محكمة القلوب(خلى بالك)

[خلود]

يلا خرجيه يااميره بقى

كفايه عليه كده

مصطفى ابننا ومننا

[اسامة22]

حرااااااااااااام عليكي بقي يااميرة
انتي معندكيش قلب
معندكيش ولاد
هههههههههههه
ولادة بيسالو علية امبارح رحت اسال علية
ولادة طلعو لي ويعيطوا بابا فين ياعمو
بابا وحشنا قطعوا قلبي
كفاية حرااااااااااااام
ههههههههههه

[اميرة حبى انا]

انتو عايزين تخرجوه وهو غايب ومكتبش ولا كلمة
لما يرجع ويقدم اسباب مقنعة لغيابه
نبقى ننظر فى امره

[مصطفى مامون]

همسة عتاب
اسمى مصطفى مامون
المهنه //سواق توكتوك بمنتدى اكتوبر
بتبدأ حكايتى وانا ماشى فى أمان الله ومعايا رخصى وبسبورى وزبون اسمه الحاج اسامه بتاع الخضار بوصله لقسم المناقشات عشان هيورد طماطم وقفنى صول اسمه فريد وقالى فين رخصك ياسيد قلتله الرخص معايا **ام رد السيد المسئول
انت ماشى فى الممنوع ياحبيبى سلم نفسك يامحترم ياله اللى بعده
ومن يومها ياحضرات الافاضل وقعت من قسم لقسم سايح مابين زنزانات المنتدى ولفيت مكاتب المباحث ورحت للسيد المسئول عن تراخيص تكاتك المنتدى اشكيله قالى
ياروح الروح انت ناقصك دمغه على الرخصه ياحبيبى ياله ياخويا متعطلناش اللى بعده
ويا حضرة الاضى انا بقيت تايه والديون بقت متلتله عليا واقساط التوكتوك مش بتندفع حتى وصلة النت قطعوها والكافيار والسوسيس اسعارهم بقت فى السما
وصلى صوتى ياحضرات للمسئولين وقلولهم ان فيه واحد مظلوم محبوس وعايز اخرج عشان الحق اروح مارينا اقضى اجازة الاسبوع هناك او اعمل جمعيه واروح شرم الهى ما يغرق لكم مايوه قادر ياكريم

[اميرة حبى انا]

الكافيار والسوسيس اسعارهم بقت فى السما
اروح مارينا اقضى اجازة الاسبوع هناك او اعمل جمعيه واروح شرم
ههههههههههههههههههههههههههه
هههههههههههههههههههههه
هموت من الضحك يا ناس
بجد يا مصطفى عليك اسلوب رهيب فى الكتابة
*
*
*
*
*
*
*
*
بـــــــــــــــــــــراءة