اليكم احدث جيم باكتوبر

[khaled2010]

غالى جدا
طب وسعر الحصة الواحدة كام؟

[ملك محمد]

انا فى الحقيقة دخلت جيمات فى اكتوبر زى فيتنيس جيم مثلا بردة ب500 جنيه فى الشهر وايضا فى رويال جيم وده ارخص بحوالى 250 جنيه تقريبا لكن مش بالنظافة ولاالنظام حتى المدربين كويسين خالص بالنسبة لسؤالك فيه حاجة اسمها day use ودة ب 50 جنية الكابتن بيفضل واقف معاك فى التمرينة ويوجهاك تمام وانا تحت الامر فى اى سؤال وشكرا

[khaled2010]

انا دخلت الجيم اللى فى نادى نقابة المهندسين نظيف برضو وفيه مدرب الحصة فيه ب 45

[ميدو-12]

اية 500 جنية في شهر لية اة اسعار سياحة تصدقو بالله انا جنب بيتي في شبرا والله جيم حكاية عارفين بكام احدث الاجهزة تكيفات والله العظيم 150 عمار يا شبرا ام الدنيا

[haytham69]

السلام عليكم،
في احد المنتديات اللي مشترك فيها هناك بند من القوانين أحب أن أذكره هنا لعل بعض الناس يشوفوه و يفهموه و انا ححاول أفسر مقصدي من وضعه

(((يرجي من جميع الاعضاء الكرام عدم بخس البضائع المطروحه أو الإنقاص من جودتها وإثارة البلبله بين الاعضاء ومن يقوم بذلك سيعرض نفسه للمحاسبة أو ايقاف العضويه من قبل الإدارة .)))

خليني أوضح. شخص ما قام بوضع إعلان لبضاعة ( هنا مثلا الجيم أو مطعم ) و أسعارهم. اللي يحب يدخل يعلق يعلق بكلمة حلوة أو دعاء لصاحب الاعلان بالتوفيق. مفيش داعي أقول " غالي" " أنا اعرف مكان أرخص" صاحب الاعلان مطلبش رأيك. هو يعلن عن شيء يخصه. حبيت تستفسر عن شيء عادي أستفسر بس مفيش داعي أنك تحبطه أو كلام ممنهوش فايدة.

ممكن تساعد صاحب الأعلان بردك كالتالي :

موفق بإذن الله ... لك مني أجمل تحية

أو لا تعلق التعليقات التي تهدف للتحطيم.

أرجو قبول النصيحة و مروري.