية تاريخ البيع كانت تتبع منطقة كفر غطاطى محافظة الجيزة ولكنى لا ادرى ماذا تم بعد انشاء محافظة 6 اكتوبر وبالنسبة للتقسيم والاسوار والحراسة فكل هذا نظام داخلى بالنادى لوضع يده ولكن المساحة الكلية لحد تاريخه مشاعا بهيئة المساحة وعلى ما اعتقد ان التسجيل مازال واقف بقرار المحافظ لان لو كان الغى كان النادى سجل بموجب التوكيلات الى باسمه اما عن موضوع الصحة والنفاذ فا من باب اولى على نادى قضاة رفع دعوى اما مجلس الدولة لالغاء قرار المحافظ بوقف التسجيل لان دا قرار ادارى وحكومى وبعد الغائه يقوم بالتسجيل لانه على ما اعتقد انه حتى لو صدر حكم بالصحة والنفاذ هيروح يسجل هيلاقى قرار وقف التسجيل معترض له وللمرة الثانية باكد على ان المنطقة كلها تتعدى 2000 فدان وكلها مشاعا وهى تبداء من على طريق مصر الاسكندرية الصحراوى وتحديدا من خلف خان العزيزية وحتى خلف دريم لاند وقرية صن سيت وعلى امتداد الطريق الدائرى حتى طريق الوحات او طريق اكتوبر القديم الذى تقع عليه دريم لاند وعلى الله ان اكون قد افات حضرتك لوجه الله بما تريدى معرفته لحل مشكلتك وانا انصحك لوجه الله لو بامكانك ترجيع هذه الارض ة و استلام اموالك التى دفعت فيها لو حتى بخسارة شرط جزائى و البعد عن اى حاجة فيها مشاكل لو حتى بنسبة 10% لراحة البال وهذا افضل من بيعها لان الى حصل معاكى هيحصل مع الى هيشترى وهتمشى الحالة على كدة لاجلا غير مسمى ومعروف والله الموفق وتعودى الى ارض وطنك مصر بالف مليون سلامة