ايه أكتر حاجة تستفزك في الشارع ؟

[nasr]

الشارع واقف معرفش ليه مش مشكلة !
تمر دقايق وتبقي ربع ولا نص ساعة مش مشكلة!
تمر سيارة إسعاف ولا سيارة مطافي فلا تستطيع المرور دي بقه أكتر حاجة بتستفزني لأني ساعتها بشعر وكأن الحكومة تهمس في أذني بأستهزاء.. موت ..ولع .. طز فيك .

[اميرة حبى انا]

ههههههههههههههههه
دانتو طلعتو متغاظين اوى من الشارع
طيب منتظرة اذا حد فيكم افتكر حاجة تانية مستفزة
او حلوة
يقولهالنا

[saadrabea]

اميرة موضوعك جميل
بس إتحمليني شويه

المصري بمصر لا يحترم إشارات المرور - المصري بالخارج يحترم إشارات المرور
المصري بمصر لا يهتم بالنظافة - المصري بالخارج يبحث عن أماكن القاء الزبالة
المصري بمصر لا يهتم بمظهرة - المصري بالخارج باشا .
المصري بمصر مغلوب على أمره - المصري بالخارج صاحب فكر .
المصري بمصر لا يملك من أمرة شيئ واللي يتكلم - يشوف بلد غير دي يعيش فيها - يا يعيش في السجن .

وبصفة عامة
اشد الاستفزاز بالشوارع مبدأ رجال الشرطة
الشعب والقوانين في خدمة الشرطة - إلا من رحم ربي .
مبدأ المسئولين الحكوميين - أبجني تجدني - غير كده إولع بعيد عننا - كلة بالقانون .
أوعي تروح مصلحة حكوميه وانت ممعكش فلوس أمال رايح تعمل إيه .
يوووووووه وعدي على المنوال ده


اسف على الازعاج قلبتي عليا المواجع
د أنا مش راجع

[ام انس]

هههههههههههههه

ايه يا اميرة ده .. موضوع خرج هموم الجميع

انا مش هتكلم عن مساوئ ..لاننا كلنا عرفينها وحـِّسين بيها

هتكلم عن محاسنها

ولان الرسول صلى الله عليه وسلم قال " تفاءلوا بالخير تجدوه ".

اللى بيعجبنى فى مصر

شهامة ابن البلد , ولد رغم عدم التزامه الدينى لكن مش يقبل على بنت حتته ان حد يقرب لها .

الشعب المصرى بالفطرة متدين .., الوازع الدينى اللى موجود عند كل المصريين , سواء ملتزم او لا .. .



المية الموجوده فى البيوت للشرب والاكل ,المصريين فى الخارج بيشتروا المية بمبالغ كبيرة وكتير منهم بيصابوا بامراض الكلى والكبد

اللهم عافينا

نسمة الهواء ساعة العصرية فى يوم الصيف .. دول كتيرة تلاقي الرطوبة عاليه او الجفاف عالى

شمس بلدنا حلوة اووووى فى بلاد مش تشوف شمس .

الامان .. ممكن نخرج فى اى وقت من غير محارمنا . عكس بلاد كتير,غير امنه فى بيتها

شعب بيرضى بالقليل , ويحمد الله على الكثير.

يااااااااااااااااه

بجد بجد بحبك يا بلدى , بحبك يا مصر

[محمود عبد الله]

مصر النسيم فى الليالي وبياعين الفل
و مراية بهتانة على الاهاوى ازورها و اطل
مصر السماء الفسدقى عصافير معديا
و القلة مملية على الشباك منادية
و الجد قاعد مربع ييقرافى الجرنال

الله يباركلك يام انس