التكافؤ في الزواج""

[fagrmasr01]

يعنى انت شايف ان لو الزوج اصغر من الزوجة ده مش هيكون له تاثير على صحة الزواج وهيكون زواج ناجح بمعنى الكلمة

عادى يعنى

فى الحقيقة يا ليون
انا فعلا دا رأيى الشخصى
لان العكس هو الى تأثيره السلبى اكبر
لكن طبعا مش الفارق الكبير
لكن اقصد ان الست ممكن تكون اكبر شوية يعنى بكام سنة
مش اكتر من خمس سنين يعنى

[lionking]

يعنى انت شايف ان لو الزوج اصغر من الزوجة ده مش هيكون له تاثير على صحة الزواج وهيكون زواج ناجح بمعنى الكلمة

عادى يعنى

فى الحقيقة يا ليون
انا فعلا دا رأيى الشخصى
لان العكس هو الى تأثيره السلبى اكبر
لكن طبعا مش الفارق الكبير
لكن اقصد ان الست ممكن تكون اكبر شوية يعنى بكام سنة

مش اكتر من خمس سنين يعنى

انا مش معاك فى دى

مينفعش باى حال من الاحوال تكون اكبر من جوزها

ليـــــــــــــــــــــــــه؟؟

علامات التقدم فى السن بتبان على المراة اسرع من الرجل

هيبان عليها العجز قبله بكتير وخصوصا انها اكبر منه

وهتبقى حوسة بئه

[خلود]

ده اكيد

مينفعش هى تبقى اكبر منه وده رأيى انا كمان

احساس الست انها اصغر من جوزها بيبقى احلى اكيد بكتير

علشان كده بنقول التكافؤ كمان فى العمر مهم جدا

ده طبعا غير بقيه العوامل التانيه اللى ذكرها جمال ومش هقولها تانى بقى

شكرا على المداخله ليون وجمال وكل من شارك

وللحوار بقيه

[دعاء الكروان]

هو الموضو جميل جدا جدا

تسلم ايدك اولا

فعلا لازم يبقى فية تكافؤ بين الزوجين

من حيث السن ** من حيث التعليم ** من حيث الطبقات الخ الخ

والا انتى شايفة اية

[خلود]

بصى يادعاء اكيد التكافؤ مطلوب طبعا فى كل شئ بس هقولك على حاجه بتحصل اليومين دول

وده نتيجه الغلاء وقله الجواز ونتيجه ظروف اجتماعيه كتيره جدا مش هناقشها هنا دلوقتى

تبصى تلاقى بنت جاميعه وبتتجوز سباك او ميكانيكى
او زى ما قال جمال كده بنت صغيره بتتجوز واحد اكبر منها بكتير وتتحول لممرضه

وده لان الظروف مش هتسمح لزميلها الجامعى انهم يتجوز لانه لسه قدامه جيش وتكوين مستقبل هنا بقى فين التكافؤ اللى بنتكلم عنه

علشان كده مطلوب من الاهالى عدم التشدد مع الشباب ومساعدتهم بقدر الامكان علشان يبقى فيه تكافؤ

وياريت اعرف باقى الاراء والمشاركه فى الحوار