العيد فى** الماضى ** والحاضر**

[خلود]

موضوعك جميل جدا ياباشا وفعلا العيد مبقاش له زهوته زى الاول

بس يمكن بسبب ان الولاد كبروا والاجداد توفاهم الله والباقى بقى بيريح بعد صيام وشغل يوميا

اعتقد دوامه الحياه واخده الناس وياها ومبقناش نعرف نحتفل زى الاول بمناسباتنا الاجتماعيه

لكن برضو بنحاول ومش هنزهق من المحاوله

كل سنه وانت طيب ياباشا والجميع طيبين

[الباشا تلميذ]

كل عام وانت بخير

وجميع اخوانى واخواتى بالمنتدى بخير
جزاك الله خيرا على الموضوع

شكرا لتواجدك بالموضوع

[الباشا تلميذ]

البـــاشـــا

كل سنة وانت طيب وكل اهلنا فى المنتدى طيبين وكل الامة الاسلامية طيبة وبخير

شوف يا باشا

زمان بس مش زمان اوى لما كنت صغيرة ( يعنى من حوالى 3 سنين )

كنا اول يوم العيد لازم تكون العيلة كلها متجمعة فى بيت جدى, وده كان بيحصل قبل الصلاة وبعد الصلاة نرجع على جدى وناكل الكحك والبسكويت والغريبة والبيتى فور
وبعد كده ههههههههههه نقف طابووووووور طويييييييل واعمامى وعماتى يعدوا علينا ويوزعوا العدية اللى كانت من ( 3سنين برده ) نص جنيه او جنيه ..

انمـــا دلـــوقـــتى

( بعد مرور 3 سنين ) اصبح التجمع بيبدا على الغدا بسبب السهر ع الدش والنت والقهاوى ..
وآل ايه بيودعـــوا رمضان وسهرة ليلة العيد وكلام غريب كده الرجالة هيا اللى بتعمله

بس الحمد لله تقليد العدية لسة موجود مع اختلاف قيمة العملة

زمان من ( 3 سنين ) كنا بنفرح اوى بالجنيه او النص جنيه وننزل نهيص ونشترى حاجات كتير

دلوقتى (بعد مرور 3 سنين برده) الـــــــ 10 جنية العيل يبصلها كده ويبصلك شظرا ويقولك ميرسى يا اونكل بس تفتكر العيدية دى ممكن اشترى بيها ايه!!!!!!!


موضوعك جميل اوى يا باشا فكرنا بحاجات جميلة
( من 3 سنين )

يااااااااه من 3 سنين
دانتى كبيره اوى بقى على كده
طبعا بهزر
ليون شكرا لمرورك الكريم
وردك الاكرم

[الباشا تلميذ]

موضوعك جميل جدا ياباشا وفعلا العيد مبقاش له زهوته زى الاول

بس يمكن بسبب ان الولاد كبروا والاجداد توفاهم الله والباقى بقى بيريح بعد صيام وشغل يوميا

اعتقد دوامه الحياه واخده الناس وياها ومبقناش نعرف نحتفل زى الاول بمناسباتنا الاجتماعيه

لكن برضو بنحاول ومش هنزهق من المحاوله

كل سنه وانت طيب ياباشا والجميع طيبين

كل سنه وانتى طيبه خلود
وجميع اسره المنتدى بخير

[الباشا تلميذ]