أماكن قطاعات المنطقة السادسة (طبقا للاستنتاج)

[osamamaz]

اشكر اهتمامك اخ سامح و مجهود مشكور و ان كنت باكرر انى حاسس انى انا و انت ايللى شايلين هم الموضوع يمكن عشان احنا الاتنين فى قطاع ( ق ) يعنى قدرنا و قلقانين منه قوى

[osamamaz]

يا ترى مكان قطاع ق على ويكيميبيا انا وضعته زى تخيلك000 فهل مكانه كده صح ولا انا غلطت فى تنفيذ توقعاتك

[osamamaz]

السلام عليكم و رحمة الله وبركاته
معاكم اسامه قطاع ق منطقة 6
بصراحة اما ايللى ترجمت توقعات الاخ سامح على خريطو ويكيميبيا و الفضل الكبير ليه هو
انا زرت المنطقة مرتين مره من شهرين و مره امبارح
لى الملاحظات التالية :-
اولا الايجابيات :-
1- ظهور مبانى باعمدتها خلف القطار و بداية الاعمار والحركة المستمرة فى دخول السيارات و العمال
2- البدء فى ادخال بعض المرافق مثل المجارى و مواسير المياه العمومية
3- يوجد 2 غراب مياه (عامود ارتفاعه 3 متر تقريبا يشبة الدوش) و به مصدر مياه و لكن لسيارات المياه فقط
4- وجود اكثر من مقاول و اكثر من طريقة للتنفيذ بحيث يمكن ان تتفرج و تختار المقاول حسب جوده اعماله
5-امكان تداول المياه ذلك عن طريق تاجير حاويات مياه ( جسم بلاستيك مربع الشكل زى النرد مثلا ) ب15 ج فارغ و 25 جنيه للمياه = 40 جنية لليوم الواحد
6- توافر الحديد و الزلط و الاسمنت بالمشروع و ان كان اسعارة غالية يمكنك الذهاب لموقف الحى السادس الفريب بالمدينة و تشترى باسعار تقل عن المنطقة ب 20 الى 50 جنيه للاسمنت مثلا
7 بيقال ان هناك مشروع طريق قادم من امتداد ميدان الواحات المتجه غربا الى الواحات ليمر اسفل جنوب قطاعات 6 حتى طريق الفيوم و ان كانت ليست هناك اى بوادر لذلك
8 - لقيت على ويكيميبيا طريق بلون اصفر ده لينكه http://wikimapia.org/beta/#lat=29.91...13&l=0&m=h&v=1 ياريت يكون حقيقة و مدخل بعيدا عن القطار العازل
ثانيا السلبيات :-
1- كل جار يرمى مخلفات الخفر اما على جارة ايللى جانبه و الشاطر ايللى يسبق او يرميها بالطريق و يقطع المرور من المنطقة حتى ان اغلب السيارات الان تغرز فى الرمال و يصعب التحرك للملاكى حتى النقل ايللى مش خبرة بيغرز
2-البدو لو دفعت لهم فلوس قسطها حسب تسلسل الاعمال طرفك 50 ثم 50 و هكذا بحد اقصى 300 ج للحراسة لانك تشويناتك بتسيبها لتنى او ثالث يوم على اقل تقدير لانك بتشترى الحاجة جملة عشان توفر و تقدر تشتغل و متعطلش على شيكارة اسمنت او متر زلط
3- لا تعطى مقاول مونه و اجره و لو عملت كده تابعه و هو بيحط الحديد و الاسمنت لانهم بيخنصروا لدرجة انى لقيت واحد بيعمل قواعد من غير حديد خالص وحط بس اشاير عمدان غرزها فى القاعده ، وواحد اخر عمل لبشة ( قواعد مجمعه و ليست منفصلة ) و بدون ولا سيخ حديد و محدش شايف حاجة
4- يمكنك تعديل الرسومات بعدما تطلع الرخصة بالرسومات الاصلية
5- هات حد من الجهاز يعطيك منسوب الحفر عشان فى ناس حفرت غلط و حولولهم الدور الارضى الى بدروم تحت الارضى لارتفاع منسوب الشارع. و لو مجبتش حد انزل بمستوى الحفر متر نص متر عن منسوب البلاعه ده لو لقيت بلاعه
ملحوطة اخيرة للاخ والصديق سامح و لكل زملاء قطاع ق : بعد محددت ق على ويكيميبا انها قدام قطاع ط وجدت ان هذا المكان مستغل حاليا شركة كبيرة قامت بالحفر ( تقريبا مشروع استثمارى خاص) و جابت معدات حفر و مكاتب و خلافه يعنى كده احتمال ان ق مش متكونش فالمنطقة دى خالص حسب التوقع
وارجو التوفيق للجميع
اخوكم اسامه قطاع ق منطقة 6

[hatim hassan]

انا برضه جاركم في قطاع ق و ومش متاكد من المكان لاكن ده مش مهم حاليا المهم ان نتعاون وناخد تليفونات بعض عشان الي قطعهم قريبه من بعضها يشتغلو مع بعض وده هايوفر كتير انا قطعتي رقم 92 الي قريب مني يتصل بي
حاتم حسن ت\ 0166232976