هل انت مع بقاء الرئيس حسنى مبارك على رئاسة الجمهوريه حتى نهاية مدة رئاستة ام ضد ؟

[اميرة حبى انا]

ازاى قطبان يترك سفينته فى وسط البحر لغيره
بلاش دى
ازاى عايزين تطردوا راجل عنده 83 سنة
لو والد اى حد فينا زعله هيطرده
ولا لما بنقراها فى الحوادث ان حد طرد او ضرب ابوه بنقول اخص
اخص ومليون اخص
الراجل يطلع بكرامته
ولو مش واخدين بالكو
فعمر سليمان هو اللى بيدير شئون البلد فعلا
بس مش لازم يقولوها صريحة كده
ارحموا من فى الارض يرحمكم من فى السماء
الكافر لو تاب ربنا بيقبله
والراجل ده بيصلح كل حاجة اهو
احنا مين احنا عشان منقبلش
حكمتك يارب

[خلود]

انا طبعا مع بقاؤه لغايه الفتره ما تخلص والصبر شويه على رأى سينس هما كلهم 200 يوم

وبعدين احنا اولى بالاصلاحات دى واللى جاى اكيد بمشيئه الله افضل بكتير

وبلاش نظلمه اكتر من كده وحتى لو غلط اهو بيحاول يصلح شويه قبل ما يمشى

وميصحش نتعامل مع رمز لمصر بالقسوه دى

[صلاح الشريف]

السلام عليكم
الإخوة الأفاضل
والأخوات جميعا
إن في بقاء الرئيس مبارك امن وأمان البلاد
الكل طامع في البلاد

[stylooo]

http://www.youtube.com/watch?v=cJSaP6nwtYM

يكفين هذا رد
و لا ننسى أن السيد الرئيس كان صاحب الضربة الجوية


و لا ننسى أيضا دم الشهداء و الطلقات الغادرة

من يوم 25 يناير 2011 حتى اليوم

و البلطجية و أعداء السلام



من يدفع فاتورة الحساب ؟؟؟؟ !!

أيرضى الأب أن يقتل ولده
أم يرضى الابن القتيل ترك الأب
دون محاكمة ؟؟؟؟

نحن لسنا آلهة على الأرض

و الكل لابد أن يحاكم
هذا رأى
و حسبنا الله و نعم الوكيل

[since1990]

ستايلوا اسمحيلى انت نسيتى تقولى حاجه مهمه جدا عن السيد الرئيس
أنه أيضا صاحب الضربه البريه يوم الاربعاء الموافق 2 فبراير
على الجيوش المعاديه والمتمركزه فى ميدان التحرير