اريد اسكن فى اكتوبر (استفسار)

[ددعاء]

اقصد ياجماعة المقدم يكون 20الف والباقى يكون اقساط
لانى سمعت ف شقق اسكان مبارك بتدفع 30الف الباقى اقسا ط

[محمود التهامي]

اقصد ياجماعة المقدم يكون 20الف والباقى يكون اقساط
لانى سمعت ف شقق اسكان مبارك بتدفع 30الف الباقى اقسا ط

للأسف المعلومة اللي عند حضرتك غير صحيحه
لإن اسكان مبارك له شروط معينه وحجز وقرعه وشغلانه ومقدمه على ما اذكر كان 5 او 8 الاف وقسطه 360 بتزيد سنويا لحد ما توصل 600

أما لو تقصدي تشتري من حد اتخصصت له شقه فبرضه مفيش الأسعار دي لإن أقل حاجه دلوقتي على حد معلوماتي في اسكان مبارك فوق الخمسين ألف وقسطها زي ما قولنا 360 جنيه تزيد سنويا إلى ان تصل لـ 600 جنيه
ودي هي معلوماتي كمواطن من سكان المدينة من عشرين سنة
ولو فيه حد من الأخوة الكرام أصحاب مكاتب العقارات موجود هيفيدك أكتر ويأكد صحة كلامي من عدمه
وياريت لو كان فيه حد عنده اي شقق باي اسعار قريبة من كدا يقولنا عليها
انا عن نفسي لي قريب محتاج شقه في حدود 50 ألف بقاله 4 شهور ومش لاقي

[sameh_samir]

مفيش الاسعار دي نهائيا في اي مكان ولو تقصدي الشقق اللي بتنزل تبع الجهاز او الوزارة بتكون لها شروط مجحفة عادة غير القرعة يعني بيقدم 50الف شخص وبياخدوا منهم 5 الالاف
والاستلام بيكون بعد حوالي 3 سنوات لكن عشان تشتري من حد اتخصصله بيبعلك بسعر السوق مالوش علاقة اخدها بكام واقل سعر في مكان كويس بمساحة من 60 الي 70 متر مثلا هتلاقيه فوق ال 80 الف وعليها اقساط
اما اللي اقل من كده بيكون في منطقة شعبية وزحمة ومش حلوة

[helmy]

لدى ثلاث شقق المساحة 75 متر المتر بألف جنية تسليم نصف تشطيب بعد ثلاث شهور من التعاقد وهى فى مشروع ابنى بيتك وانتم فى الموقع تعلمون جميع تفاصيل مشروع ابنى بيتك

فمن كان جاد فى طلبة فليتصل بى على موبيل 0125119369

وسوف يكتب العقد عند محامى وبشروط جزائية للطرفين ويمكن اخذ المبلغ على دفعتين او ثلاثة بشرط الدفعة الاولى 20000جنيه حتى انهى تشطيب الدور الاول وهو الان على العمدان

شكرا