ياريت كل مستفيدى المنطقه الرابعه مرحله السادسه يخش ونتعرف ونتفق هنعمل ايه

**aymaym** · 19-10-2009, 11:32 PM

اعزائى
انا كنت امبارح ف الجهاز قدمت على الرخصه
انا عارف انى متاخر بس ياريت كلكم تكونوا خلصتوا
قابلت برده المهندس احمد مختار ورحنا المنطفه الرابعه بتاعتنا وبصراحه انا فوجئت شغل ومبانى ماشاء الله متعرفش المنطقه كله دب فيه الروح والشوارع والتقسيمات بدات تظهر
وشوفت ناس بنوا 3 ادوار
بقول كده عشان دى حاجه تفرح وتشجع وتخلى اللى لسه كسلان يشد حيله
قلت اطمنكم
وبالتوفيق

**أبو على المصرى** · 20-10-2009, 09:29 PM

السلام عليكم
شكر خاص الى صاحب هذة المبادرة
اخوكم ابو على منطقة 4 قطاع ج القطعة رقم 396
لقد انتهية المرحلة الاولى
و سلمة الجهاز و الحمد لله
اى استفسار من الجيران الاعزاء انا جاهذ للرد
0114333822
[email protected]

**aymaym** · 21-10-2009, 11:27 PM

الف مبروك ياابو على
لو سمحت اكتب عدة نقاط عن المشاكل وازاى واجهتها وتابعت البناء بنفسك ولا لا والجهاز لما استلم عمل ايه
واخر حاجه التكلفه كام
مستنيين الرد

**أبو على المصرى** · 22-10-2009, 09:05 PM

السلام عليكم و رحمة الله و بركاتة
هخش فى الموضوع على طول
المشاكل
1 - الحفر و ضياع النقاط
2 - مخلفات الحفر التى تلقى فى الشارع
3 - الاستقرار على مقاول
4 - ارتفاع اسعار الاسمنت وقت البناء
*اما مواجهة المشكلات هو وجودى فى جميع المراحل العمل فى البناء
*تابعت البناء بنفسى
*بعد استلام الجهاز و كان الحمد لله اسهل من ما كنت اتخيل انتظرت الدعم
و عند وقت استلام الدعم اكتشفت ان عندى مخالفة حفر و ان الدعم موقوف
ولازم ادفع 500 جنية اما اعمل مصالحة مع شركة النصر بتاعة المرافق
رحت الشركة اتصالح قالو ان لا توجد مصالحة الان اللى بعد انتهاء البناء
و هدفع المخالفة و خدو بالكم ان دفع المخالفة من الساعة 8.30 :1
* التكلفة الى الاعمدة و طوب قسط الردم و الردم و ماسورة الصرف الداخلية
و الاكرميات و المياة و مصاريف الذهاب الى الارض حوالى 40000 حنية