لسا فاضل فى الحكاية فصول كتير

[محمد المصري]

كلمات اكثر من رائعه ياحاج جمال

اعجبنى تعليقات اخى فريد وانتقاده لابياتك وردك الرائع عليه واتمنى ان نلتقى هنا جميعا على حبنا لمصر الذى لا يختلف عليه احد

[fagrmasr01]

كلمات اكثر من رائعه ياحاج جمال

اعجبنى تعليقات اخى فريد وانتقاده لابياتك وردك الرائع عليه واتمنى ان نلتقى هنا جميعا على حبنا لمصر الذى لا يختلف عليه احد

يارب يبارك لك ويكرمك
ويجازيك عنا خير الجزاء
وانا ايضا اعجبتنى مساحة حرية الرأى المفتوحة فى هذا المنتدى الرائع
واحبكم جميعا فى الله وأحب اخى فريد وأرحب بكل النقد بصدر رحب
فالهدف الحقيقى هو ليس ان ينتصر احدنا لنفسه
انما هو الرأى القابل للصح والخطأ والنقد والتصحيح
فكل منا يؤخذ من كلامه ويرد عليه
الا صاحب المقام عليه الصلاة والسلام
اللهم احفظ لمصر وحدتها وأمنها وأمانها

[lionking]

لسا فاضل فى الحكاية فصول كتير
لسا ياأمى فى دم الولاد أنوار وخير

لسا تار الشهيد اخويا وابنى اللى مات جعان
وتار الست اللى كشفوا جسمها جوه الميدان


ايوة طبعا لسا يامصر جوايا باقى المقالة
مش هاسيبهم يحكموا بغدر وخسة وندالة

ولا هاسيب يوم الفلول يحكموكى وينهبوكى
ولا الأحزاب اللى موطية يبيعوا ويشتروكى

مش هابيع واخضع لإرهاب الحناجر
ولا هخاف يوم م المطاوى والخناجر

لسا اسمك جوه دمى بيغلى نار
وحالف مش ممكن هاسيب التار

الحكاية مش شعارات وهتاف مع طبلة او مزمار
اصحى يامصر ولا تخضعى لدستور الهوان والعار

متخضعيش ياأمى لكرسى ومساومات
واوعى يوم تفرطى فى دم اللى مات


طبعا كلماتك روعة يا جمال
بس عندى مشكلة صغننة
وفريد ممكن يرد عليا

فى ايه يا فريد انا مش فاهمة ايه اللى مزعلك

اوعوا حد يضرب

[فريد]

فى ايه يا فريد انا مش فاهمة ايه اللى مزعلك

اوعوا حد يضرب

حمد الله على السلامة باليون
مفيش مشكلة خليها فى سرك بقى
وانا عارف انك بتهدى النفوس
ههههههههههههه

[fagrmasr01]

طبعا كلماتك روعة يا جمال
بس عندى مشكلة صغننة
وفريد ممكن يرد عليا

فى ايه يا فريد انا مش فاهمة ايه اللى مزعلك

اوعوا حد يضرب

يادى النهار البسام اللى من اول لحظاته جميل

نورتى العالم ياليون برجوعك

وفرحتينى بمرورك وتشجيعك اللى زادنى نور على نور

اما عن رأى فريد أفندى .. فيا ألف مرحب بالنقد والرأى الآخر ..

المشكلة انى انا اللى مش هاعرف اغير أفكارى بسهولة .. لأن تراكم الأحداث يحتاج الى مجهود كبير فى تغيير القناعات اللى مع التراكم اصبحت بتشكل خلفية جوايا عن رأى الجماعة والحزب .. وبكل الحب أدعوهم الى ان يثبتوا لأنفسهم ولينا وللعالم كله انهم قادرين على التغيير .. وانهم لن يعودوا لفكر الاقصاء والاستحواذ والمغالبة.. وأهلا أهلا بكل رأى يوافق او يخالف .. المهم الرأى الصح يثبت نفسه ويحاول يفيد حبيبتى الغالية مصر الفايدة اللى بجد .. من غير شعارات
ليون .. مش عارف أوصف فرحتى بمرورك .. سماااااااح .. الفرحة اكبر من كل الكلام