رئيس مصر القادم .. واللى بيخاااااااف يمشى !!

**lionking** · 02-07-2009, 01:50 PM

طبعا انا مش شايفه حد يصلح للرئاسة

لاننا معندناش ثقافة الاحزاب
ولا الناس اللى نفسها تمسك الرئاسة بيعرفوا يقدموا نفسهم

واللى بيحصل كووووولنا عارفينه

نيجى قبل الانتخابات ونجرى ونهلل ونعمل البدع وبعد كده بخخخخخخخخخخخخخخخ

وبالتالى منقدرش نقول اى اسم الا لو عرفنا جزء من تاريخ اى شخصية سياسية

ومش المفروض انه يكون واحد من العواجيز الموجودين حاليا

مصر محتاجة دم جديد وفكر جديد ومتطور شوية

ومع احترامى ليك يا سيد مارو

مش شرط طبعا نختار جمال مبارك
ده لو من حقك اصلا تختار

بس يا ريت تقول ايه اللى خلاك تختار الشخصية دى

ولا انت
مؤيد للتوريث والغاء العقل وضد التجديد وماشى على مبدا اللى نعرفة احسن من اللى منعرفوش

**fagrmasr01** · 02-07-2009, 03:01 PM

سيد مارو

حلوة اوووى اسباب اختيارك للوريث
اووووى

شباب حيوية ثقافة
ابن رئيس مصر

فعلا فعلا اسباب رائعة وجميلة
لكن هى تصلح لاختيار عريس
ولا تصلح طبعن لإختيار رئيس

جمال مبارك شخص رائع كشاب وسيم مثقف حيوى ونشيط
ولكن .. احنا لسه اسمنا جمهورية
فهل عقمت مصر ان تنجب من يتولى أمرها
بدون ان نتحول الى ملكية وتوريث

من غير حساسيات ... هو مجرد تساؤل

**lionking** · 02-07-2009, 03:56 PM

جمال مبارك شخص رائع كشاب وسيم مثقف حيوى ونشيط
ولكن .. احنا لسه اسمنا جمهورية
فهل عقمت مصر ان تنجب من يتولى أمرها
بدون ان نتحول الى ملكية وتوريث

من غير حساسيات ... هو مجرد تساؤل

وانا معاك فى نفس التساؤل

**مارو** · 02-07-2009, 06:15 PM

أنا مش عارف إنتم عاوزين إيه؟؟؟؟
الموضوع عن إختيار رئيس لمصر بعد حسني مبارك (بعد عمر طويل)
أنا حاسس إنكم مش عاوزين حد يقول جمال مبارك بالتحديد
ده رأي عضو في المنتدى اللي فيه الموضوع
ياريت كنتم حاطين إختيارات وأنا كنت إخترت
بس
ولا حساسية ولا ربو
والسلام عليكم