علي فين رايحين يازمن

**fagrmasr01** · 21-03-2009, 03:54 PM

اخى الحبيب أسامة
موضوعك مكتوب 1:39 .. ردى السابق مكتوب انه تم 2:45
يعنى تقريبا ساعة او 66 دقيقة بالتمام والكمال

وصدقنى يا صديقى .. المنتدى هنا جميل جدا

والموضوعات المهمة الناس كلها هنا بتهتم جدا بالرد عليها والمشاركة

لكن انا متهيألى ان الناس فى اشغالهم او لسه مرتاحين ومحدش دخل

وكلنا ملاحظين التغيير اللى حصل فى تقاليدنا وعاداتنا مع مرور الزمن

ولكننى أكرر انه فى بالى حالياً قول الشاعر
نعيب زماننا والعيب فينا.. وما لزماننا عيب سوانا
ونهجو ذا الزمان بغير ذنب .. ولو نطق الزمان لنا هجانا

كما يشرفنى .. وبكل حب وترحاب .. ان أكرر لك ... تسلم إيدك
أخوك : جمال ( فجر مصر )

**اميرة حبى انا** · 21-03-2009, 10:22 PM

استاذ اسامة موضوعك جميل جدا
بس ملهاش لزمة التعليقات دى

**الباشا تلميذ** · 22-03-2009, 12:25 AM

العيب ليس فى الزمن
العيب فينا احنا
شكرا على موضوعك الرائع

**خلود** · 23-03-2009, 11:45 AM

والله الواحد مش عارف العيب فى مين بالظبط

الزمن غير الناس ولا الناس اتغيرت

بس هو فيه خلل اكيد لكن فين بقى الله اعلم

موضوعك جميل اسامه وعايز وقفات كتيره اوى

تسلم ايدك

**lionking** · 23-03-2009, 12:01 PM

استاذ اسامة

كل الكلام اللى انت قلته صحيح مليون بالمئة

بس انا شايفة ان المشكلة فينا احنا كبشر الزمن ملوش دعوة خالص

احنا اللى بقينا وحشين وجاحدين ومفتريين

وللاسف الصفات دى بننقلها لولادنا دون قصد.

يعنى لما الولاد يشوفونا مش بنسال على اهالينا الا بالتليفون والنت, يبقى هما كمان هيطلعوا اقسى مننا على الاجداد ثم علينا

يعنى دى مشكلة مستمرة وممتدة

يبقى احنا لا نعيب الزمان لكن نعيب على نفسنا ونبصلها كويس ونحاول نصلحها,, لو احنا رجعنا الحنية والطيبة الى قلوبنا اكيد الدنيا هتتغير

لو الام علمت ولادها لما يركبوا المترو لو شاف واحد كبيرة او حد تعبان لازم يقوم يقف ويخليه يقعد كده ممكن يتصلح الحال,, لكن الام من دول تبقى تخينة وواخدة مكان 2 وابنها ماشاء الله بغل صغنن قاعد جنبها وواقف ادامها واحده حامل تقوم تعمل ايه ( تاخد ابنها ف حضنها عشان يبقى نايم او تعبان) يعنى بتعلمه عدم الرحمة والكدب والنصب فى طلعة واحدة

حسبى الله ونعم الوكيل