اعتداءات علي شباب 6 ابريل والبرداعي ينتقد

**ebnelosol** · 07-04-2010, 11:31 AM

السيده ليون
ان ما حدث بعين شمس هو نوع من الالهاء السياسي التي تعودت عليه الحكومه فمثلا عندما يخطي مسؤل كبير او رجل اعمال سياسي مثل ممدوح اسماعيل يجيبو موضوع انفلونزا الطيور عشان يلهو الناس
تيجي مصيبه هشام يقولو الخنازير
وهلم جر زي فلم احمد زكي الهروب هههههههههههههههههههه احنا غلابه والله ودا اللي بيستخدموه مع الشباب
اسلوب ساذج والله ونا بره مصر كنت بتحسر عليها لكن هلا وربي احشائي بتنقطع
سيده ليون شاكر مرورك

**محمود التهامي** · 07-04-2010, 11:58 AM

بصوا يا جماعه سواء اتفقنا أو اختلفنا على البرادعي مش دي المشكلة
بالعكس دا هو ده هدفهم الأساسي
وحضراتكم كلكم عقول واعية ومدركة للأفعال دي
نظامنا دلوقتي بيتعامل بسياسة " فرق تسد "
لإنه اكتشف - اخيرا - انه غير قادر على المواجهه

أنا عن نفسي أؤيد البرادعي
ليس رغبة فيه ولكن رفضا لغيره
دا حتى زعماء الأحزاب المعارضة بيتعاملو بنفس المنطق
امبارح على اون تي في كان وائل نور بتاع الغد بيتكلم
الراجل والله صعب عليا
بيقول ما معناه
مش عايز ابقا رئيس
مش دي المشكلة أبدا
لكن عايزين حد جديد
حد عايش في زمننا وعاش اللي عشناها واللي بنعيشه كل يوم
مش حاكم معزول ومنعزل عن شعبه

عارفين
أصل لو مبارك عارف كل اللي الناس فيه دا وبيتصرف كدا أو بمعنى أدق مبيتصرفش اصلا تبقا مصيبة
اما بقا لو مش عارف
يا نهار حبر غطيس غميق
دي تبقا كاااااااااااارثة بكل المقاييس والمعايير

**ebnelosol** · 07-04-2010, 12:06 PM

والله معاك حق ايمن نور او غيره او جمال حتي بس نحس ان في تغير
شاكر المرور يا محمود بيك

**fagrmasr01** · 10-04-2010, 10:58 AM

ابن الاصول ..
لا افهم مغزى وهدف ان تقوم بالتشكيك فى البرادعى او غيره من الرموز الوطنية التى لها قدرها

فعلا الشعب لازم يتحرك .. لكن مش ضد البرادعى ومش بالتقليل من شأن راجل بيبذل جهد مخلص لتحريك المياه الراكدة

جهات اجنبية ايه الى انت عايزها تتدخل ؟ ولصالح مين ؟
اتقوا الله فى شعب مصر ورموزه.. أنا أرفض دعوتك ان البرادعى يطلب التدخل الخارجى .. وأرفض التشكيك فى رموز مخلصة من وراء ابواب مرسوم عليها شعارات اجنبية