ثمن عنادك

**الرومنسى** · 19-12-2010, 04:10 PM

المشاركة الأصلية كتبت بواسطة fagrmasr01

ايه معنى الحب عَندك
مخدتش منك الا عِندك

مش هانسى يوم واقولك حبيبى
و لا هاجى جنبك وازيد لهيبى
لما ابعد كنت بتشتاق لحنانى
دلوقتى أرفض تكون طبيبى

حيرتنى فعلاً وياك وتعبتنى جداً فى هواك
فى كل لحظة .. كنت اتمنى .. أكون وياك
لكن بعنادك .. بطلب من ربى انى أنساك

وان قلبى ف يوم يسلاك
حتى ولو روحى وياك
ولو قلبى بيتمنى رضاك
مش هرجع تانى أتمناك

قادر يشفينى من حبك
وانسى عذاب الصد وهجرك
وانسى خضوعى لقلبك خالص
وانسى معاه عذاباتى ف غدرك

علمتى عينى دمعتى
وحرقتى قلبى بلوعتى
وبتطفى كل آمال أيامى
وبالغدر طفيتى شمعتى

يالى كنت عشانك انت * * جوه فى قلبى باقيد شموعى
خلاص ظهرتلى الحقائق ** كان فرحك تشوفى دموعى
ولو فى قربك ماء حياتى** مش حاتشوفى يوم رجوعى
مسحتك خالص من قلبى **وباحلف انى رفضت خضوعى

مش هاكتب عنك أشعار
ولا ع الحب ولا ع النار
يكفيكى الى كتبته عليكى
كفاية خلاص نزل الستار

لك منى مليون تحية
اخى العزيز