ضيف الكرسى جديد جديد(مارووووووو)

[مارو]

طيب فين الأسئلة؟
إنتم بتحضروا عفاريت ولا إيه؟
هي الأسئلة مش من المنهج؟؟؟؟؟؟

[اميرة حبى انا]

الاسئلة الثابتة
1-الاسم؟
2- السن؟
3-احساسك ايه وانت قاعد على الكرسى؟
4- مين اقرب انساااااااان او انسااااااانه ليك؟
5-ايه احلامك؟
6-كام مره حسيت انك ملكش لزمه فى الحياه؟
7- كااااااام مره مقدرتش تكتم دموعك؟
8-حلمت حلم واتحقق؟؟

9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟
10-كل شخص مننا جواه نسبة حزن ياترى نسبة الحزن جواك كام في المية؟

11- مين اقربلك وبتحس انه فاهمك اكتر والدك والا والدتك ؟؟؟

12- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
13- لو حبيت شخص مش حاسس بيك ياترى تعمل ايه ؟؟؟؟
14- هاقولك كلمات توجهها لاشخاص في منتدانا
- مواضيعك ممتازة
- انت فين وغايب عننا ليه
- المنتدى وحش من غيرك
- رأيك بيعجبنى
- انت شخصية محبوبة جدا فى المنتدى
- انت دمك خفيف اوى
- انت شخصية قوية تتحمل الصعاب
15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟

16- هل حد ظلمك لدرجة انك قلت مش ممكن اسامح؟؟؟
17- لو هتسافر مكان ومطلوب منك تاخد شخصين بس معاك تختار مين؟؟؟

18- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
20- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟

ايه السؤال اللي كنت تتمنى انى ماسألوش ؟؟؟

وطبعا دى الاسئلة الثابتة يعنى مش اسئلتى
انا لسه مسألتش

[مارو]

1-الاسم؟
محمد مروان
2- السن؟40 سنه
3-احساسك ايه وانت قاعد على الكرسى؟
عادي زي أي كرسي
4- مين اقرب انساااااااان او انسااااااانه ليك؟زوجتي طبعاً إنتوا ها تودونا في داهية ولا إيه؟
5-ايه احلامك؟
أحلامي خلاص بقت في أولادي (أعلمهم كويس وأربيهم كويس وأطمئن على حياتهم العملية)
6-كام مره حسيت انك ملكش لزمه فى الحياه؟
ولا مره
7- كااااااام مره مقدرتش تكتم دموعك؟
عند وفاة عزيز وغالي ودي في الأعوام الخمسة الماضية كتير أوي (وفاة أمي وأبويا وأختي الكبيرة وزوج أختي التانية)
8-حلمت حلم واتحقق؟؟
حلمت أبني بيت لأبويا وأمي وأخواتي وتحقق
حلمت أني أخلي أبويا يحج لبيت الله وتحقق

9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟
الصداقة مكملة للأخوة يعني اللي مش موجود في أخويا أجده في صديقي
أقرب صديق لي ناصر عبد الغني وصلاح عفيفي ومحمد عبد المرضي (على درجة واحده)
في المنتدى كلكم أصدقائي(بجد مش هزار)
10-كل شخص مننا جواه نسبة حزن ياترى نسبة الحزن جواك كام في المية؟
30 %


11- مين اقربلك وبتحس انه فاهمك اكتر والدك والا والدتك ؟؟؟
والدتي رحمة الله عليها لأن الوالد زي ما قلت في الفضفضة دائماً في الغيط (الحقل يعني)

12- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
موضوعات خلود والباشا ودعاء الكروان (كلها )
13- لو حبيت شخص مش حاسس بيك ياترى تعمل ايه ؟؟؟؟
ها قوله على طول أنا بحبك (أنا صريح جداً) ودي عاملالي مشاكل كتير
14- هاقولك كلمات توجهها لاشخاص في منتدانا

- مواضيعك ممتازة
الباشا
- انت فين وغايب عننا ليه
كتكوت
- المنتدى وحش من غيرك
خلود وأميرة
- رأيك بيعجبنى
فجر مصر
- انت شخصية محبوبة جدا فى المنتدى
أبو تريكة ,وقمر
- انت دمك خفيف اوى
كتكوت
- انت شخصية قوية تتحمل الصعاب
لسه بدري لم أدرس الشخصيات
15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟
حاجات صغيرة جداً
وبروح أتأسف على طول (مفيش كسوف)
طبعاً بيحصل تسامح على طول

16- هل حد ظلمك لدرجة انك قلت مش ممكن اسامح؟؟؟
إبن أخت لي
كنت أعامله مثل إبني وأكثر ولكن معرفش إيه اللي حصل له وغلط فيا وقلت مش ممكن أسامحه ولكن بيني وبينكم لو إعتذر ها سمحه لأن الموضوع صار له عامين
17- لو هتسافر مكان ومطلوب منك تاخد شخصين بس معاك تختار مين؟؟؟
يتوقف على نوع السفر
سياحي أم عمل أم إستجمام
على العموم لو رجالة يبقى ناصر ومحمد عبد المرضي
لو فيها حريم
يبقى زوجتي وأختي

18- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟

صعب جداً حد يشوف دموعي ولا حتى زوجتي وهي بتزعل من كده بس أنا كده وخلاص

20- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟
أحب أزور لندن جداً
ولكن أنا مصري وأبويا مصري

ايه السؤال اللي كنت تتمنى انى ماسألوش ؟؟؟
سؤال الدموع

[خلود]

مارو

تسمح لى احييك على صراحتك اللى عهدناها منك هنا وفى الفضفضه واللى اعطتنا ملامح عن شخصيه واضحه وبسيطه جدا وصريحه كمان

وبتمنى الصراحه دى فى باقى الاسئله

ماشى ياحاج علشان نبقى حلوين كده مع بعض وزى السكين فى الجاتوه
اشكرك طبعا لذكر اسمى واتمنى الا يحدث ما يجعلنا نغيب عن منتدانا الحبيب

[مارو]

فين الأسئلة
اللي بعده
الكرسي ده مريخ جداً