مدارس 6 اكتوبر

[lolototy]

ياريت ياسلمى تفدينا اكتر يعنى اية تجريبى مميز انا اول مرة اسمع عن كدة مدرسة ويترى دى فين علشان نعرفها ونسأل عليا ويترى دى مصارفها اد اية انا اعرف المدارس الدولية غالية جدا مصارفها فوق ال 10000 الاف وتاخد من سن كام وازى سوف نقدم للاولاد بداية الدراسة وهل فيها بيبى كلاس ولا لا لان القومية هتفتح الفصل دا السنة الجاية ارجو الرد وافدكم اللة وجزاكم خير على التعاون الجميل الللى بيننا يارب دايما

[mamet jana]

طب دي مكانها فين يا سلمي / وممكن استفسار كمان يعني اية تجريبي مميز ألماني اول مرة اسمع كدة التجيريبي اما تجريبي عربي او لغات او مميز اللي هي مدارس تبع سوزان مبارك
اية بقي الألماني ؟ يا ريت تفدينا يا جميلة خاصة عن المكان فين في اكتوبر

[om sohaila]

انا قدمت لبنتى فى المدرسة الصينية و حددو لينا امتحان انا و هى و والدها
المدرسة سالت عليها و قالو الدراسة فيها معقولة لحد كبير
بس تخيلوا امتحان اولياء الامور محادثة بالانجليزى و اختيار اى موضوع عام الواحد يتكلم بية بردوا بالانجليزا يعنى هيربونا احنا الاول هههه
لو حد عندوا بردوا فكرة عن الامتحان يا ريت يقولنا

و بالنسبة للمدارس التجريبى انا بنتى رايحة كى جى تو فى مدرسة الشيخ زايد بالحى الاول المدرسة فوق الممتازة بجد
و بردوا قدمت لبنتى التانية فيها احتياطى و كتبت رغبة اولى المدرسة دى مع انى جنب الطلائع بس و الله المدرسة ممتازة و بيهتموا بالاطفال جداااا و كمان المهارات كتيرة قوى

[salma mohamed]

يا جماعة المدرسة الالمانية مكانها الحى الرابع شارع 24 المتفرع من شارع 19 والمدرسة اتبنت لكن لسة ما اتشتبتش وكل المعلومات الى عندى انها هاتتسلم للوزارة يوم 15 /9 وانها هاتشتغل الدرسة فيها السنة دى لكن مصاريفها هاتبقى زى الصينية والمدرسة هاتقبل التحويلات والى عايز يعرف اكتر يسال فى الادارةالتعليمية

[salma mohamed]

مختعايزة ادلكم كمان على الروضة النموذجية بمدينة مبارك التعليمية دى بجد ممتازة انا بنتى خدت كجى 1/و كجى2 هناك لكن للاسف هىكدة بس ولكنها فعلا بتغير الاطفال كتير وهى نظام لف فى التعليم لكن انا مش عارفة هو التقديم فيها لسة شغال ولا خلاص مكانها بعد ميدان جهينة يمين فى لوحة مكتوب عليها مدينة مبارك التعليمية هى جواها واى خدمة