اتفضلى ام العيال

[ام العيال]

اميرتى حبيبتى
اسمحيلى ارد على الاسئله غدا باذن الله
عندى عزومه نونو ومضطره ااقوم
انا قلت اصبح عليكوا والله

الا هو الاسبوع كده كله هيبقى اسئله


مش هيبقى فيا حيل ادخل المطبخ تانى

[خلود]

حللت اهلا ونزلت سهلا

مرحب ام العيال

نورتى والله الكرسى الدسم ده

يلا عايزين اسئله بافتراء واجابات افظع

وراجعه لك ياجميل

مع كرسى الاعتراف مش هتقدرى تغمضى عينيكى

[ام العيال]

1-الاسم؟
ام احمد

2- السن؟
43

3-احساسك ايه وانت قاعد على الكرسى؟
الحمد لله كله تمام بس خايفه على العهده

4- مين اقرب انساااااااان او انسااااااانه ليكى؟
زوجى

5-ايه احلامك؟
نفسى احج بيت الله الحرام واطمن على ولادى

6-كام مره حسيتى انك ملكيش لزمه فى الحياه؟
يووووووووووه كتير

7- كااااااام مره مقدرتيش تكتمى دموعك؟
يووووووه كتير اوووووووووى

8-حلمتى حلم واتحقق؟؟
اه وكتير كمان



9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟
الصداقه هى بالنسبه ليا اغلى شىء بالوجود
بالحياه ليا اصدقاء كتير وبمعنى الكلمه فعلا
بالمنتدى انا لسه جديده الصراحه

10-كل شخص مننا جواه نسبة حزن ياترى نسبة الحزن جواك كام في المية؟
لا احب الحزن ابداااااااااااا


11- مين اقربلك وبتحس انه فاهمك اكتر والدك والا والدتك ؟؟؟
رحمهما الله

12- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
مش عارفه الصراحه

13- لو حبيت شخص مش حاسس بيك ياترى تعمل ايه ؟؟؟؟
--------

14- هاقولك كلمات توجهيها لاشخاص في منتدانا
- مواضيعك ممتازة
الكل الصراحه

- انت فين وغايب عننا ليه
الكل الصراحه
- المنتدى وحش من غيرك
الكل الصراحه
- رأيك بيعجبنى
الكل الصراحه
- انت شخصية محبوبة جدا فى المنتدى
الكل الصراحه
- انت دمك خفيف اوى
الكل الصراحه
- انت شخصية قوية تتحمل الصعاب
الكل الصراحه
15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟
الحمد لله لم اظلم انسان ولو حدث سوء تفاهم ابادر بتوضيح دوافعى فورا


16- هل حد ظلمك لدرجة انك قلت مش ممكن اسامح؟؟؟
لالالالالالالا
انا عامة اسامح مهما حصل

17- لو هتسافر مكان ومطلوب منك تاخد شخصين بس معاك تختار مين؟؟؟
زوجى وسوسو بنوتى النونو


18- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
زى مابيقولوا عليا دموعى واقفه ومستنيه على الباب
طبعا الذى لا اخجل منه ابدا هو زوجى

20- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟

السعوديه بلد المصطفى عليه الصلاة والسلام


ايه السؤال اللي كنت تتمنى انى ماسألوش ؟؟؟
حرااااااااااام عليكى ياميرو
كده الحمد لله

[اميرة حبى انا]

شكرا ام العيال على اجاباتك
واتفضلو كل اللى يحب يسأل
يتفضل

[محمود عبد الله]

وزارة المنتديات الالكترونية
منتدى مدينة 6 اكتوبر

اعتراف نهاية الفصل الدراسى الاول
فى مادة الحياه

الزمن : براحتك
الدرجات : 100

اسم الممتحن : محمود عبد الله
الغش ممنوع

اجب عن الاسئلة التالية

السؤال الاول : الاسرة و الطفل (20 درجة)
(اجبارى)
------------------------------------------

ا) امام ابنائك هل تعترفين بالخطء ؟
ب) اكتشفتى ان الابن الاكبر مدخن مذا تفعلين ؟
ج) الطفل اللذى لا يكف عن السؤال الشهير (لمذا كذا...؟) اوصفيه بكلمة و احدة بس
ء) اخطئتى فى حق ابنك كيف تصالحيه؟

السؤال الثانى : المرءة و ما حولها(اجبارى)
-----------------------------------------

ا) ما رئيك فى عمل المرءة لغير الضرورة القصوى؟
ب) اوصف بالتفصيل حب المرءة للذهب؟
ج) أكتشفت زوجة امتلاك زوجها لممتلكات لم تكن تعلمها و, مذا يكون شعورها ؟
ء) هل ممكن حماتك = امك ؟

السؤال الثاث: البيت (20 درجة)
(اجبارى)
-----------------------------

ا) اي المنظفات تفضلين (للمواعين / الملابس/ الارضيات)؟
ب) من صاحب قرار الكنبة دى تتحط هنا؟
ج) جائتك عاملة لتنظيف المنزل تتركيها تعمل وحدها وتكتفين بالاشراف و التوجيه ام تعاونيها يد بيد؟
ء) بعد استعمال الغسالة الاتوماتك يترك الباب (مفتوح ام مغلق) و لمذا ؟

السؤال الرابع: المطبخ (20 درجة)
(اجبارى)
---------------------------------

ا) اذكرى عدد واحد صامولة فى المطبخ بتتربط عكس الاتجاه (شمال يعنى)
ب) لمذا تم وضع الفريزر فى اعلى الثلاجة و ليس بالاسفل؟
ج) اذكرى نوعين فواكه لاتغسل إلا عند الاكل؟
د) ايهما افضل تتبيل السلطة بعد تقطيعها مباشرا ام تتبيلها عند الاكل و لمذا؟

السؤال الخامس: للمتفوقين (20 درجة)
(اختيارى و لو محلتوش هتنئص 20 درجة)
-------------------------------------------

ا) علل : كل السلالم اللى فى الدنيا و احنا طالعينها بنلف شمال

مع اطيب التمنيات بالنجاح و التوفيق
اخوكى الاصغر
محمود عبد الله