مش عارف والله دي نصيحة ولا .....

يعني ازاي يعني بعد ما اتغدى مثلا مش هادخن ولا هاشرب شاي ولا هارخي حزام البنطلون ولا هاتمشى ولا هانام ولا هاكل فاكهة وأكيد مش هاعوم يعني وقطعيا مش هاكل وبعدين اقوم اذاكر مثلا لأن التركيز بعد الأكل شبه مستحيل يبقى مش فاضل غير اني بعد ما اتغدى أموت قد تلات اربع ساعات وبعدين اصحى اكمل حياتي بعد ما تكون الست معدة هانم خلصت الهضم بتاعها .

بجد والله أنا مش مقتنع بالكلام ده وفعليا أنا بعمل على الأقل حاجتين من السبعة دول بعد الغدا على طول - أكيد السباحة مش منهم - بس طبيعي السيجارة مع كباية الشاي بعد الغدا ضروري وأكيد لو انا عند ناس معزوم يبقى التدخين مع الفاكهة ولو انا في البيت بعد يوم عمل مرهق يبقى هاريح وقبلها هاكل الحلو او الفاكهة واحتمال كبير انام ساعتين .

لذلك أنا رأي انها معلومات قيمة بس لناس غيرنا احنا يا مصريين واعتقد ان الخريطة الهضمية الخاصة بينا مختلفة شوية عن الكلام ده ... ولا ايه ؟؟